關於 我就唔敢評價 ，我們在網路上蒐集到這些相關的討論、資訊與評價

項莊舞劍意在沛公，林作打嘅如意算盤好簡單，其實做保險招兵買馬嘅嘢，唔怕你精、唔怕你呆，最怕你唔來：會因為佢騎呢曬西裝而加入佢團隊嘅人，可能萬中無一，但係唔緊要，只要reach夠大，十萬中自然會有一。（拿，我依家咁推一推，即刻多一至三萬reach）

我自問真係唔多鍾意網上嘅佢，但事實上佢呢種黑暗兵法也是兵法— 我地呢啲偽中產本來就唔會加入佢團隊，佢四五萬蚊套西裝笑下就算。但事實係只要個reach數夠大，總會有人心動，總會有人覺得四、五萬蚊買套西裝好厲害，想跟佢搵食。虛幻幣、波經馬經貼士，甚至倫敦金那班大疊大疊銀紙影相同埋show 林寶，都係呢種玩法。不過佢叻啲，人地show林寶，佢show林作（即係自己），租車都慳返但又收到想要嘅效果，何樂而不為？

點都好啦，姜太公釣魚，願者上鉤。佢只係賣下保險，又唔係叫人買啲垃圾防疫襟章，我就一笑而過。呢個世上癡線佬太多（包括我在網上成日發癲），總之我唔like佢我平時見佢唔到，佢自己開心咪好囉...

利申：強烈支持Zuitable
再利申：我窮到連zuitable都著唔起
再再利申：長期WFH都唔駛著西裝

#至於佢講野得罪人多稱呼人少
#我就唔敢評價
#我呢個page邊日唔得罪人
#炫窮界KOL
#其實生活簡簡單單都好開心
#唔駛下下都做有錢人嘅
#最鍾意同啲師奶去超市搶特價
#喂嗰隻兩鎊雞我睇中先架
#死八婆搶我隻雞？！

#Thanko#MyBarista#2021咖啡機推介

日本品牌 Thanko 一直都有推出多款實用性高嘅家居電器，深受市場歡迎，最近佢哋就推出咗一部磨豆沖粉雙用式咖啡機－My Barista，等大家可以喺屋企都可以輕鬆享受高質素嘅咖啡。我哋一齊做個開箱睇吓！nespresso nescafe delonghi

呢部 My Barista 外形行簡約風，採用雙用式嘅設計，無論咖啡豆或咖啡粉都可以放入去使用，係市場少有嘅 2 合 1 設計。My Barista 體型亦比其他品牌嘅一般咖啡機細，即使放喺比較細嘅枱面上，甚至小茶几都無問題，真係慳返唔少位架！呢個品牌仲好貼心，隨機仲附送一隻專用咖啡杯，等用家唔使特登買。

呢部 Thanko My Barista 咖啡機嘅操作十分簡單，只要將過濾網裝入呢個帶研豆功能嘅咖啡粉盒入面，再放入咖啡豆或咖啡粉，好似我咁，今次就用 4 羹，喺隔離水箱倒入相應份量嘅水，再㩒一㩒出面呢個制，佢就會開始製作架喇！成個製作過程只需大約 5 分鐘左右，沖出嚟嘅咖啡大約有 420ml，而且絕對夠熱，如果想飲凍咖啡嘅話，預先放定冰喺杯入面再㩒制就可以。

等我試番啖先！用咖啡豆磨嘅咖啡，的確係非同凡響。咖啡豆靚，都要磨得好先得！

相信唔少人唔敢買咖啡機嘅原因，都係害怕咖啡機難清洗，洗唔乾淨就會容易發出臭味。而呢部 My Barista 嘅另外一個好處，就係佢容易清洗。用家只要打開頂蓋，就可以拎出過濾網，咖啡粉盒等等部件去清洗，成個過程都相當簡單！

岑老先生以五仁伴上半生，姪子承其念默默耕耘。 若稱苦瓜為半生瓜，那五仁月餅就是半生月餅了。年少不懂，嗤之以鼻，閱歷加深，才識甘香。當冰皮、奶黃、榴槤月當道。

位於皇后大道西的老餅家，仍舊只做傳統月餅，其中五仁果子月，更是台柱，用足欖仁、杏仁、核桃、瓜子、芝麻， 堅持人手製作，吃起來，口感複雜，有軟有硬，味道細膩，連甘帶甜，直如半世人生， 順逆相纏，甜苦交錯，形成百般滋味，點滴在心頭。 西環，屬舊社區。所謂的舊，不限於建築外觀，更指內涵。不少傳統老店，動輒半世紀歷史，老味盎然。 皇后大道西這家老舊中式餅店，每逢立秋過後，總見水洩不通。 「一個豆沙燒餅唔該！」「兩件桂花（糕）兩件芝麻（糕）。」「五仁月點賣？」

餅店名叫卓越，每年臨近中秋，都在忙個不停做月餅。門外餅櫃，除了各式唐餅、南瓜燒餅、缽仔糕、豆沙酥餅外， 早已騰出一半空間放售月餅，五仁、金腿、豆沙、豆蓉、蓮蓉蛋黃，盡是傳統款式，每款數量不多，都是即做即賣，確保新鮮熱辣。月餅都在舖後工場做，兩旁各有一張工作枱，工具和材料放得井然有序，乾淨企理。工作枱前，只見一個人，穿汗衣、低着頭、全神貫注地工作， 將一個又一個的圓粉糰壓進模中，用力敲打，啪一聲，敲出一個餅印清晰分明的月餅來。

他是老闆岑俊傑，卓越由他叔叔岑兆卓於四十多年前創立，最初在土瓜灣，後來搬至西環，兩叔姪拍住上製餅，六七年前，年約七旬的岑兆卓打算退下火線，由於兩名女兒無意接手，餅店續交阿傑打理。

入行前，阿傑只是普通打工仔，在地盤做測量工作。直至2003年沙士來襲，面臨失業，徬徨之際，叔叔跟他說餅店師傅想辭職不幹，叫他回去幫手，「咁我又無工開，咪試吓囉。」就這樣，放下測量尺，拿起麵粉棒，由低做起，成了餅店學徒。

十幾年過去，學徒變成老闆，身份變了，責任大了。雖然阿叔最初經常落店助陣，但阿傑直言壓力好大，不信自己有能力傳承，又怕不能達到阿叔要求。可是每當想到，如果不接手，餅店就結束，便捨不得，硬着頭皮撐下去。繼承了餅店，也繼承了傳統，每年堅持手做月餅，未曾間斷，因為單靠機器做不到最佳口感，惟有人手才能達到要求。月餅一盤接一盤出爐，要數最受歡迎的，定是招牌五仁月。

五仁月製作工序繁複耗時，加上口味複雜不及蓮蓉討好，這年代沒太多人懂欣賞，市面也較少有。但阿傑自知小店，做蓮蓉月不夠大品牌鬥，倒不如專心做自己最耍家的五仁月，期望殺出一條血路。

$500斤欖仁做餅

他也真的跟足傳統做，五仁包括欖仁、杏仁、核桃、瓜子及芝麻，只挑最高質素。欖仁最貴，只買西山出產，質量最好，今年約$500一斤，每手月餅就得用上四五斤。百物騰貴，不少餅家或會選擇降低用料質素和份量以節省成本，阿傑卻不這樣做，因他深信客人食得出，亦過不了自己那關，只好實牙實齒幹下去。果仁要先放到焗爐烘香，核桃焗完更要以人手把外衣捽走，以免苦澀味影響成品。只是市場有去衣核桃供應，何不使用呢？「去咗衣嗰啲食落去就無咁重嘅核桃味，所以到最後都係唔用，自己辛苦啲啦，嘥啲時間啦！」

除了果仁，金華火腿更是麻煩，斬件後去走肥肉，蒸約一小時至軟身。待腿肉稍涼，再把肉塊拆絲，放機器中打成肉鬆才能使用，如此工序，又花大半小時。「始終金華火腿有個硬度，畀啲老人家食，食落去好似食咗支牙籤咁，打成肉鬆食落鬆軟啲。」他續解釋。還有冰肉，即肥豬肉，份量少卻效果大，加了便如畫龍點睛。「加咗令個餅潤啲、好食啲。」但處理冰肉，又是工夫，切粒加入酒和糖醃過夜，才可辟走臊味。他又下桔餅，要先搣成小顆粒才可用；檸檬葉又要切成碎，樣樣都是工夫竇。

材料備好，好戲才來，要把大盤散收收的材料黏合，得落糕粉，即熟糯米粉。而開糕粉必需用水，此舉最考師傅功夫。糕粉非常吸水，粉落太少，餡硬如磚；粉落太多，又不成形。阿傑笑指老師傅最怕這個工序，「做到叫救命㗎！」阿傑邊說邊從工作枱拿起一盤糕粉，慢慢撒在材料上，再加水，加點麻油、糖、玫瑰露，着手搓捏。只見他一聲不吭，專注的搓呀搓，力度時重時輕，從容自若，手法純熟，就如當年阿叔一樣有氣勢有功架。不消一會，餡料搓成小球，棒球般大小，非常足秤。餡料做好，開始做皮，糖漿加麵粉搓勻即成。糖漿也是自家製，用砂糖慢火煮稠，得花三四小時，要有耐性睇火，否則煮過頭變硬，不能搓捏。煮好的糖漿攤涼至少一整日，絕不可以沾到水，不然會「返砂」，即糖又凝結回砂粒狀。

堅持人手打月餅

月餅皮搓好再分成小球，包好餡料就可以入模。一按一壓，用力在枱邊敲兩敲，月餅就輕易的敲出來了。過程看似輕鬆，但其實壓模時力度要得宜，用死力會塞實餅模，不易敲出。敲打也如是，太用力會打鬆月餅結構，太細力又敲不出來，好考技術。月餅旺季，日打數百個，阿傑笑指年年打到手肘痛。一個一個倒模的月餅，放上鐵盤，餅與餅之間留合宜空間，月餅才能平均受熱，入爐前再髹上兩層蛋液，以添焦色。烘餅仍用舊式電焗爐，三層分為三段火力，焗月餅還得搬爐，先用大火焗出皮色，再搬到中火層慢烤。有別於現代化的焗爐，校好時間就會熄火，阿傑需要不時觀察爐內月餅的變化，一切全憑經驗。

約四十分鐘後，月餅終於出爐，餅香四溢，令人垂涎。卓越的月餅，色澤均勻，表皮偏褐色，側皮呈金黃。顏色明顯比起電視廣告上見到的深兩度，以致不少客人認為是焗燶了。原來這顏色為最好，太淺色的其實未焗透。「一個月餅好唔好食，最基本要求，睇個餅夠唔夠熟。」要判斷熟透與否，要看側皮是否帶青，淺黃色都不合格。餅焗不透，除了影響口感，裏頭仍有水分，自然就容易發霉。就連食月餅都有學問，建議最好「涼一晚冷氣」，讓內餡回油，口感更潤。

五仁月怎樣為之好食，未必人人都有相同答案。坊間的五仁月，總是硬邦邦，味道偏鹹，又或是果仁太少，口感層次不夠。但切開卓越的五仁月餅，只見餅皮透薄，餡料分佈平均。吃來潤而不膩，夾雜香脆果仁，軟硬適中。細嚼慢嚥，滲出橘子般的清甜，又有絲絲金腿鹹香，味道均衡，層次分明。有質量，自然有客人支持，難怪餅櫃的五仁月賣得特別快。真材實料，每年一到中秋，就吸引不少老街坊前來捧場。不過他們總在尋找岑兆卓的身影，求個「質素保證」。阿傑形容阿叔是店鋪「吉祥物」，只要阿叔出現，客人就認為月餅質素一定最好。

口硬心軟叔姪情

曾經有客人向阿叔投訴，指姪兒接手後，月餅味道變差了。阿叔總替姪兒護航，「佢咪話，『唓！呢幾年你食嘅餅咪又係佢（阿傑）整嘅！』」對客人評價，阿傑往往一笑置之，並不會放在心上，認為只需用心、盡力做好自己就夠。直到近兩三年，都再沒有聽到類似說話了。其實岑兆卓平日較少現身，但卻非常緊張中秋，最重視月餅出品，每年此刻都會落店幫手。惟都只是輔助，畢竟年紀已長，不能操勞。阿傑一貫幽默，指阿叔現時已成為一位好學不倦的「學生」，每日都要留意着股市狀況，通常收市才看到他。語音未落，門外有位老人站在餅櫃前，正凝視着那堆月餅——原來阿叔剛「下課」，回到店舖巡視業務。頭髮花白、身形瘦削的岑兆卓，甫進店就直奔餅房。仔細檢查工作枱上剛出爐的月餅，五分鐘過去，仍一言不發，阿傑慢慢走到他身旁，隨即揚聲挑剔，「呢件髹得唔夠蛋漿啦，睇吓啲字！」及後又着阿傑一同走到焗爐，繼續指點。工作上，即使是兩叔姪都無面畀。岑兆卓對阿傑更是嚴苛，諸多挑剔，沒半句讚賞，有時又嫌姪兒手腳慢，「佢就他他條條（做餅），以我咁嘅年紀，舊年我嚟幫佢開工，我快過佢好多！」

愛之深，責之切。阿傑心底裏其實毫不介意，「長輩啊嘛，咪留返啲空間畀佢?囉！」年少時期父親離世，阿傑早已當阿叔是「半個老竇」，對他敬而重之。 男人老狗嘛，都是口硬心軟。儘管在百般刁難，但看着阿傑做的餅，岑兆卓面上不時流露着笑容，堅定地說：「我哋呢個（五仁月）夠膽去打擂台㗎！」言談間就知道他對姪兒的出品絕對有信心。阿叔將畢生心血交託於手，阿傑當然不敢做壞招牌，「始終間舖係阿叔開，我點都有個責任維持住，真係唔想喺我手衰。」他自言稱不上大師傅，沒有阿叔十成功力，「始終我阿叔都累積咗咁多年經驗，如果你話做嗰十幾年就可以Cover咗佢，我就覺得，我有啲自大囉！青出於藍，我應該未去到呢個境界」，謙虛的他總在自嘲，「學到呢門手藝呢，就係對於一個以前讀書唔得嘅人，總算攞番啲技能喺身，唔使話將來靠乜搵食啦，呢樣真係要多謝阿叔嘅！」岑俊傑自知做唐餅不能發大財，已是夕陽行業，可自己不是搵錢至上的人，縱使前路難行，只要仍有能力，他都堅持守住招牌，保住阿叔的心血。

夕陽西下，他繼續走進餅房默默打拼，把僅有的傳統味道，傳承下去。

撰文：張芷澄
攝影：謝致中

卓越食品餅店
地址：西環皇后大道西183號地下
電話：2540 0858
詳情： https://bit.ly/2lD1lkP


足本訪問：https://bit.ly/2QLEAYo
===================================


? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【生命鬥士】值得鄭秀文都讚 前女歌手車禍癱足27年 靠聲控製花椒辣椒油：即使手腳不能動 腦袋仍可很靈活(飲食男女) (https://youtu.be/gREGjaLELTg)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【問問日本人】點樣分辨中國人VS香港人中國旅客經常大聲說話？ （果籽）(https://youtu.be/MaMNuX7464I)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【的士急色男女】 男女車廂纏綿全城睇晒 業界轟放片者累死同行 20200712 (壹週刊) https://youtu.be/qCtU5Lc07Sg


#月餅老字號 #西環餅家 #飲食男女 #StayHome #WithMe #跟我一樣 #宅在家

維基名人錄 29 - 兩面神亞歷山大 (廣東話)
https://youtu.be/Gg8bAzVNFM8

請各網友支持, 課金巴打台
(過數後請標明所支持的節目或主持, 把入數收據WhatApps 至 : 94515353 )
- 恒生 348 351289 882
- 中銀 012 885 1 086914 9
( 戶口名: Leung Wai in Tammy)
- 轉數快FPS 3204757
- PayMe 94515353
- Paypal : tammyleung96@yahoo.com.hk

巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
-----------------------
亞歷山大一世喺公元1777年12月23日出生, 系羅曼諾夫王朝第十四任沙皇、第十任俄羅斯帝國皇帝（1801年3月23日至1825年12月1日在位），係保羅一世之子。由於亞歷山大一世於拿破崙戰爭中擊敗法蘭西第一帝國嘅拿破崙一世，復興歐洲各國王室，因此被歐洲各國同俄國人民尊為「神聖王、歐洲嘅救世主」
佢喺位期間改革俄國兵制，設立軍團制，改變左, 從伊凡四世一直沿用二百幾年嘅貴族統兵制。佢嘅統治期前半主要喺戰爭時期渡過，後半則沉迷於與宮廷仕女遊玩，以及神秘主義嘅研究上，漸漸不理政事。最終喺其承繼者尼古拉一世喺位期間，俄國爆發左一連串人民起義。因此其評價往往系兩極化嘅，而且直到現喺，佢嘅行為仍然唔能被理解。佢嘅性格優柔寡斷、多疑、固執，又極其自尊自傲，因此被稱為「（北方嘅）斯芬克斯」。
唔過，喺佢嘅統治下，俄國喺政治、經濟、軍事和文化等多方面都進入極盛時期。喺擊敗法蘭西第一帝國後，俄國領有北至北冰洋、南至高加索山脈、東至阿拉斯加、西至法國巴黎。佢率領軍隊橫跨大半個歐洲，一直攻至法國巴黎，使俄國一躍成為當時歐洲第一嘅陸權國家。喺維也納會議上，佢聽從本尼格森伯爵嘅進言，將歐洲各國嘅土地歸還各國王室，以免去佔領時遇到嘅種種問題和面對各國王室道義上嘅責難，此舉為佢羸得了歐洲輿論嘅普遍支持，從而使俄國瓜分波蘭和吞併芬蘭時並未受到反對。同時佢更將黑海艦隊推進至位處博斯普魯斯海峽嘅鄂圖曼帝國首都伊斯坦堡恐嚇鄂圖曼帝國，迫使喺第七次俄土戰爭戰敗嘅鄂圖曼帝國唔敢喺俄軍進佔歐洲時乘虛而入。於系，俄國喺亞歷山大一世嘅統治下，成為當時歐洲嘅一大軍事強權。
亞歷山大去世後，為俄國留下龐大嘅遺產，包括龐大嘅軍隊、龐大嘅財產、龐大嘅領土。喺佢統治俄國期間，允許自由主義喺俄國發展，而且更承襲了阿嫲葉卡捷琳娜二世嘅開明專制。大部分權力從貴族回到沙皇手中，實現了中央集權。但因為佢本人晚年唔应政，俄國陷入了官僚專制主義當中，喪失了開明專制嘅自由，最終導致了十二月黨人起義。對外以極端強硬嘅手法強迫普魯士王國和奧地利帝國認同佢作為東歐和中歐之主。對亞洲則連連威迫鄂圖曼帝國，和英帝國喺中亞展開了長期嘅大博弈，擊敗拿破崙一世更將俄國嘅國威推進至頂峰。種種行動使佢喺位期間嘅俄國變為一個絕對主義國家。
好啦, 喜歡我地節目嘅朋友, 請,讚好, 同埋分享, 最緊要訂閱我地頻道, 要按埋旁邊個鐘仔,我地一有新影片, 各位就可以第一時間知道, 好,多謝晒, 再見!