路
點解要去Working Holiday？
係，去到外國你係可以體驗到另一個地方既文化，有新既生活體驗，如果你好彩，仲可能會係嗰度識到班新朋友。
我知呢啲經歷好難得，但係咁喎，點解唔用呢啲時間黎搵錢搏殺先？廿零歲，正正係一個人事業發展最快最重要既黃金年齡，你諗吓，就係你去咗Working Holiday係外國睇緊呢個世界到底係點既一回事既時候，其他人就日日喺office成功需苦幹OT到凌晨搵緊真銀，到你兩手fing fing返到黎香港既時候，人地隨時首期都儲完。
你諗吓你仲有幾多嘢要做：買樓、結婚、生仔，樣樣都係錢，而你既老細根本唔需要你週游列國，佢淨係要你日日準時返工任勞任怨做牛做馬做狗做擦鞋仔咋，仲諗咁多做咩，行快兩步去返工啦，遲到啦——
但係，唔係喎，等陣先，邊個話人生就一定要係咁樣？
邊個話人生就淨係得一條路？
你阿爸阿媽？朋友？老師教授？同事老細？
定係你自己？
你有無諗過，點解人既生活就一定係打份牛工，然後好似人做你做、人有你又要有咁去供樓結婚生仔？就一定係每日坐朝早八點十四分嗰班車，然後日復一日咁重覆呢種對你黎講根本無意義既生活。
我唔係話去完Working Holiday返黎，就咩問題都解決晒。但你真係願意過呢種營營役役既生活？真係願意就咁做一條無夢想既鹹魚過一世？
做人如果無夢想，同條鹹魚有咩分別，呢句出自周星馳電影《少林足球》既對白聽落相當無厘頭，甚至好可能連講呢句對白既周星馳本人都無認真諗過佢背後既意義。
但巧合既係呢句說話正正係好多香港後生仔既處境：做一條鹹魚渾渾噩噩咁度過你既餘生，抑或選擇投向一個未知既將來。
問吓你自己，你想要到底係點既人生――要記住，你淨係得一次機會，錯咗，係返唔到轉頭，到你老咗，你會唔會後悔竟然無踏出嗰一步、無坐上嗰一架飄洋過海既飛機？
陌生既城市、陌生既語言、陌生既面孔，無朋友、無屋企人、無目的地，企係距離香港幾千公里之外既呢個市中心廣場雕像下面，你將會唔知道自己要去邊度，但同時你邊度都可以去。
人哋話，三十而立成家立室，但我話，三十歲前就應該捨平凡愛動盪，到外面既世界闖一闖——係，或者你會蕩失路，但若這半世未算趕，何妨迷路看風光？
# 敢至係人生
捨平凡愛動盪 在 黃偉文Wyman Wong - 捨平凡愛動盪人人其實有個願望知回頭會 ... 的推薦與評價
捨平凡愛動盪 人人其實有個願望知回頭會是岸仍昂然投入去這巨浪. Yang Wei dan 737 yang lain. 738. 12. 14. Kwok Shun Fung. Happy New Year. ... <看更多>