[中文解讀星期三]
早前講完"甜"字果一筆，就有家長同我問起，
究竟異體字本身係咪錯字。咁啱，我有隻做緊補習嘅兵兵，早兩日又因為異體字而畀人捽。
事源，佢教完學生寫即食麵個"麵"字。點知，個"麵"字畀佢學生個中文老師圈左。個小五仔仔就咁講：｢學校老師話『麵』字係異體字，即係錯字，要寫返『麪』至得呀！｣
其實，｢異體字」本身係指一個字與另一字同音﹑同義，但唔同形。例如：粗口大將軍本身有兩個寫法---「尸」字部同｢門｣字部，雖然寫法唔一樣，但讀音一模一樣，兩個字同樣都會進入﹑侵犯你嘅身體。總之，除左個外型，兩個字其實冇分別。所以，異體字又點會係錯字呢？
至於，點解果位中文老師點解會話錯？
我幫佢答你：「搵食啫，犯法呀！」
