香港人過去半年，用咗超過半年時間，發動罷工、罷課、罷市，希望達成五大訴求。
結果，一場武漢肺炎，
罷課，成功了，全部學生哥停課到三月中，然後有玩具舖老闆同我講，生意勁好！
罷工，做到了，work from home之餘，仲有人work from hill添！
至於罷市，終於做到了！
星期二當日，有商場租戶組成聯盟，集體罷市一天，抗議業主客又冇，租照收！據稱話有成200間舖呀，好多呀！
係嘅，係有舖罷市，但然後呢？沒然後了…
以海港城為例，星期二有24間店舖停業，到星期三呢，超過一半商戶已經復市；剩返一半商戶閂門，係真係因為罷市而停業，定係真係冇生意開都廢事，就冇人知了，反正，有分別咩？
「冇人知」嘅又點只係停業原因
到底罷市發起人係邊個？冇人知！
到底參與商戶有幾多？邊個有份邊個冇份？冇人知！
到底行動一日成效係點？冇人知！
會唔會行動升級？都冇人知！
唔好話集會，正式新聞稿都唔見影，想搵接頭人？你見罷市嘅商戶會話，「冇接頭人架，我哋冇大台」你再問，不如你出面代表啦，「吓？唔好啦…」你都罷咗市啦，係人都知你有份，「我係停業啫，冇話我係罷市呀，生意唔好，你明啦。」
罷市罷課定罷工，要達成目標，實現訴求，最緊要都係團結一致，就算有冇大台，講求齊上齊落。
反送中運動，冇大台，但有堅持，有付出，目標一致：「五大訴求」是底線；
醫護罷工，有大台，但目標同樣一致，要求封關；
但商戶呢？唔好講話齊上齊落呀，連一個夠膽大聲講，「我係罷市呀」嘅人都冇；講目標，佢地會話「各商戶自行決定係唔係繼續罷啦」，即係大家各自同業主傾，亦即係可以各自縮…咁就想有牙力抗地主？喂，搵朱咪咪搞吓棚牙威力好似都仲勁啲。
成個行動，冇理念、冇堅持、冇吉士、一盤散沙，自己唔爭氣，叫人點幫你？
最後，我有錢想使？間間商戶都咁慘，我都係去搵黃店使咗佢算。
by千頌C@堆填區
http://fb.com/winbigwok
好話集 在 好話讀書會 的推薦與評價
好話 讀書會. 463 likes · 2 talking about this. Good thoughts will lead to good words and actions. Thoughts determine your success or failure. ... <看更多>