《睇到連登有個聖誕創意填色比賽，令我諗起好多年前嘅一件往事》
唔知而家啲學校係唔係咁，以前我間中學對於學生拎獎係好執著同積極，啲老師好似有KPI 咁鼓勵學生參加比賽。中二個年，某某NGO 舉辦左一次類似叫做18 區填色比賽，學校嘅老師冇問大家嘅意願，就print 左每人一份嘅填色參賽紙，無錯啦，就好似交功課咁，人人都要交。
由細到大我都係無聊事認真做嘅人，正經個啲複合練習數學計算我都唔鐘意做，但書法填色勞作個啲我就用「冇必要」嘅誠意俾心機做。我好快交左張填色參賽紙，我個種比心機係，差啲我就想駁長張紙，畫張清明上河圖參賽架啦。
雖然好努力，但以我平庸嘅能力，得到嘅成績都唔係太好，冇幾耐之後，個NGO 公佈result，可能佢都唔想忽視我嘅努力，就俾左個「最佳參與獎」我，當時我都好滿意。
呢個唔知咩比賽亦都唔馬虎，book 左個大會堂搞頒獎禮。我學校就有我同另一個生得好似野口同學嘅同學得到「最佳參與獎」。頒獎禮當日，我呀媽就陪我去，野口同學同佢呀媽都有出席。個頒獎禮好長好長，好悶好悶，而我呢啲「最佳參與獎」當然係壓軸到幾乎D guests 走哂先頒。
終於都等到佢叫我上台拎獎，然後野口同學就好自然咁以為佢係next one。真係天有不測之風雲，人有霎時之間嘅衰運，個主持miss out 左野口同學，就直接落下一part。當時大家都以為冇野嘅，會讀返野口同學個名，叫佢上返台拎獎，但直至the end of the day，個主持都冇叫野口同學。完左個頒獎禮之後，野口同學媽媽搵工作人員，問點解會miss out 左佢個女。主持人同工作人員係咁查，發現真係漏左野口。工作人員個份老尷，我都仲記得好清楚，成班工作人員係咁同野口同佢呀媽say sorry。
世事往往就係咁，有啲人成日都好似野口咁，唔知點解個天咁對佢，有啲人真係次次叫外賣就漏左佢個份，叫杯珍珠奶茶到佢又冇珍珠。雖然黑仔嘅人係好不幸，冇人會想成為野口，但如果你天生就係野口，我只可以安慰你：愈黑仔嘅人往往就係愈成熟嘅人。
咁你會話成熟好咩好處？老實講成熟好處唔多，但好過行衰運得來唔成熟咁囉。你個人愈黑，代表你遇上比常人多嘅挫折，失敗得習以為常，比起成日好運但衰一次嘅人，更加識得跌倒爬返起身。
人人都寧願做唔成熟但好運嘅低B，都唔想做成熟但冇運行嘅智者。問題係個天唔比你選擇做低B，要你成熟D，咁你只可以成熟地認命。
個啲網上金句話：成熟就係以前想得到嘅，而家唔想要了
其實都係，野口同學係頒獎禮當日係有唔開心到喊，要呀媽安慰，但今時今日，如果問返野口，佢應該連呢件事都唔記得了。
PS. 野口同學當日拎嘅原來係「最佳參與頒獎典禮獎」。當年我雖然覺得佢好慘同情佢，但我都有暗地裡覺得：好彩唔好彩個個唔係我。而家回想起，我反而好想知如果我係野口，我會點面對？
天有不測之風雲人有霎時 在 商品廣告邦民日本財務天有不測之風雲人有霎時之手緊 - YouTube 的推薦與評價
商品廣告邦民日本財務 天有不測之風雲人有霎時 之手緊. 何鴻德. 何鴻德. 8.78K subscribers. Subscribe. 33. I like this. I dislike this. ... <看更多>