Search
【#本地】留香港咁耐，想搵新嘢玩？可以試下搭水上的士，仲可以睇埋幻彩fing香江，每位都只係$48起，可以一坐！
🎊優惠詳情🎊 https://flyagain.la/95133
🎊預訂網址🎊 https://flyagain.la/x66r
📍出發日期📍 7月之星期六
*圖片只供參考
……………………………………….
👇想緊貼我們？記得做埋以下動作👇
📲 必裝「又飛啦捕票器」App！有平機票手機即響！一Click搞掂：http://flyagain.la/app
👀 設定Facebook「搶先看 / See First」
✅ Follow Instagram @flyagainla
#小編食好西 之 YMCA海鮮八重奏自助晚餐
自從上次實測完YMCA之後，就一直對佢嘅餐飲念念不忘🥺 今次佢出自助晚餐住宿優惠，梗係要即刻狗衝去試下啦！😎
🎊優惠詳情🎊 https://flyagain.la/94412
🎊預訂網址🎊 https://flyagain.la/26tn
📍預訂日期📍 即日起～6月14日23:59
📍入住日期📍 6月14日～11月30日
🤑回本位
海鮮－有龍蝦、蟹腳、螺、蜆、蝦等選擇，全部任攞任食，十分慷慨！而且質素唔錯，夠新鮮彈牙，冇雪藏／霉味
即煎鵝肝－一聽就知係貴嘢啦！仲要係無限量任食！咬落去好juicy，正呀！
刺身－選擇唔多，有三文魚、吞拿魚、希靈魚同八爪魚，勝在新鮮好食，小編都encore咗好幾次～
即製軍艦－有拖蘿蓉揀！真係即叫即整俾你食！
即烤老虎蝦－長期熱門，成日有人等，隻蝦真係差唔多有手板咁大！
薑蔥焗蠔－冇生蠔食，都有焗蠔！薑蔥風味的蠔真係比較少，食落都幾特別
金不換煮青口－青口好入味，煮完都唔韌～
羊架－脂肪比較多，膻味唔太重，煎得啱啱好
Haagen Dazs－任食唔嬲，可以配埋即製格仔餅／心太軟食～
心太軟－出去食閒閒地都5、60蚊個，而家任食！不過有點過熟，個心唔夠流
😋其他必食推介
蒜泥白肉－第一次見buffet有得食呢？佢唔太濃蒜蓉味，鹹味較重
燒牛肉－好稔好易咬，牛肉味好重
人蔘牛仔骨－真係食到有人蔘味，牛仔骨肉質鬆軟
蜜瓜果凍－清新之選，足料到食到有果蓉～
好立克奶凍－超濃味！濃到好似真係飲緊好立克咁，好好食！
即製格仔餅－就算凍咗都仲keep到脆口，配雪糕一流！
杏仁露－配上蛋白，好足味，杏仁迷一定要試！
😇其他食物
韓式牛肉湯、青紅蘿蔔湯、麵包、沙律、火腿、芝士、溫泉蛋、煙三文魚、壽司、時菜、軟殼蟹、即煮海鮮喇沙、各式蛋糕及甜品、涼粉、水果等等等等
另有果汁／咖啡／茶任飲，都係一個加分位～
💬結論
講真整個buffet的選擇唔算好多，但勝在食材夠新鮮，加上有唔少回本位，贏返唔少分數！😎 職員都十分有禮，服務質素很好！🥰
到夜晚8點時餐廳仲會特地調暗燈光，配以背景音樂予大家透過落地大玻璃，欣賞幻彩fing香江，真係一個好特別的體驗😂😂😂 趁而家有平嚟食返次，都真係幾唔錯🤓
完
#小編去開房 之 YMCA港青酒店極高CP值優惠（上）
連加一一千都唔使，就可以住海景房+食兩餐，仲要個海景同半島差唔多，勁抵玩！😱 不過YMCA？唔係青年旅舍嚟㗎咩？🧐 非也非也，人哋係四星級酒店嚟㗎！😇 不過就比較低調，所以大家可能唔係太認識，就等小編去試一試先啦！💁♂️
🎊優惠詳情🎊 https://flyagain.la/91863
🎊預訂網址🎊 https://flyagain.la/26tn
📍預訂日期📍 即日起～5月2日23:59
📍入住日期📍 4月29日～6月30日（5月8及9日除外）
🗣酒店介紹
YMCA港青酒店位於尖沙咀中心，正正喺半島酒店隔離，但價錢就親民得多啦～😍 酒店客房較多，反而冇乜dorm㗎！😂 酒店交通極方便，尖東站L6出口一出就係，天星碼頭都係幾分鐘步程，巴士選擇都好多 😉
🛏海景客房
客房正對住維港正中海景，位置極靚，夜晚仲睇到幻彩fing香江！🤩 客房分大床／雙床兩種房型，格局同一般酒店一樣，燈光足夠，偏柔和。小編就覺得大床房嘅空間感較大（因為床邊會有個空位，感覺大啲）🧐
電視都有幾多選擇，有成42個台睇 🤭（詳情見圖），利申有viu睇～😎 另外水煲、茶、咖啡、拖鞋都齊哂，特別一提係個夾萬好深，據說係特別為放laptop嘅客人用既，呢點幾細心🤗
廁所明亮企理，有個浴缸俾大家浸浸佢！🤓 當然牙刷牙膏沐浴露洗頭水乜都齊哂啦～水力都幾足，沖涼好舒服😆
🛏海景套房
其實今次小編就係入住海景套房既，但因為勁快已經full booking，所以都特地參觀一下海景客房介紹返～🤗咁都循例講下海景套房啦～💁♂️
名副其實，套房就梗係大啦！🤓 有一廳一房，一入去就係個大廳，有張梳化床+一人梳化，另有一張弧影辦公枱，有一部電視，真係好似屋企個廳咁～😂 而迎賓果籃、水茶咖啡等都係放喺客廳範圍度～💁♂️
廳同房之間有條走廊仔，走廊左手邊就係成排衣櫃，大到收幾個人入去都仲得！🤣 房就一張大床，面對住整排落地玻璃窗望維港景，超癲！😱 另外房都有部電視，可以分開睇兩個台又得，想攤喺度hea住睇，都得！🥳
浴室廁所就連房不連廳，都係有個浴缸，面積比海景房大，一樣都係明亮乾淨企理，但花灑就係掛側面牆，唔係正對😗 留意返部分套房嘅落地大玻璃係位於客廳部分💁♂️
小編覺得房間格局較為舊式，但都幾清潔企理，住得幾舒服～🥰 另外小編唔好彩撞正洗窗前入住，再加上落雨，所以影出去個景先冇咁靚😢
🏨酒店設施
呢間酒店真係小編見過最最最多設施嘅一間，除咗大大個健身室、大大個泳池（個形式比較似訓練池）、靈修室可以俾大家免費用之外，仲有另外收費嘅體育館、壁球場、攀石場、舞蹈室等，真係好似成個濃縮市區版度假村咁，勁誇張！🤯🤯🤯
另外大堂都係新裝修，天花為玻璃，採自然光。大堂嘅主題係大自然，為求實感，酒店仲誇張度原舊大岩石／原條大木咁運嚟擺喺大堂，超有氣勢😳 大家check in時可以留意一下～🤓
未完待續…
