《浪漫醫生金師傅2》橋唔怕重用，精彩緊湊依然！
近來藍變黃，由藍色ViuTV轉了去黃色Viu，先後看完日劇《教場》、日本動畫《鬼滅之刃》和8集韓劇《浪漫醫生金師傅2》，每集都成60-70分鐘，睇8集好似睇左12-3集港劇咁長，不過，保持第一集緊張刺激的劇情，怪物天才醫生韓石圭依然好戲，今季還有李聖經加入，卡士上更加吸引。當然女觀眾會喜歡睇型男安孝燮。收視上第一季開始唔算高，口碑轟傳下節節上升，第六集之後一直是20點以上，今集其實稍遜上季，去到第八集才有20點，不過依然是今季排名第二的高收視劇，有冇可能變《Doctor X》繼續拍多幾季呢？
這集基本上是將第一集條大橋照dub一次，主要是兩位年輕主角的設定和第一季差不多，首集的姜東柱(柳演錫)因為家境貧窮，父親在急症室被權貴打尖失救致死，他一面仇恨醫院，一面在貧困下苦學成為醫生，母親一直經營一間小型餃子店。今集的徐宇鎮(安孝燮)一樣是家庭清貧，更是個孤兒，為了讀醫欠下一身貴利債，背景差不多。而兩季的女角都同樣有心理病搞到差不多不能再做醫生，第一季的尹舒貞(徐玄振)，因未婚夫死於眼前患上創傷後壓力症候群，今季的車恩在(李聖經）則患上心悸症，唔能夠做外科手術。然後兩人都經過金師博改做，成為石垣醫院的醫生。奸角依然是第一季被拉下台的都允宛(崔鎮鎬)，不過佢今季的渡假村式醫院就真係膠膠地，同大台《白色強人》將醫院上市集資一樣幾離地，不過觀眾還是喜歡看金師傅如何將他拉下台。
今集依然靠大量突發危機和重傷病人，播了一半暫時發現少了那些喊到曉飛的童星，摧淚威力差了些少。但黑色星期五，黑幫同差人同時受重傷送院，中間夾雜家暴事件一段，和第八集捐贈器官一幕都依然十分好睇，警黑合劏(同時手術）夠緊張，而器官捐贈者媽媽的喊戲，真係睇到眼濕濕，論喊戲，韓國演員真係首屈一指。主角以外霸氣護士長是我最喜歡的角色，女演員陳慶真係好掂。
香港觀眾經常話大台劇係唔係都三角戀，其實韓劇咪一樣，一樣靠三角戀食糊，不過好少人鬧，這劇好多地方和大台劇幾似，只是演員上、製作費上、攝影、燈光、剪接⋯等等，都贏過大台。醫療劇無乜新橋，這劇和《Doctor X》一樣成功靠有故事的怪醫吸引大家，今季依然值得睇，建議整碗牛雜河或豬雜粥食住睇，更加有氣氛，好多內臟呀！正😜
#浪漫醫生金師傅2 #Viu #韓劇 #韓石圭 #李聖經 #安孝燮
安孝燮家境 在 KSD - 韓星網- 【搶先看影片】魔王對河覽（#安孝燮飾）真的好 ... 的推薦與評價
【搶先看影片】魔王對河覽（#安孝燮飾）真的好執著：「你是屬於我的。」，還想著跟他永遠合體啊～！ ... 韓國網友就以現實生活中歌手李承允的家境來當例子解釋 ... <看更多>