//支持本Page請Click入內文比Clap，謝謝！//
重陽節後第一個上班日，港鐵終於「開齋」，首次因為抗爭運動而唔能夠響上班時間全線開放所有港鐵站作正常運作──11個關閉車站當中，仲要包括咗旺角、藍田、觀塘、將軍澳、大埔墟幾個重要車站。但當然卻有好多可疑之處：
1. 藍田站本身損毀一啲都唔嚴重，但卻係有理無理照封可也，而我相信肯定唔止一個車站有類似情況；
2. 好多車站根本毋須維修可以照常運作，仍然，但港鐵仍然堅持以「爭取時間維修」為理由，去到8點就提早結束營運，結果搞到巴士站大排長龍；
3. 好多個人流繁忙嘅閘口（例如九龍灣站），故意將一啲操作正常嘅設施封住，等到乘客大排長隊先施施然揭開閘機封套比人使用，「人工製造」出多條等候人龍。又有乘客發現好多聲稱損壞嘅設施（例如八達通增值機）根本無壞；
4. 旺角、大角咀等多處地區交通燈繼續停止運作。據知情人士講，好多交通燈其實極易修復，但政府就係特登響上班繁忙時間都唔派人去整；明明現場係有交通警，但就係唔會協助指揮交通；
好明顯，同《反蒙面法》立法前，政府堅持粉飾太平，無論星期六日點封站都好，去到星期一番工時間一定要港鐵回復正常運作嘅諗法經已轉咗：而家佢地就係要掉番轉，唔單止放軟手腳減慢維修交通設施速度，仲要陰啲陰啲私下搞亂檔，加多兩錢重令全香港所有打工仔番工都極之不便，務求令到
一、社會所有譴責焦點都推哂響抗爭者身上，亦即和理非最鍾意講嘅「民意逆轉」；
二、令和理非淺黃抵唔住輿論壓力：早前前民陣召集人楊政賢就借佢老母把口，譴責勇武破壞行為令和理非淺黃難以為抗爭辯護、甚至唔敢再上街。呢種情況再惡化落去，輕則令抗爭者分化內鬥不斷、重則令和理非同勇武割席，應哂梁振英同林鄭嘅希望；
但成日都話，每當政府疑似諗出一啲所謂奇謀嘅時候：612所謂「擺定啲磚比你擲」係咁、71所謂「空城計」係咁、721製造「無警時份」係咁、831以地鐵有人報案為藉口走入車站掃場又係咁──總係會闖出個大頭佛。
結果響同一晚11點幾就黎個終極核爆。有市民發現落咗閘嘅上水站入面，竟然有一堆蒙面人出現；而七到唔敢睇嘅一幕卻係，當呢班蒙面人被市民質疑嘅時候，竟然唔係高呼「光復香港、時代革命」，而係立刻拎出警方兩大標準配備：強烈閃光電筒同埋胡椒噴霧出黎威嚇市民，仲要全程比人影哂落黎！然後仲要陸續比人影到，第一城站、兆康站，一樣有人響已落閘嘅車站入面向住車站外嘅方向進行破壞！！！！
當然如果你問我差佬可以點拆，阿ER ER SIR都仲可以死撐：「呢班蒙面人唔係警察黎，佢地只係抗爭者購買一啲疑似警察裝備冒警」可惜個問題卻係：
1. 過往警察實在太過囂張跋扈，面對市民態度都係極為惡劣，郁啲就用警棍、電筒同胡椒噴霧威嚇示威者，就同片中一模一樣──我諗就算藍絲都好難否認片入面班人真係入型入格；
2. 警察成日都唔攬委任證響身，面對市民質詢亦從來唔會展示任何足以證明自己係警察嘅證明：咁今次呢班蒙面人拒絕展示任何警察相關證件，亦係非常符合警察慣常做法；
3. 結果你都只能話佢地係臥底，準備伏擊入去破壞港鐵站嘅「真抗爭者」。但個問題就黎勒：個閘都未拉開，「真抗爭者」又點入去呢？
4. 同埋如果警方真係要證明自己無破壞任何嘢嘅清白之身，就一定要拎港鐵閉路電視黎證明──咁佢地又敢唔敢呢？仲有喎，之前觀塘站、粉嶺站都有類似嘅可疑破壞事件，再加埋太子831，係咪順理成章全部閉路電視都要公開？警方又敢唔敢咁做？
如果你問我，要插贓嫁禍比抗爭者，最安全就梗係出錢請退休警、黑社會甚至南亞幫做白手套啦，點會蠢到搵差佬做？唯一解釋呢班差佬慣哂為所欲為，卻唔明白玩陰謀詭計最忌自視過高同埋奸有奸輸。
無論實情係點，今次七成咁比人斷正，往後經已唔會再有人信港鐵破壞警察無份。黃絲理所當然就係會瘋狂製作文宣，有理無理將所有破壞事件推向警方身上；而所有諸如楊政賢老母嘅淺黃、甚至淺藍，只要稍為有腦有廉恥嘅，亦無可奈何重新企番響特區政府嘅對立面──因為今次108穿煲事件嘅無可辯駁程度，係同721、831並駕齊驅。
今次臥底穿煲，網上捉鬼隊當然會欣喜惹狂，但唔該呢班黃屍亦用下個腦，有無可能所有破壞都只係警察包辦？唔好忘記，林鄭、中共最終嘅目標從來都係「止暴制亂」，如果有日所有破壞消失哂，就係當代當權派嘅勝利。
所謂泥沼戰，就係要持續令對手流血不止最終選擇屈服。港共政權既然諗到用臥底打擊民意、分化抗爭者，抗爭者一方就好應將計就計，借住臥底事件繼續進行各種裝修同癱瘓工程，然後再乘勢將所有責任以民意戰方式推往對家，令特區政府承受雙重壓力、加快崩潰速度。
當然一眾中計散水黨係唔會咁諗，佢地就係會借呢件事繼續攻擊「拿話咗架啦，裝修就係應咗林鄭心意」、「一定要同暴力破壞切割先能夠成功爭取民意」；甚至乎捉鬼隊又再重新降臨，再三亂屈「真抗爭者」係鬼，結果一場大好形勢反而以分化收場。希望唔會唔好比我又再一次估中。
大頭佛 阿 勇 在 [問卦] 蔡阿嘎選擇二伯而不是大頭佛？ - 看板Gossiping 的推薦與評價