TVB劇《十八年後的終極告白》中，林嘉華和江欣燕一直生活美滿，卻因18年前的骸骨案，打破家庭的寧靜⋯⋯
在人生途上，我們總會走過高山低谷，有時以為前無去路，有時卻見柳暗花明。
林嘉華，63歲，過盡千帆，見慣風雨。
當年麗的電視力捧五個花旦小生，他是其中一人，宣傳片出街半日就被抽起，「因為麗的收到消息無綫要簽我！佢哋又出新聞稿，話麗的永不錄用林嘉華，搞到全港記者去晒我屋企，當年都幾大鑊！」
過檔無綫後，林嘉華獲派演《發現灣》做男主角，但劇集的反應未如理想，且因拍此劇時要化爛面裝，又戴住個橡皮面具，令皮膚受重創。
「好多時我就咁撕咗個爛面就即刻笠面套，或者即刻化番個正常裝，因為當時天氣熱，加上後生時啲分泌旺盛，面上啲暗瘡好犀利，喺咁嘅情況下，塊面啲暗瘡疤痕嚴重咗，真係歲月留痕！」
除了面上留下長年疤痕，明明到手的金唱片從手上溜走，也是他人生一大憾事：
「黎小田當年搵我錄《醒目仔時間》嘅兒歌，出咗一盒卡式帶，入面有《七星俠》、《宇宙飛龍》、《大鐵人》、《巨靈神》同《七小福》嘅主題曲，當年好受小朋友歡迎。有日小田同我講，話我攞到金唱片，不過冇得上台攞獎，因為呢個卡式帶雖然達到金唱片數字，但國際唱片業協會話冇出過黑膠碟，所以唔能夠攞金唱片！對我嚟講係一個遺憾。」
回頭，都是一笑置之的足跡，且行且珍惜，笑度每分秒。
宇宙飛龍 主題曲 在 宇宙飛龍(1976年) HK OP - YouTube 的推薦與評價
1976年 宇宙飛龍 香港版 主題曲 作曲:菊池俊輔作詞:詹惠風主唱:林嘉華赤膽忠肝英勇更勝金剛戰士來如迅雨去似風一飛沖天威猛好像雷電維護世間真正義宇宙 ... ... <看更多>