【We Are One and All】
【從不只我一個】
Lokman喊 ian喊 我都預咗
但真係冇諗過Anson Lo會喊成咁
佢一向都係開心、型、chok、玩得 嘅代表
就係從來未見過呢一面嘅阿Lo
望住阿Lo喊
我係心噏
而真正覺得感動個位係…
Alton行埋阿Lo前面
雙手拖住佢
我望到Alton個樣忍住忍住
我就開始想喊
Alton個樣 好真誠
佢真係好暖……
（p.s. Frankie都係)
當ian喊 第一個行埋去嘅係姜濤
我心入面開心咗一下
姜濤都話陪住ian時 唔捨得離開佢
喺團入面 唔覺得ian同姜濤特別熟
而且一開始係佢兩個出solo
感覺由一開始 佢哋就係競爭對手
唔知係因為永遠都一齊派歌
定係fans之間嘅鬥爭
令我感覺佢哋之間 就係好有隔膜
但呢一刻 我覺得Mirror嘅關係 可以好好
ian講得好啱
只要見到有人係身邊就會忍唔住喊
自己一個唔開心 都未必會想喊
因為當得你自己一個時
就好自然會叫自己堅強
當有人見到你唔開心 行埋嚟
拍下你膊頭 摸下你個頭 或者攬住你
就自自然然會爆喊
嗰個衝擊就係好似…
你自己一個一路撐住間就冧嘅屋
當你撐得好辛苦嘅時候
有人行埋嚟同你講
『唔緊要 你去喊啦 我幫你撐住先』
有人明白你 由一個人變成兩個人(甚至十二個人)
有人察覺到你唔開心
有人叫你做自己 唔洗死撐
而係呢個人面前
唔洗再扮野 唔洗再堅強
嗰種突如其來嘅溫暖 同 超現實感
當你一鬆手…感覺成個人鬆晒
眼淚就湧自己出嚟
嗰下唔知自己發生咩事
只係知道 我撐咗好耐
我好攰 咩都唔想理
既然都喊咗出嚟 就好好喊埋落去
點解喊？可能已經唔係當初嗰個原因
可能覺得自己真係好可憐
連自己都想同情自己
可能覺得竟然有人明白我
覺得安慰同感動
喊完之後 事情都係解決唔到
但…起碼我知道兩件事
一．成個人放鬆咗
二．原來…從不只我一個
我一路睇 眼淚都只係浪下浪下…
直到聽到《One and All》嘅前奏
就忍唔住
p.s.5 原來演唱會《 #給自己的信》個畫面
係咁樣而嚟…知道咗之後覺得更加感動
今晚就最後一集
多謝《調教你Mirror》團隊
令大家更加認識呢十二個人
畀大家睇到最真實嘅佢哋
多謝團隊 畀機會佢哋處理Mirror嘅問題同關係
多謝團隊 令ian笑返
令我知道…原來ian仍然係我最初鍾意嗰個ian
多謝阿祖同花姐 對Mirror嘅悉心照顧
多謝呢個節目 令《One and All 》變得更有意義
多謝Mirror有爭氣畀人睇
我希望以後都再冇《調教你Mirror 2》
咁就代表Mirror之間再冇問題需要處理
#調教你Mirror #Mirror
#OneAndAll #WeAreOneAndAll #從不只我一個
