Search
【乾淨回收 人人都開心回收🤗】
年初七了🎊，大家新年係咪玩得好開心呢？鬼鬼都知喜慶日子大家都難免會製造咗少少廢物，所以鬼鬼又係時間提提大家記得「乾淨回收♻️」！
好似較早之前我同一班同事仔去美孚新邨嘅活動咁，我哋透過檔位同小遊戲教教大家點樣回收廢物，街坊們都覺得「其實唔難」，仲玩得好開心，而且都好樂意之後會拎廢物去回收添😁！鬼鬼見到咁，各位想點同我影相就點影啦🤣。
話說我之前都拍過《回收通勝》等大家清楚了解膠同紙嘅每個回收細節，想高清重溫？即上：😃👉🏻
《回收通勝－膠樽優先篇♻》
https://www.facebook.com/bigwaster.hk/videos/2122918891053393/
《回收通勝－三紙回收篇♻》
https://www.facebook.com/bigwaster.hk/videos/2131936976818251/
#綠色新年 #綠色香港
#乾淨回收 #源頭減廢 #資源循環再生
#揼少啲慳多啲 #dumplesssavemore #揼少啲慳多啲識回收
【♻揼少啲！慳多啲！識回收！三紙回收篇♻】
上星期同大家分享完有咩膠回收得♻（未睇可以去呢到：http://bit.ly/recycleright_plastic ），今個星期《回收通勝－三紙回收篇》就介紹咩紙收得，去片▶▶▶！
記住 #三大紙製品「紙皮、辦公室紙、報紙書刊」係回收得，但要⚠除膠紙、⚠去雜質、⚠咪濕水。
而其他紙製品就因為含有雜質，例如塑膠成份，都係唔收得㗎！
提提大家 ‼，市面上紙製品種類繁多，如果唔肯定，或者唔屬於三大紙製品，就唔好放入回收桶喇！
希望大家睇完呢兩集《回收通勝》可以清楚了解每個回收細節，做好乾淨回收。最好就係日常生活中源頭減廢，一齊用少啲，識回收！
#最重要都係源頭減廢 #揼少啲慳多啲 #dumplesssavemore #揼少啲慳多啲識回收 #dumplesssavemorerecycleright #報紙 #辦公室紙 #雜誌紙 #紙皮 #除膠紙 #疊整齊 #咪濕水 #去書釘 #去封面 #去封底 #回收通勝
【揼少啲！慳多啲！識回收！膠樽優先篇】
睇通勝都係想知有咩宜忌，睇我哋就係想知邊啲膠「宜」回收，所以我哋準備咗呢個《回收通勝－膠樽優先篇》，有咩膠回得唔回得，一目了然。
留意返，膠樽要先清洗再去招紙，移除樽蓋或者膠樽泵頭；而膠兜兜亦可洗乾淨，拎去綠在區區、社區回收網絡或者路邊三色回收桶。
講到底，大家都應該要用少啲膠！咁就至抵錫啦 ❤
#最重要都係源頭減廢 #揼少啲慳多啲 #dumplesssavemore #揼少啲慳多啲識回收 #dumplesssavemorerecycleright #膠樽OK #先清洗再去招紙 #拎走膠泵 #留意唔係乜膠都收得 #膠樽泵頭
