細個以為搬屋好好玩
好羨慕身邊嘅同學有得搬屋
（亦都試過好傷心，
因為原來搬屋係可以去左另一區，
例如青衣，或者油塘）
仲天真到問爸爸點解我哋唔玩下搬屋
大個之後學識一個字
「小心許願」
呢三年幾 我搬左三次屋
（有一次仲係跨國添）
搬屋真係好攰
由搵屋開始
同無數奇怪屋仲（即係香港嘅經紀）溝通
一路睇591一路皺眉+頭痛
「點解台北啲租屋咁醜樣」「點解好地地要用鮮綠色嘅牆？」「可唔可以唔好搞咁多嘢？」
到終於搵到好嘅地方
要開始買傢俬
清理屋企
發現冷氣師傅啲手工差到痴線
唔知點解總係會有少少㝫
啲曱甴總係會爬到入嚟bla bla bla
身攰 心更攰
我同Per講左三年嘅House Warming
由香港嗰錯過時機
到搬黎台灣遇上第一波武漢肺炎
再到依家台灣疫情升溫
完全無辦法搞
仲有無數嘅生活大小問題
一路忙東忙西
2021都差唔多過左一半
仲記得上年一月武漢肺炎啱啱開始
我地仲好樂觀咁話「五月乜都完啦」
結果到今年五月都未完
我都由樂觀變成好實際：
2025年可以再見番啲朋友已經算係好快
原來喺一個大家都半天吊嘅時候
一切道理一切生活哲學都唔再重要
當你根本唔知終點存唔存在
過程亦都無晒意思
我地好似集體去左The Bad Place咁
（有無睇The Good Place?痴線地好睇）
好掛住講廣東話嘅大家啊
（見者有份啦）
有時失眠會諗
下次我喺香港演出會係幾時呢？
仲會唔會見到大家呢？
如果你都掛住我地
聽住我地Podcast先啦
