對話好精彩！
「嘩，尋晚Avengers真係好好睇！」
「其實我係好鍾意睇電影做晒Research嘅。」
「嘩，好叻呀！但咁咪穿晒啲橋囉？」
「我意思係睇完先Research，我好有求知慾！」
「嘩，好叻呀！咁你Research咗啲咩？」
「我Research 咗啲彩蛋。」
「嘩，好叻呀！我地miss左呀？」
「其實你知唔知咩係彩蛋？」
「即係片後面要等佢出字幕出果啲？」
「其實唔一定係果啲。彩蛋嘅英文係Easter Egg。」
「嘩，好叻呀！」
「真係復活蛋果個Easter Egg。」
「嘩，好叻呀！」
「你知唔知復活蛋係點嚟架？」
「你知呀？好叻呀！」
「復活蛋係紅色架，紀念耶穌釘十字架流既血！」
「嘩，係咁架？好叻呀！咁都知！」
「其實 before 耶穌之前，埃及已經有咁嘅做法，中國人都有紅雞蛋。」
「嘩，好叻呀！」
我決定行去第二個車廂...
一個認叻港男，加一個扮蠢港女，係有六粒 infinity stones 嘅毀滅性。
#我明白Thanos點解要撻手指
#Research左啲乜
#同Avengers有咩關係
#WarrenRobinett應該激死
