【「彼思動畫的科學秘密」：當認真做一件事做到極致時，你就係王者】
開咗咁耐都完全book唔到，今日終於book到，但依然係超多人。
誤以為係當年文化博物館嘅Pixar展覽，點知原來完全唔同，係講Pixar背後嘅科學同數學。你見到一格畫面，可能係好多隊人花幾十個鐘先至做到出嚟，而果度只係一秒入面嘅1/24格。你睇Pixar啲戲知道佢好病態好瘋狂，點解可以迫真到咁，但冇諗到背後點樣做出嚟，原來係咁有科學，而呢樣嘢都唔係傳統就咁做動畫，而係唔同角色、唔同景物，分分鐘都有一套獨家電腦系統程度，先至可以模擬做到咁複雜效果。
成個展覽都一如科學館本身設定，可以俾你親身去試，甚至用Pixar套系統自己製作效果。展覽都幾乎用盡曬所有Pixar電影最神嘅部份，例如《海底奇兵》點樣利用光學製造水嘅迫真效果、《蟲蟲特工隊》點樣用動物視點去設計縮小嘅世界、《怪獸公司》當年一鳴驚人嘅毛毛動作點樣做出嚟、《勇敢傳說之幻險森林》公主頭髮原來結合埋力學、《五星級大鼠》複雜嘅法國餐廳景色點樣構想、《反斗車王》大量動作場面點樣建構唔同質感同層次、《沖天救兵》點樣善用光暗對比去烘托頭十分鐘超感動氣氛、《玩轉腦朋友》點樣喺幻想同現實中平衡製造電影感、《超人特工隊》唔同角色唔同動作又可以點設計等等，而呢一堆效果，大部份你都可以親身參與。個人最深刻係動作部份，冇諗過Pixar癲到有套獨立系統去製作角色嘅動作。展覽都有穿插Pixar員工生活日常，睇到你都想去返工。如果你鍾意Pixar，呢個展覽絕對值得睇過之前果兩個。
Pixar可以去到世界動畫王者，除咗故事夠驚喜，都要有咁極致、無人能及（甚至老細迪士尼都係近年先追得上）嘅動畫製作水平，先可以做到王者。佢哋最初喺《反斗奇兵》、《蟲蟲特工隊》仲用緊傳統「大牛龜」電腦年代，已經決心要製作最高水平電腦動畫，先可以成為先河。有時，認真可能便輸了，但有時極致認真，一係唔做，要做就做到最好，就可以Pixar咁爆紅。
參觀後感，都一如當年做AIA嘉年華，香港怪獸家長加埋佢哋下一代，堅係絕配，比當年AIA更覺香港已經玩完：
你睇緊條片，可以有條細路走埋嚟亂咁襟走佢，你叫佢：「小朋友，人哋睇緊架！」佢家長會走埋嚟話：「我屌你咩，家陣教仔駛唔駛你教呀？」
你玩緊佢啲遊戲（明明得一個位好明顯俾一個人玩），有細路可以一嘢走埋嚟（企圖）推開你自己玩。當然，我咁大個人，死坐喺度，佢唔會推得郁，如果你好少少語氣叫我俾你試，我唔會唔走，而佢竟然係打我？！然後我喝佢，佢即刻lur地爆喊：「唔制呀，我要玩呀！佢唔俾我玩呀！」
細路見到掣亂咁篤亂咁拍絕對明白，而有部份操作涉及數學同力學，我都要諗一諗先明佢做緊乜，但有細路亂咁拍亂咁chok，職員叫佢唔好亂拍時，個阿媽竟然叫佢：「唔緊要啦，你拍爛咗，我哋下次嚟咪有新game玩囉？」
以上嘅都係香港人。最恐怖係，我幾乎聽到絕大部份細路，都係講緊普通話。當「真．香港小朋友」走曬時，冇咗「真．香港小朋友」，香港係唔會死，自然會有一班「新．香港小朋友」嚟溝淡，只係，香港核心文化，已死。
所以咁講啦，要去，就到時間的話，唔好weekend去。
所有迪士尼、彼思電影海報及精品現於網店熱賣中，請即按此連結搶購：https://bit.ly/3itkzEA
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部
售罄，有意者可到此文章內的連結購買：https://bit.ly/3dRuUWu
彼思電影 在 【電影預告】迪士尼與彼思《元素大都會》粵語配音預告登場❗ ... 的推薦與評價
《元素大都會》粵語配音預告登場❗】☀今個暑假，迪士尼與彼思《玩轉腦朋友》班底帶你出發去「元素城」，衝破極限大冒險‼️ 隆重介紹@張敬軒Hins ... ... <看更多>