《痾屎》
🤩：痴線，今日我老婆無端端發癲，我臨出門口痾個屎姐，佢嬲到喊喎！
😶：到底屎要有幾臭先會令到一個人喊呢？
😎：你確定自己係廁所痾？
😈：阿嫂佢係咪痾唔出，見你痾到羨慕到喊啊
🤩：佢話我早唔痾遲唔痾，係要臨出門先痾，佢已經趕時間，但佢之前化妝用左大半個鐘又唔會話自己喎，我出門個下突然間痛，用五分鐘都要嬲
😎：你個玻璃肚佢都唔係第一日知啦，你仲有咩未講啊？
🤩：佢話我嘛，我咪話佢頭先化妝用咁多時間囉，佢又話我蠻不講理喎
😶：咁點解你唔係阿嫂化妝既時候痾呢？
😎：呢樣我明，唔係話控制就控制到既，男人痾屎呢樣野係好講機遇
😈：咪住，你地準備去邊先？
🤩：其實係去食lunch咋，早五分鐘遲五分鐘又有咩問題？
😶：問題係，你係last touch，無論佢之前花左幾多時間都好，最後個一分鐘，你遲左著襪，成件事都會入你數，就好似玩uno咁，最後接個位要食晒
😎：你又係既，忍下食左隻死貓咪算囉
😈：啱啊，認錯三個字，要鬧交就三萬字都埋唔到單
🤩：最後我地無食到，門口都無出，佢又話特登同我出去食飯，依家搞到咁唔開心，唔撚去，我心諗，痾屎真係咁大問題？
😶：都係個句，痾屎唔係問題，你嘈個句先係問題
🤩：佢講完我呢樣，又講我點解成日痾，其實一日食三餐，痾三次屎係好正常合理喎，佢話佢一日最多痾一次，話我個肚有問題，我心諗你痾唔到關我春事
😶：根據男女既身體結構，男人消化係比較好，所以理論上係會易痾過女人
😎：我平時都成日痾，有時行行下商場都要去痾下，我女朋友都話點解我咁多屎痾
😈：我之前聽過一個已婚男人講，係廁所痾屎係一個私人時間，真正屬於自己，就算老婆或者女朋友有咩需要，都可以大條道理拒絕，因為痾屎大晒
🤩：exact7ly！！！廁所真係我偷閒既時間，我係裡面打機上網睇片乜都好，都係特別開心，唔坐到腳痺都唔想起身
😶：有沙發唔坐，屎塔有咁舒服咩？
😎：你唔好話，好似同女朋友行行下街咁，去痾屎，可以比隻腳休息下，又唔需要陪佢行，又可以上下網做下自己野，不知幾高興，有時我仲要痾兩次添！
😈：我認同，同女朋友一齊，去廁所係特別耐，如果係同朋友一齊，會拿拿臨痾完出返黎
🤩：所以我正式宣佈，痾屎係男人無聲既抗爭！對於男女關係中既不公平一種無聲既控訴
😶：你呢種抗爭有味既……
😎：You are not alone，應該有好多男士無聲咁參與緊你呢個抗爭
😈：呃……請問你地爭取到咩？好似剛剛先比老婆鬧左一獲喎
🤩：如果我連痾屎都捍衛唔到，我仲算係男人咩？
😶：我覺得你沖廁個一下唔係沖走屎咁簡單，而係將你既怨氣都一齊沖走
😎：笑，你抿屎個下，唔係抿走d屎，而係抿落阿嫂度？
😈：我同雪兒仲未經歷到痾屎既考驗，希望佢好似傳聞咁，靚女唔痾屎
🤩：當你地結晒婚，你就知道一個好既廁所係幾咁重要，因為呢個屎坑可能係你擁有最多私人時間同埋享受到既地方
😶：下次你試下拎支紅酒入去一路痾一路酒，應該會比較chill
😎：算啦，當你洗完手出返廁所，就要受到老婆正義既鐵鎚制裁喇
😈：希望你唔需要簽定痾屎條約
🤩：痾屎無罪！痾屎有理！！！！！！
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
女人 鬧 貓 在 【一杠解梗】女人骂猫是个什么梗- YouTube 的推薦與評價
一杠解梗# 之【女人骂猫是个什么梗】女人骂猫，又名女人吼猫、女人和猫，最近红得让人有点儿摸不着头脑。如果你还不懂，一看本视频就懂，如果你已经很 ... ... <看更多>