《粵語殘片》
♂：早晨
♀：早晨
♂：我搬左返屋企住喇
♀：幾好啊，唔駛浪費錢住酒店
♂：我既野全部都無郁過，連枕頭既味道都係一樣
♀：床既味道，枕頭同被既味道，係腦海入面係難以忘記既
♂：離開左兩年，我都真係有少少掛住屋企
♀：你間房係點嫁？
♂：得閒你可以黎參觀下喎
♀：星期日我都仲會黎，依家不了，你形容下
♂：我張床有兩個枕頭，一個訓一個攬，一張冷氣被，左邊係窗，床尾有衣櫃，然後旁邊係書桌，放左電腦，上面有大量既書，漫畫，同埋我收藏既玩具，桌上有個耳機，一大堆雜物
♀：估唔到作家既房都係咁平平無奇
♂：你想有幾特別，要有紙筆墨硯？
♀：我諗到今日聽咩歌喇，《粵語殘片》！蔣艾小朋友，依家比條10萬蚊題目你，到底有幾多個女仔訓過你張床，A，一個，B，兩個，C，三個，D，四個或以上
♂：喂，呢條問題我答你你又會知答案咩？係唔係應該我問你啊
♀：我估D！拍定手先！我讀Drama嫁！
♂：答案係……錯既，係B啊！
♀：車……咁普通既答案！姐係初戀同半個啦
♂：初戀同我個妹
♀：估唔到你連妹都唔放過……你今次真係堅危險！
♂：喂喂，親人有訓過自己張床有幾出奇啊，無你諗得咁邪惡囉
♀：點知你！初戀係你間房，諗起都覺得臉紅
♂：我想講，我同初戀咁耐都無做過囉……
♀：法官大人，我有理由懷疑被告既可信性！
♂：無啊，我個陣好毒
♀：所以就係兩個著校服既小情侶係床上談心嗎？你仲有冇搵你初戀呢？
♂：分左手之後有係中學同學婚禮見過佢一次，感覺好唔實在，完全唔知同佢講乜
♀：我好似未問你同佢點分手呢
♂：因為半個，我鍾意左半個，然後咪分手，點知最後追唔到半個，得返自己一個
♀：哦，移情別戀
♂：其實當時都知同佢唔夾，只係無特別野又唔會想分手，諗返起我覺得應該一早分，咁對大家都好，只可惜，世界上教人點去愛既好多，我好似無聽過教人點去正確、紳士、無痛、和平地分手
♀：分手就好似禁忌咁，無人想做衰人，就算兩個明知有問題都會拖好耐
♂：我一直都覺得欠左佢，當時因為想拍拖而拍拖，佢係好女仔，但我就拎左佢最青春既幾年
♀：有冇開心過先？
♂：咁肯定有，當年我好多女仔埋身但我都無做錯事囉！
♀：又讚自己，佢係個點既人？同半個有咩分別？
♂：斯文乖女，有學識，有文化，有計劃，守時盡責，獨立自信……其實諗起，佢係個好好既女仔
♀：唔……你係唔係想講，佢好好，係你配唔上佢啊，渣男既對白！
♂：如果咁講就係渣男，咁我係囉……條件好係一回事，夾唔夾係另一回事，呢個世界有三種愛情最難搞，初戀，網戀，異地戀
♀：頭兩樣你都試過喇，差異地戀你就儲齊喇！
♂：如果我要再離開香港，你會唔會唔想我走？
♀：睇下你點解要離開啦，再去返長傾不見姐，我地一開始都算係異地戀喎咁睇法
♂：可以既我想同你一齊去睇呢個世界
♀：我都想，但我有自己計劃，你認真想討論時再認真講
♂：如果我唔係香港，我會好掛住你
♀：我都會掛住你，但兩個人唔係係身邊先係陪伴既，有心幾遠都唔會出問題，所以，如果你有你想做既事，想去既地方，你可以去，我會支持
♂：知道喇
♀：乖，我都要開工喇，其實我都忙，所以唔一定成日陪到你，你要有心理準備啊
♂：知道，咁你加油啦，晚安
♀：要夢見我啊，晚安
#長傾不見 #好久不見 #蔣薇
夢見分手 在 1/3男人每晚睡覺，都會夢見前女友，變成厲鬼找他索命！ 的推薦與評價
1/3男人每晚睡覺，都會 夢見 前女友，變成厲鬼找他索命！ 659 views · 11 ... 分手 #戀愛#愛情#妹妹#女友#失戀#愛#有趣#妹子#男人#傷心#難過#心碎. 哏耶 ... ... <看更多>