《狂野時速9》已經係百分百卡通片了
由街頭賽車開始，本來是警匪加賽車，跟住變成特攻電影，然後，由第七集飛越摩天大廈開始，更變成不再理會物理定律的卡通片一樣，而且愈來愈誇張，上集徒手推開魚雷，今集更衝上太空，真係唔識形容，繼續睇一來因為情意結，一直有睇開，另外是純粹滿足眼球，睇大場面，不斷撞爛啲車，同埋那些無解的場面設計，但求一爽而矣。開場段森林追逐已經卡通都唔恨，好似睇緊《小鳥必必》式卡通，射你又唔死，炸你又唔死，一架吉普車居然可以衝過斷咗的木吊橋，真係O晒咀。
因為雲狄素同狄維湯遜不和，無左這角色，無端端阿當多個細佬出現，夠大隻嘅，不過木口木面，因為仲要拍多兩集，之後應該仲會出現，還掂咁鬼卡通，之後兩集，真係唔介意做個CG Paul Walker出嚟飛下車！當年第七集結局，真係睇到有點眼濕濕。呢套戲差唔多集集結局都BBQ㗎，不過唔覺有人鬧。下集雲狄素應該在月球表面飈車，再下集直接奔向太陽吧！
有點驚喜是第三集的主角再出現，整火箭引擎個胡鬚佬便是，那集很無厘頭，適宜做外傳，不過漂移又真係好睇，仲有北川景子參演。韓仔回歸算係滿足粉絲，可惜Gal Gadot唔也以翻生，相信因為唔夠budget搵佢，個人最喜歡有她的4－6集，第5集更是9集中最精彩一集。
太空火箭時速 在 史上最快速的10項人造物品 - YouTube 的推薦與評價
你應該知道世上最快的動物是獵豹。但人造物品呢？超音速噴射機？ 太空火箭 ？猜得不錯。在超快速競賽中的冠軍是派克太陽探測器。 ... <看更多>