【2020我最喜愛的電視劇】
其實當一套戲能夠去到令我鍾意時
就會引唔住出post同大家分享下
越鍾意就出得越多
相信有睇開都估到係邊幾套
《想見你》
重拾台灣偶像劇嘅熱潮
青春x穿越x浪漫x燒腦
一人分飾兩角 每一集都好緊張
金鐘影后柯佳嬿果然厲害
做到畀觀眾分得出兩個自己嘅分別
金鐘獎 『戲劇節目獎』『戲劇節目女主角獎』
『節目創新獎』『戲劇節目編劇獎』
就憑套戲得到呢4個獎
就知道呢套戲
女主角演得好、編劇一流、故事創新、年度之神劇
你唔會仲未睇過掛？
《雖然是精神病但沒關係》
每集以一個童話故事為題
講述自閉症、偽善者、反社會人格之間嘅成長故事
童話裡都是騙人的
劇中嘅暗黑童話亦非常精彩
如果要我講出每一集有咩精彩位及特點
我可能講唔出
但整套戲就係好好睇
冇乜刺激位 都令我好想快d睇下一集
三個主角亦演得出色 特別係尚泰oppa
《男排女將》
真係好耐冇一套港劇咁好睇
熱血x青春x貼地現實x靚仔靚女
當初睇第一集覺得淨係stephy一個已經夠好睇
開頭覺得力圖班演員演技都好唔得
但睇下睇下 我完全冇個種抽離感
唔知係佢地進步咗
定係劇情太熱血令我唔得閒再留意邊個演得好唔好
亦係呢套戲 令人重新認識鄧麗欣 Mirror 同Zeno
亦係呢套戲 令人重新認識港劇 原來都可以咁好睇
唔鍾意、唔識排球嘅我 都覺得好好睇
希望會有第二季
《如果30歲還是處男，似乎就能成為魔法師》
日劇嚟講 我本身有幾套
『MIU404、默默奉獻的灰姑娘醫院藥劑師的處方箋、今際之國的闖關者』
最後都係揀咗安達魔法師
呢套戲同一般甜蜜日劇一樣 例：『戀愛可以持續到天長地久』
只不過係BL版
佢比起『大叔的愛』呢套更真實亦更sweet
冇太浮誇嘅演技 反而比較多係呆萌可愛反應
能聽到別人內心發現別人鍾意自己 呢個主題好得意
內心os亦令大家覺得 黑澤真係超sweet嘅原因
成套戲人物、劇情、場景 都好精簡
令人容易focus係主角同配角兩段愛情故事
---------------------------------------
#2020 #電視劇 #想見你 #雖然是精神病但沒關係 #男排女將 #如果30歲還是處男似乎就能成為魔法師
