「如果可以停低，獻世都無所謂。」一向
認為尋求最理想既退休生活，都係我奮鬥既
目標。點知一個疫情足夠令我體會到呢種
唔係退休呀，係頹廢呀。日日毒留在家中，
毫無目標，咁樣落去唔係辦法。要係頹廢中
尋求一絲動力，或者新開既「CR² By Cupping
Room」可以比到提示我，係一杯咖啡裡面
刺激我大腦，為未來做好準備！👇
-
📌Toastie · Combo - $48
▪ Tamagoyaki · Sakura Shrimp -
▪ Avocado · Peanut Butter Chicken -
▪ Peach · Espresso Fizz - (+6)
▪ Coco · Chanel - (+8)
▫ 性價比極高既套餐「飛碟三明治·套餐」總共
有4款口味，一個價錢包埋一杯$42野飲，非常
吸引。今次揀左「日本櫻花蝦·玉子燒」、
「牛油果·花生醬雞肉」口味，新鮮即叫即烘，
所以一咬落去仲係外脆內嫩；前者裡面餡料
夾雜住厚身玉子，配搭櫻花蝦特別惹味；
而後者牛油果加埋花生醬既配搭，特別好食。
-
飲品方面超過$42蚊只需補返差價，分別試左
呢杯人氣大熱「椰子·抹茶咖啡」，入面分別
有自家製咖啡、椰子漿、抹茶混合而成，
賣相非常靚仔，每一層既味道分明，加上
淡淡既椰奶，清香順滑；同抹茶非常夾！
另一亮點「蜜桃·氣泡咖啡」，以一杯Espresso
再混合泰國梳打水調製，每一啖都飲到豐厚既
氣泡，享受味蕾同口腔之間既衝擊，
同時咖啡香味逐漸湧現，幾有驚喜。
-
📌C a k e s -
▪ Earl Grey · Floral Rose - $42
▪ La Viña · Original 3" - $46
▪ Mint Chocolate · Custard Croissant - $30
▫ 不得不推介呢到亦食到品牌「La Viña」既
精緻蛋糕，「伯爵茶·玫瑰」因為加左玫瑰
花香，配搭新鮮莓果，所以有種酸酸甜甜
味道，外層灑上糖霜，賣相相當有feel。
另一皇牌主角「巴斯克·芝士蛋糕」質感獨特，
外層帶點焦香，入口即化既芝士，每一啖
都非常滿足；而最後幾有驚喜既「薄荷吉士打·
朱古力牛角包」切開裡面明顯見到豐富既
吉士，而外層口感鬆脆，配搭朱古力
令整體層次感豐富。
-
📌Ice · Cream -
▪ Ice Cream · Croissant - $42
▫ 一個極度誘惑既又邪惡既「牛角包·軟雪糕」，
餐廳用左自家製雪糕，配上酥脆無比既牛角包，
賣相鮮明突出。而雪糕入口帶有咖啡香，
口感非常幼滑；而牛角包面頭灑上朱古力粉，
連埋一齊食口感特別豐富，尤其是係冬天
整返杯雪糕真係有種不一樣既滿足呀！
-
📎 CR² By Cupping Room
📍旺角彌敦道號639號雅蘭中心地下Kiosk 4
