「遠近馳名的馬場洞烤肉」
話咁快就嚟到首爾，去咗馬場洞食烤肉，一去到叔叔聽到我地講廣東話，就已經好霸氣咁食住煙、拎住新假期旅遊書叫我地食呢間，見咁多媒體報道過，而且好肚餓都唔想再揀嚟揀去，所以就決定食龍門家～
入到去有幾款唔同級數嘅牛可以揀，我地一行5人就叫咗最高級嘅韓牛套餐，承惠80000won，即係每人大約100蚊港幣，會唔會太抵！牛肉完全符合預期咁好食，好香牛味，但係又唔騷，脂肪比例仲要好好添👍🏻 而且阿朱媽仲會好貼心咁成日幫我地換爐，等我地啲肉唔會黐底，so sweet💞
順帶一提，其中一樣side dish係生牛肉配雪梨絲，好好味！生牛肉嘅口感好特別，好軟滑，而且配埋雪梨絲夠晒清甜，如果你夠膽挑戰生牛肉嘅，絕對要試！！！
#漫遊世界 #漫遊韓國 #馬場洞 #烤肉 #所有香港人都食龍門家 #好彩無失望 #我聽韓國朋友仔講其實間間都咁好食 Korea Plaza (KTOHK)
