今日想同大家分享一下我既成師歷程 加上放榜後都多左妹妹問我呢方面既資訊 咁我就一次過係呢度解答啦
1.化妝師有分邊幾類?
電影/電視/廣告/雜誌報章化妝
舞台/特技化妝
新娘化妝
2.讀咩化妝學校好?
我會形容化妝學校做一間中學 咩科都要讀
因為大部份化妝學校既課程內容範疇比較廣泛 當中會包括日常妝/舞台妝/特技妝 完成課程後亦可以針對自己喜歡的範疇再加以進修
但如果你一早已經知道自己想做邊類型化妝師 我建議直接報讀專科就可以
3.係咪讀完化妝出黎就做到化妝師?難吾難入行?
當中以新娘化妝最易入行 因為只要你開個Page 接到生意 就已經可以叫做新娘化妝師
但如果你想穩定d既話 亦可以選擇跟公司
至於電影/電視/廣告/雜誌報章化妝 就多少都講人脈關係 因為佢地好少公開招聘化妝師
4.係咪一定要報讀有証書既化妝課程/考取ITEC/CIBTAC化妝証書?
考取証書等同你有中六畢業証書 見工時係一張入場卷 但我個人覺得有証書係吾等於你化妝技術好好
如果打算自己接生意 化妝師個人Profo就更重要 客人選擇你大多會參考化妝師過往既工作照同妝容照
5.有無推介既化妝學校/老師?
如果你想人地問你讀邊間化妝學校/老師既時候一講就已經知 就可以選擇有名氣既化妝學校/老師 同樣道理 有名氣吾等於係個度讀完出黎化妝技術好好
每位老師既化妝風格都吾同 同學可因應自己喜好去報讀 建議報讀前可以Research一下該位老師過往教授既妝髮照片
我由3年前係化妝學校讀完出黎之後 都不停報讀過吾同既進修課程 都係個句 吾好諗住讀完一個Course就可以成為專業化妝師 要成為化妝師可以好容易 但「專業」就需要工作經驗同不斷學習累積返黎
6.化妝專櫃的化妝師
當初我都滿腔熱誠走左去做Counter 入職後先發覺同自己想像既工作有出入 因為大部份Counter化妝師係包括埋Sales既工作 呢點大家都可以注意返
老土d講句 行行出狀元
只要肯努力 一定有出頭天😎💪🏻
專櫃化妝師招聘 在 香港化妝師工作招募平台 的推薦與評價
香港化妝師工作招募平台-化妝師一站式招募平台-工作招募-作品分享. ... 具1年或以上化妝經驗，主要負責專櫃銷售工作曾修讀專業化妝課程及現正從事化妝師工作者優先考慮 ... ... <看更多>