*超特色【咸/甜美式窩夫】真。隱世 將軍澳網紅級特色食店*
今次去左朋友去將軍澳食LUNCH，搵到呢一間GRIDDY'S WAFFLES & COCKTAIL。因為我地兩個都唔係好肚餓，所以只係叫左一份LUNCH黎SHARE，不過額外加多份窩夫甜品。
LUNCH有一份沙律，我無食，朋友話佢用左柚子醋汁好清新，唔會搶左D沙律菜嘅味，佢話D菜都好好食好FRESH。
飲品我地叫左一杯MOCKTAIL，叫花花世界；跟餐飲品我叫左凍拿鐵咖啡。咖啡好正常好香，有好重奶味，唔錯，夠大杯。
花花世界MOCKTAIL相比之下就超細杯，但我女性朋友話佢好香好好味，飲得出佢係好似香水咁香，因為成份用左薰衣華乾花、接骨木糖漿、蝶豆花糖漿，所以整體都係好似香水咁香，但我朋友真係嫌佢太細杯。不過佢都咁講，就係咁細杯，佢先會慢慢細味嗒，否則會當佢普通茶飲咁一啖飲哂佢 XD
主菜我地點左WAFFLES蘑菇漢堡，原來佢係一整塊大花菇做扒，夾住蕃茄同埋生菜黎食，好FRESH好正！應該算係素食吧???
WAFFLE皮落左ROSEMARY香草、海鹽、洋蔥！呢個做法真係第一次見好特別呀！
不過佢D海鹽好大粒又未溶，擺位好唔均勻，有時食落去覺得好咸，但整體都係好好食。
店內多個位都係好適合打卡影相，其實店面非常之大又靚，不過好多人食野所以我無影。
LUNCH跟餐加HK$48就可以多一份WAFFLE甜品，呢個好抵食，所以LUNCH我地可以兩個人SHARE一份~
我朋友話呢間餐廳真係好好食好正，但我就覺得佢過份隱蔽，真係搵都搵唔到，大家如果想試，真係要預多少少時間搵入口 哈哈哈 PS: 佢有樣飲品叫壞過凱婷，唔知想點 lol 未免太搞笑了吧hahahhaa
奶味香水 在 # 請教有奶甜味的香水 - 香氛板 | Dcard 的推薦與評價
沒有什麼研究香水，新手一枚，之前曾無意間聞到喜歡的香水味，覺得是帶有奶香的感覺，聞起來感覺很舒服，不會刺鼻。所以想請教像奶香味的香水到底是加 ... ... <看更多>