《炮台山都搵到地道越南風味。第一郡》
有時口淡淡都好想食啲東南亞菜，為味蕾帶來一點衝擊，朋友話知道炮台山有一間地道嘅越南菜，我二話不說就話要去🤤🤤
呢間越南菜地點唔算好易搵，係炮台山過去會近啲，不過為咗食好嘢我都覺得係值得付出🤤
入面嘅裝修簡簡單單，以卡位為主，不過前面就是粉麵檔，後面係水吧，所有出品都一目了然。
朋友點左一個蟹膏番茄湯檬粉($50), 呢個絕對大推啊！佢個番茄湯底咁濃濃嘅海鮮味，上面配料有香菜芽菜扎肉豬紅，仲有大大塊勁厚身嘅蟹膏，佢嘅蟹膏係成舊磚上，啖啖蟹粉蟹膏食落超滿足！以佢嘅檬粉亦唔會好碎而且非常掛湯，下次我一定要點呢一個！
而我就因為病咗所以清清淡淡點左個扎肉湯河($55),入面大概有八，九片厚身扎肉，分別兩款唔同嘅扎肉不同嘅口感，一款較有咬口有肉粒，另一款比較順滑，令普普通通嘅一碗扎肉河粉變得不平凡。湯底清得來味濃，不會淡茂茂。
我哋重點左一份米紙蝦卷($35),煙煙韌韌的米紙中間包住米粉鮮蝦青瓜同埋生菜，配上佢特製嘅花生醬，別有一番風味。
仲有佢呢度人人必點嘅越式法包($40), 咪類型嘅越式法包我之前響佐敦食過一次，嗰間已經好好食，我覺得呢度整得有過之而無不及！首先佢入面係超足料，用咗好多唔同嘅扎肉，肉鬆，腩肉都有，淨係肉都有好多款，仲有肝醬，另外佢仲加咗自家醃漬白蘿蔔同埋紅蘿蔔絲，加埋我至愛嘅芫荽和蔥，口感好豐富！😝😝🤤重點係佢嘅法式軟包外脆內軟，成個包層次好豐富，好紮實，而且價錢又唔貴$40有兩大個，呢個都係要大推👍👍👍
斑蘭綠豆糕又係必食，$13一個外面係斑蘭皮中間滿滿嘅綠豆蓉，不會太甜我鍾意！
整體我覺得呢一餐真係有啲喜出望外，一開始本身冇乜期望，點知食到有地道價錢又相宜嘅正宗越南食物，真係好開心！已經立即把它收藏到我的最愛👍😋下次一定會再嚟食！
__________________________________________
店名：第一郡 (天后)
環境🏝：8/10
服務💁🏼♀️：7/10
價錢💰：8/10
食物質素🍝：8.5/10
整體🙆🏻♂️：8/10
地址: 天后威菲路道6號地下B鋪
#吃貨玩樂在天后
#吃貨玩樂
#第一郡
威菲路道8號 在 【酒店】香港網紅酒店？究竟有甚麼吸引之處？丨第二十一威菲 ... 的推薦與評價
... 威菲路 酒店成為網紅打卡拍照的熱門酒店。 地址：香港銅鑼灣 威菲路道 21 號 ... 【香港酒店實測】One- Eight -One#上集︱180°超壯觀海景︱海量打卡位!!︱慶祝 ... ... <看更多>