關於 家既味道 ，我們在網路上蒐集到這些相關的討論、資訊與評價

食住做善事 ～ 振興肉丸 1B-C02 - 1B-D05 ～

大家準備好去美食博覽購物路線未呀？目標係凍品，飲品，醬料，定係全部都要？

信義妹不論路線點編排都會排到去 1B-C02 - 1B-D05 振興肉丸的攤位。因為振興肉丸首次聯乘香港小童群益會賣福袋呀！有得食，又可以做善事， 何樂而不為～～

信義妹的福袋有 天椒牛肉丸，陳皮牛筋丸和香草黑椒牛丸。 愛辣的信義妹就最開心啦～～～～ 天椒牛肉丸，肉眼睇就已經睇到有辣椒啦～～ 咬落有嚼勁之餘，仲有一股辣味隨之而來。陳皮牛筋丸嚼勁依舊，肉汁鮮嫩，陳皮味香。香草黑椒牛丸爽彈絕配，香草黑椒唔會互搶大家既味道。信義妹隨咗會用丸丸配麵做宵夜外。仲會將丸丸做串燒，放入焗爐焗到外脆內軟，一咬之下，肉汁溢出，大家要小心燙到咀啊～～～

唔食牛？唔緊要，仲有豬肉丸，魚丸等等。信義妹亦都愛豬骨濃汁貢丸，香菇與豬豬的配搭，香甜美味。想睇下仲有無其他野買既話，可以到dimsum.com.hk 呀！ 餃子，和牛系列都有架～～～～

大埔振興肉丸

#振興 #大埔振興 #大埔振興肉丸 #大埔美食 #美食節 #食好西 #牛丸 #大埔牛 丸 #振興丸 #濃汁牛丸 #健康 #健康肉丸 #肉丸 #爆汁 #氣炸鍋 #bbq # 火鍋 #火鍋配料 # 打邊爐 #香港美食 #有咩食 #真肉 #澳洲牛 #零添加肉丸 #牛 丸達人#點心 #hongkong #meatball #beefball #hotpot #dimsum #incredibleshunyeemui

為食花太郎 Fafafoodblog Glassbelly Tea Lab
#fafafoodblog西餐 #fafafoodblog銅鑼灣
[<以茶為主題，食材製作用心>]
喺銅鑼灣新開呢間 glassbelly tea lab以茶為主題 尤其係冰滴茶 用左低温方式令茶帶出最多芬芳物質同最少茶單寧 令到茶夠香不會苦澀，大約5 ,6 小時先可滴滿500ml 😯 除此外 仲有紅茶 熱泡茶 武夷山既岩茶等等 ,用銀瓶煲既水令到水唔會釋放酸味 茶更滑 ,再用好有藝術感既紫陶茶具 泡茶 可以保住温度 ,.最後倒落可散熱既白瓷杯享用 ,無論所有器皿美觀度 茶既外表色澤同 味道 環境 職員既解釋都十分到位 值得一試

雖然餐廳以茶做主題 但不得不讚 食物都製作用心 , 食得出中西合璧之餘仲會考慮用乜野食物配茶 連器皿都有認真做過選過，每一味餸 staff都會用心解釋材料 令人感覺除左餐廳有故事外 每一味餸每一款茶都有一個故事甘 👍🏻
而我今次就試左佢既 dinner menu

<序幕 >
1.凍梅子香普洱 20ml生普洱 , 味道偏淡身 飲到中段先會試到 梅子既酸甜味
配
芝士南乳北寄貝🐚
芝士質感比較黏稠 北寄貝 新鮮 整出黎幾夠彈牙 同有咸香味重既南乳醬幾 match . 再飲一啖普洱 個茶味温和左 梅子味都香左👍🏻

2. 冰滴桂花香肉桂 20ml(武夷山岩茶 )
配
熱情果荔枝炸蝦球🦐
茶色比較濃 茶味以桂花味為主 , 蝦球炸得比較香脆 不過大家記得想影相快 d . 不然蝦會凍左 底層既荔枝肉同熱情果醬令到蝦肉増添酸甜香 幾清新

3.冰滴薔薇香紅茶 20ml☕
配
玫瑰露漬聖女茄釀藍莓🫐
玫瑰香味比較淡 反而紅茶味濃 但食左聖女茄後反而温和左 🌹茄肉包住藍莓再帶有香甜味 好有層次感 最淡既前菜配最濃既紅茶別有一番風味

4.整體上我幾鍾意佢由左至右 茶淡至濃 而食物 由濃至淡 互相平衡番大家既味道 而中間兩杯水亦可以消去上一杯既味道令你試真 d個味 夠哂細心

<嘗新>
Keep 住試較早前肉桂味香既
冰滴桂花香肉桂 75ml
☕
再嘗試前菜
1. 老幹媽m7 澳洲和牛他他配馬蹄片 🐮🥔
澳洲和牛m7 質素已經好夠軟林 生牛肉肉質因為配左老幹媽醬帶 d咸同惹味 但不太辣🌶️而估佢唔到係香脆既炸馬蹄片同牛肉十分 match ,.今次試肉桂茶同 最初既前菜唔同 茶味冇淡到 反而同牛肉一齊味道濃左 令人感覺要進入主菜或好野既感覺😂

<魚子醬品嘗>🐟
(原價1680 跟餐加1080)
最吸引係 menu上你可加上魚子醬配茶
1.Kaviari Kristal 10g
2.Sturia Oscietra jasmin 10g
3. W3 no.5 royal oscietra 10g
頭兩種係美國 第三種係 黑龍江 , kaviari比較香咸 有 d似醃左既三文魚同醋鯖魚既感覺， 第二種既 sturia比較新鮮 冇第一種甘咸，感覺有 d似蝦既鮮味 . 而第三種no. 5 比較口感 creamy咸度偏少 . , 個人比較鍾意第一種既香咸 因為同冰滴茶最夾👍🏻

<嘗鮮>
雪場蟹肉炸油糍🦀
油糍係幾十年前既小食 用蘿蔔絲整成 🥕入面蘿蔔絲切得夠幼 加埋蝦米🦐 夠哂口感 咸味死 上面有 加八珍甜醋 同龍眼蜜醃成既龍眼做配菜 甜度適中 鍾意既可點埋 幾辣下既柚子胡椒 sauce 都十分唔錯
<花香>
今次用之前嘗試過味道比較香濃既
冰滴薔薇香紅茶50ml☕
果香欖菜柔煮西班牙八爪魚🐙 醬汁有香濃既欖菜咸味 八爪魚 係用粗身既觸鬚整成 所以好彈牙 同醬汁好 match 有好靚既黑汁脆脆同椰菜花點綴👍🏻

<入饌>
梅子香普洱 30ml☕
配以
四十年陳皮梅子漬鮑魚
鮑魚既醬汁幾香梅子味 鮑魚肉彈牙 重點係落左少量珍貴既40 年陳皮 帶出鮑魚既香味 配埋比較清淡既普洱 唔會搶左鮑魚同陳皮味又可帶出普洱本身既茶味😃

<昇華>
熱泡白花香水仙 第1,2 泡約90ml ☕
呢個時候 就睇住 staff用心泡茶 好欣賞 staff 一邊泡茶 有另一個 staff 解釋茶既沖方法 器皿 工具等等 原來靚既茶葉其實一沖熱水就可飲得 👍🏻 十分清楚 亦令客人感受到茶香 茶既故事
😃主菜有三款 分別有😃
1. 荷葉焗鵝肝腸醬日本銀鱈魚 🐟
一開荷葉感受到熱辣辣既鵝肝香味 用左米形意粉 有口感得黎盡吸鵝肝醬 銀鱈魚好軟林 亦一樣吸哂醬汁 所以好肥味 食到甘上下肥膩🐟 配下清新既白花香水仙茶亦十分不錯
或
2. 香蒜京葱汁柔煎日本a4 和牛配粉絲🐂
A4 和牛整成4 成熟剛好 出面比較煙韌 入面大部分肉都軟林 保留應有 juicy , 上面既香葱炸得好香脆 配番軟林既蒜香粉絲 一次過放落口 好有層次感 🐮
或
3.西班牙紅蝦汁漫煮藍龍蝦伴蝦子粗麵 (另加398 蚊) 🐲🦐
呢個超好食 用 海蝦 紅蝦 鰲蝦 整成既汁 🦐🦐🦐
配上藍龍蝦肉 蝦汁同肉超 match有好新鮮既蝦味 配以爽口既粗麵 當然唔少得蝦子 . 整個餸蝦味十分濃郁 👍🏻 再飲啖熱花香水仙 更可帶出 既蝦味同水仙既清新味相得益彰 好正！ 推介

<綻放>
熱泡白花香水仙 第3,4 泡約 90ml ☕
金箔焗薑糖火山蕃薯 🔥🍠 外表有金箔都夠靚 蕃薯本身香甜又整得軟林 配薑粉肉桂陳皮整成既 cream 甜度適中 肉桂味香 好食
<甜美句號>
最後有特別既滕椒味油浸開心果白朱古力🌶️🍫及香脆既 日式和果子琥珀糖 成為整餐既完美 print號
每位Hkd 1880加一 (要訂2 位以上)
#冰滴茶 #岩茶 #武夷山岩茶 #鮑魚 #陳皮 #和牛
#鱈魚 #藍龍蝦 #蝦子麵 #粉絲 #肉桂 #梅子 #紅蝦 #白水仙 #熱泡茶 #魚子醬 #馬蹄 #和牛 #紅茶 #北寄貝 #蝦球
Score 平均分 <8.3/10>
Taste 味道：👍🏻👍🏻👍🏻👍🏻👍🏻
Present 外觀：👍🏻👍🏻👍🏻👍🏻
Decor&Hygiene 環境衞生：👍🏻👍🏻👍🏻👍🏻
Value for $ 性價比：👍🏻👍🏻👍🏻👍🏻
Service 服務：👍🏻👍🏻👍🏻👍🏻👍🏻
~~~~~~~~~~~~~
#glassbellytealab
Glassbelly Tea Lab
銅鑼灣恩平道 42 號亨利中心20 樓
~~~~~~~~~~~~
#fafafoodblog #為食花太郎 #fafafoodblog銅鑼灣
=====================

🙂温馨提示🙂
Fb like左 page都睇唔到<通知>
若果大家想睇到多d唔同既美食
👇🏻👇🏻👇🏻👇🏻👇🏻
除左like 請做多一個步驟
[like] 左 👉🏻<追蹤中/Following> 👉🏻<搶先看/See First>
多謝大家支持！🤓🤓

歡迎喺唔同平台觀賞fafafoodblog
Fb📒: fafafoodblog
Ig🖍: fafafoodblog
Openrice 🍚: 花太郎

任何美食😋歡迎inbox 我 , 等我食完開心share！🤓

(疫情留家放舊相系列)
記得之前去過一間叫阿木台灣麵既小店，好受歡迎ga，個次排隊排到街口😂依間小店係正宗既台灣菜，而店門口都有擺放好多台灣既食物飲料俾人即時購買添😍入到去食枱面有一樽自家製麻辣醬，試左味勁香辣仲有蝦味，食完都係門口買左一樽番屋企繼續嘆🤤宜家仲有手工鳳梨酥賣，禮盒裝加布提袋大方得體啱曬中秋節送禮ar😍

小明為食餐單:
紅燒牛肉牛筋麵🥩 $69
紅燒牛肉好靚，油脂分佈好平衡，大大塊，好好味😋牛筋大大舊又軟稔，好正😉

麻辣牛肉牛筋麵🌶 $69
麻辣真係放好多辣椒落去，愛辣人士一定仲意😍牛肉同牛筋都係一樣咁大件好食啊😋

滷牛筋🐮 $46
炆得好滑好稔好夠味🤤唔會太咸而且味道剛剛好，好香滷汁味，帶出牛筋香😍條條牛筋都好大條，好滿足😚

芝士肉鬆蛋餅🧀 $42
每舊蛋餅都啖啖芝士滿滿肉鬆，味道層次配合得好好，唔會搶左大家既味道，芝士味濃肉鬆又夠香，蛋皮仲煎得好靚添😘

芝士奶蓋四季春🥤(跟餐半價$19)
芝士奶蓋迷一定仲意😍超香濃芝士奶味，加上淡淡茶香，又有少少甜味，回味無窮🤩

芝士奶蓋炭燒烏龍🥤(跟餐半價$19)
同樣都係好香濃既芝士奶蓋🤩炭燒烏龍茶味好特別，混埋芝士奶蓋，都几match啊😍

阿木台灣麵🍲
⛳地址: 旺角廣華街8號地舖

堂食終於解禁,終於可以出街食飯
以前要趕住食,或者買外賣
而家終於可以慢慢食,坐低食,唔洗風吹雨打
今次去左平民茶記食鐵板餐~
海陸空什扒餐加一份特級T骨牛扒
加十蚊跟餐湯,套餐包湯
餐湯可選中式老火湯或足料紅湯~
仲有特式台灣茶飲系列選擇,跟餐加15蚊一杯

扒餐可選黑椒或燒汁,港式風味,還好啦味道
仲有凍肉外賣,食過好食可以係度買~
A4和牛都係64蚊起!仲有豬扒,雞扒,牛肉買
好抵食,食過真係抵買,自己煎香加汁食,包醬汁

佢呢度既紅湯算係幾好飲,港式紅湯
有好多蔬菜料,帶少少辣,餐前飲完好開胃
老火湯就係老黃瓜排骨湯,每天不同
足料,順口,夠甜,家既味道,唔算好味精

特級T骨 $128/ 海陸空什扒餐 $98
T骨扒,配燒汁,伴碟有沙律菜同薯條~
T骨扒可以食到西冷牛柳既口感
T骨係出名在食到西冷和牛柳位
肉質細嫩,份量重量級,肉味濃郁~
牛扒切開大約5成熟,脂肪比較平均肉味特別濃

食到肉既濃香,又食到嫩滑既肉質
鐵板海陸空餐
大蝦,煎扒,火腿,番茄,雞扒,水煮蔬菜伴碟,仲有一份大薯條,份量霸氣十足
大蝦肉唔夠彈牙,普通,但夠大隻,火腿普通無特別,另外雞扒同豬扒都好大塊,幾乎食唔曬
CP值算高,份量真係好多!但扒既肉質比較乾身
但配埋個燒汁食就剛好,鐵板上食到尾都夠熱
#疫情下的香港 #堂食解禁 #晚市堂食 #2020年9月 #禁堂食
#市面實況

又係練習剪片既時候?
真❤推介！方便快捷~簡單好味?
味道已經調校好哂，簡單煮下就食得?
琴日無買餸~試咗個新app！
?Yummy Everyday
真係啱哂又想食住家飯又係大忙人既你?
只需要download個app就可以輕鬆落單，食物送到你門口?
我嗌咗清蒸多寶魚，金銀蛋娃娃菜，西洋菜南北杏生魚湯?
?效率高
?服務好
?價錢合理
?食物有家既味道

一定會再幫襯，因為都幾多選擇?
以後無買餸唔洗再嗌KFC/Pizza......