每個人身體體質各不同
有懷孕媽媽佗寶寶前有做運動的習慣
而懷孕期間繼續做適量運動的她們
好少孕吐或不適，也沒比相像中累
運動使人強壯、年輕、促進新陳代謝血液循環、更會釋放安多芬
身心都健康有活力
佗寶寶時都會有精力啲
當然生寶寶時更不會那麼吃力
當了準媽媽的我
一直有努力學習怎樣保護和愛錫自己的寶寶
戒生冷食物戒凍飲戒咖啡因戒酒
吃藻油DHA葉酸等等
是為了寶寶能夠在肚子裏健康發育成長
而我身為一位專業跑步健身和伸展教練
堅持做從以前都一直有做開的運動
希望寶寶能夠在一個強韌的屋子裏發育長大
也為了媽媽身心靈健康
生育前體重增加25磅是理想
而體重增加到35磅以上是懶惰
懷孕不是給自己藉口去養豬
不是什麼也不做就是對自己和寶寶好
當然要視乎每位媽媽的體質
多聽不同醫生的專業意見
平時少運動的可以做孕婦瑜伽和伸展
有做開運動的
本身已經有足夠肌肉去support 自己身體
適量去做，不要勉強自己
沒人比自己更了解自己身體
沒人比自己更愛錫和緊張肚裏的寶寶
懷孕的媽媽也可以好美
我們一起加油💛
鳴謝陪跑的 @meilingtse 😚
#落咗成個禮拜雨終冇落啦
#慢跑8km🏃♂️🏃♂️
#runwithinez
#20weekspregnant
#強力建議準備懷孕的媽媽一定要做多啲運動
#如果唔係真係會佗得好辛苦
如果唔係真係會佗得好辛苦 在 [新聞] 郭羨妮首認佗龍B：嘔得好辛苦- 看板HK-drama - 批踢踢實業坊 的推薦與評價
郭羨妮首認佗龍B：嘔得好辛苦
港姐冠軍出身的郭羨妮（Sonija）喜上加喜，最近她證實懷有3個多月身孕，令娛圈又多
一單喜事！Sonija坦言結婚後才有生小朋友計劃，更不設防希望有二人的結晶品，不過「
開心事」比她預期中來得快，「幸福女人」Sonija首度開腔講及懷孕感覺，更將在本報一
連五日大談入行前後點滴，包括愛情觀、是非、移民加拿大時的生活及工作點滴等，不容
錯過。
人生嘅嘢就係咁，唔諗嘅就會發生，之前我真係冇諗過咁快生小朋友，直至結婚之後，我
先有呢個念頭，好自然就進入咗呢個階段。之前媽咪都經常催我話：「阿女你年紀唔細，
如果唔生，人生好似欠缺咗一啲精彩，出年你就38歲，如果仲想生BB就要快啦！」依家嘅
我，真係有咗BB，踏入準備做母親嘅階段，感覺好得意。
我冇諗過究意會生幾多個，等BB出世先再算！都未知做媽媽會係點，亦未知自己係咪可以
應付得嚟！之前老公講過想我生多個，佢最想生女，佢話生女會黐爸爸，咁我問佢如果係
仔呢？佢話仔都鍾意，我自己其實冇乜所謂，生女，我可以幫佢扮靚；生仔，將來可以保
護我。
細說身體變化
當我知道自己已經懷孕時，老公不在港，我打電話話佢知，佢勁開心，仲不停喺度話一定
係女嚟嘅！我話唔好咁講，如果係仔你咪會好失望囉。初初懷孕時，都有好多唔舒服，之
前成日嘔，都嘔得好辛苦，而且又好怕去啲嘈嘅地方，個人會好敏感，如果逗留喺一個嘈
吵地方，我係會嚴重到標冷汗！而且，唔知係咪啲賀爾蒙影響，有咗BB之後個人好冇耐性
，好在我胃口都幾好，特別鍾意食酸嘢同鹹嘢，雖然老公因為工作長期喺大陸，不過好在
有媽咪照顧我，成日煲湯畀我飲，真係覺得自己好幸福。
每個懷孕嘅女性，都好期待照超聲波的一刻，感覺真係好奇妙o架！feel到佢個心喺度跳
、有舊嘢喺度郁時，感覺好得意！我諗我生BB出來時，一定會忍唔住感動到喊。我暫時打
算都係開刀生BB，我怕我唔夠力，哈哈！之前喺電視見到啲女人生BB，好痛、好辛苦，母
愛真係好偉大。
新階段無欲求
老公完成埋手頭上嘅工作就會返香港陪我，跟住我哋會一齊去大陸過新年，我已經叫佢喺
我生之前個幾月請定假陪我；生完BB之後，我都會繼續工作，其實去到我依家呢個階段，
唔想去爭啲乜，希望做嘢舒舒服服，我都曾經試過三日三夜冇覺瞓嘅日子，依家真係人生
另一個階段。不過因為有了BB，我都已經推咗幾個劇，損失咗7位數字。本來之後有套劇
係有機會同老公合作，仲要做打女，不過依家拍唔到，惟有推咗佢。雖然損失酬勞，但我
都覺得好值得，因為呢件係開心事，感覺都好幸福。
之前有人問過我同老公分隔兩地，怕唔怕會影響感情？我又唔驚喎！一開始我哋就成日分
開，見面時會分外開心，我有時間都會返大陸搵佢，返到嚟香港，我又好習慣一個人生活
，佢對我亦都好信任，兩個人相處，信任好重要，唔會因為打個電話搵唔到佢就好驚，好
似放風箏咁，走咪放，每個人都有自由。
口述：郭羨妮 筆錄：影視組
攝影：劉智源
場地：AN-TICO（The One）
服裝：[email protected]
化妝：Jessica Chan
髮型：Sonija Kwok
Source:
https://orientaldaily.on.cc/cnt/entertainment/20111219/00282_001.html
為「窮老公」平反：我覺得冇問題
郭羨妮與老公內地武術指導朱少杰相識大半年便結婚，她坦言緣分天注定，更指丈夫給她
的第一個感覺是很害羞，反覺他很得意。她說：「其實我唔知自己鍾意咩類型嘅男仔，有
錢冇錢、靚仔同唔靚仔都見過晒，不過我覺得佢畀我嘅感覺好實在，好腳踏實地，係有為
青年。」
對於之前不少報道指朱少杰很窮，對此郭羨妮為他平反謂：「我覺得冇問題，佢唔係好窮
，又唔係好有錢，一個好男人最緊要係認真做事，男人做緊嘢時嘅認真樣係最吸引嘅！」
問朱少杰有否介意別人說他窮？她笑謂：「佢唔會理囉！佢係一個好樂觀嘅人，有時我發
脾氣，佢第二日好似失憶咁，會氹番我，咁我哋又當冇事發生過。」說時一臉冧樣，婚姻
生活明顯甜蜜蜜。
Source:
https://orientaldaily.on.cc/cnt/entertainment/20111219/00282_002.html
相識+拍拖+結婚=9個月
2010年7月 郭羨妮在內地拍攝《宮鎖心玉》而與朱少杰認識。
2011年2月 郭羨妮在元宵佳節透過微博公開戀情，上載拖手影子照，翌日再上載見樣面貼
面素顏「蜜照」配以傻瓜稱呼，關係曝光。
2011年3月 郭羨妮在北京行婚紗騷，男友朱少杰到場支持，戀情明朗化。
2011年10月1日 郭羨妮在微博留言「今天，我們結婚了」，同日在關島舉行婚禮，但後來
女方承認二人早於四月已在港簽紙註冊。
Source:
https://orientaldaily.on.cc/cnt/entertainment/20111219/00282_004.html
--
※ 發信站: 批踢踢實業坊(ptt.cc)
◆ From: 1.64.163.151
... <看更多>