《讀者投稿》
我99係一個極品中既極品
講下背景，我唔係同99住。
我99從來唔煮飯，唔執屋，唔打掃，牆身有菇，廁所一牆都係蚊滋，成日同師奶打牌打通頂。一星期沖一兩次涼，洗頭一個月都係一兩次（去髮型舖洗），從來唔刷牙，以為自己好靚 。
成日食自助餐都偷偷地打包，仲連刀叉都唔放過，點解我會知？因為婚前同老公and99一齊住過一段時間。。。。
果陣時原本老公唔係同99住，但見佢一個人，阿哥結婚搬走左
就搬返去同佢住左一排，所以我果陣開始我見識到99既真面目（好彩婚後唔洗一齊住）。同埋佢係一個好mean既人。
老公既表哥老婆cancer走左，表哥自己一個照顧個仔 個仔十歲
表哥咁岩果排生玫瑰座蒼一直成年都未好返。有次親戚gathering
佢同另一親戚講「都唔知係咪個小朋友剋死個阿媽，成日死老母咁既樣，仲陀衰個老豆」佢講得好大聲，當時好多親戚都在場，而果個小朋友都現場，呢件事令我好印象深刻，因為個小朋友無左媽咪已經好慘，佢仲要講埋d咁既野，個小朋友聽到會點諗？童話陰影/心理就係俾你d咁既仆街三姑六婆影響的！！
呢單只係極品事件其中一小單，因為太多，不能盡錄。
話說我剛剛生完B，佢黎醫院等b出世時，我媽一早就黎陪我，到我生完出黎，我好唔舒服，係產房出黎之後一見到媽咪就爆喊，我媽咪同老公捉住我手話無事無事，安慰我，佢就係我媽面前扮野話 「生完啦無事啦 奶奶係度啊」
嘩！真係唔該晒，就因為你係度囉好無，佢講野超大聲，把聲又好煩，同一句野不停重複。我當時真心覺得你可唔可以唔好再講野，好煩，煩到我好想拍台x佢（因為產婦情緒比較波動）
到bb出左院我地返左屋企，佢頭果幾次上黎都有通知，之後都無講就沖上黎，就連我餵人奶佢都要企係隔離睇。唔知有乜好睇，我老公叫佢出去唔好阻住晒，佢就開門關門出出入入勁多次，完全唔知想點。
我同老公除左99其他親朋戚友都唔可以上黎探b。佢有好幾次都趁我老公出左去就同我講阿邊個邊個想睇bb，當時既我心諗「睇咩睇，我個bb生出黎俾你地睇麼」，我係完全無理佢，生完bb先發現媽咪永遠都係最好。
媽咪煲既薑醋係俾我補身，煲左一大程，佢返工都放break老遠上黎整野我食，驚陪月姐姐整得唔夠好。而我99整左好多薑醋
而當然佢整黎為左派俾人食，而佢派淨左一夠薑同一薑硬過石頭既豬手留左俾我，皇恩浩蕩啊！ 仲話突登煲俾我，我真係想成舊豬手車埋佢度。
我媽咪都有另外整黎派俾親友，而親友全部封晒利是俾bb，係差唔多每一個派左薑醋既都有。但99派完佢無收過利是返黎🤭佢仲要派左三大程，我當然唔係志在d利是，係我唔相信我老公既親戚食完薑醋會有封俾bb既利是都無，但老一輩多數都利利是是係咁2😵😵
我地都打算生完bb，我返工後只俾工人姐姐照顧，99佢開始成日上黎扮野搶黎抱，餵奶粉又搶黎餵，餵完又唔掃風，又死抱住唔放，仲係咁搖bb，係bb耳邊勁高音勁大聲講野！
抱bb前又唔洗手，俾我老公鬧完就去洗，洗左但無用洗手液，又俾我老公再鬧，鬧完先肯洗，基本上我睇唔過眼既野，我老公都有出聲鬧佢 ，但呢件極品基本上係鬧唔聽。
而且佢腦入面既concept 係同荷蘭叻一樣，所以同佢講乜都係廢
佢只知自己永遠是對的！就係咁佢日日共上黎好似想鋪條路俾自己有得之後黎照顧bb，但因為肺炎疫情，佢唔肯戴口罩出街而俾我從此隔絕。
陪月姐姐幫bb掃風時，用順時針方法慢慢轉bb，呢個方法醫院姑娘都有教，佢就係陪月姐姐面前問我「is it right?」
我未答時，陪月姐姐已答左佢 ，我心諗，唔係全世界得你一個識英文囉，想點？
講起英文，其實佢唔叻，中五程度，但以為自己勁到可以溝鬼佬
。想當年結婚前雙方家長見面食飯，佢同我屋企人講：
「我好鐘意travel around 」
「岩岩前排去左China」
「我覺得呢個world好多野好good 所以我好鐘意周圍去」
「我成日都同我d friend 周圍去玩」
黎大曬自己英文有幾勁🙄🙄即係我爸爸媽媽唔係好識英文，都唔知俾咩反應佢好。
而雙方家長見面果餐飯，佢真係好肉酸，佢問我家姐咩工作，邊間大學畢業，然後再問我細佬，但我細佬係讀到學士學位都係大學畢業，只係唔係係香港既大學。
佢就話「咁咪唔算係大學畢業囉？」下刪500字「我個仔（佢個仔即我老公）就唔同呢中大畢業blablabla ，然後我老公當時已經叫佢收聲食野，佢都係繼續講，成餐飯令我屋企人對佢印象好差😵
仲有好多好經典既事件 由奇係結婚果一日
極品事件多到講唔完
唉⋯⋯⋯
＃我的極品四大長老
打算生bb之後 在 當MAMA後最常遇到的Q&A ｜生BB過程！？自己坐月定請陪月？ 的推薦與評價
... 01：06 懷孕期食啲咩,可以好似善兒咁多頭髮？01：51 係邊間醫院 生BB ? ... 產品？10：02 有無 打算 生多個？10：14 生完有無請陪月？10：30 懷孕時 ... ... <看更多>