好老實，《#爆機自由仁》真係同打機無乜關係。預告裡面見到嗰啲飛機大炮機械人，通通都唔關事。模疑遊戲世界唔算新橋，拎GTA去一齊講亦係無需要。打唔打開機都應該不影響你去睇呢套戲，電玩背景視覺元素係包裝，電影實則好睇在主角設定以及結局安排。
.
Ryan Reynolds自從死侍後就固定了形象，喋喋不休廢話王，一套好睇 兩套可以 三套我就厭。嚟到今次，OK喎，有新鮮感，至少唔再係演一個係咁懶好笑講廢野嘅角色。陽光、開心、每天充滿希望的Guy，佢演到，演得好。一個太正能量的角色其實係唔易塑造，好易變煩膠，等於當年《Inside Out》個Happy，PIXAR都花咗啲心機去調整令佢唔好本意善良但俾人感覺乞人憎。
.
講到呢度，其實《爆機自由仁》真係似一部彼思動畫真人版。主角有啟發人的特質，愛探索，正能量，就像個大人細路都愛的卡通人物。電影把自我覺醒過程以及任務危機都沒有拍得很好仲有啲悶，但終極決戰善用迪士尼版權資源就令人拍爛手掌爆笑。整部戲都不是大製作，用咗啲得意橋、熱血小戰鬥都做到大喜劇效果。去到最後，仲可以將前面一切重新定位成愛情片，扭一扭又有啲驚喜。套戲唔叫做把所有野都拍得非常出色，但就適當時候寫到極度精彩，偏後情節尤其令人留下深刻印象。穩陣中有啲自己特色，收貨喇～
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
廢話王 在 [新聞] 打高端去不了日本？王必勝：還有採檢PCR這條路 的推薦與評價