$28個兒童餐，仲有玩具送！啱啱去完旺角新世紀MOKO新開嘅「翡翠拉麵小籠包」，佢哋新出嘅翡「趣」兒童餐真係好抵！ ($28係特價，其實就算原價$38都唔貴)
個兒童餐好豐富，有兩個豆沙包、兩條脆皮春卷、一碟胡麻醬拌菜、一個拌麵同凍豆漿，除咗春卷畀爸爸食咗，Bat Bat成餐食到唔停口。
至於我哋都有好嘢食，見到新出嘅夏日限定餐單，好多蕃茄菜式，我哋當然要試吓，個蟹肉蕃茄冷麵好清新又足料，個麵我見到師傅係即拉㗎㖭 😃👍🏻 師傅超好笑容又nice，仲不停同Bat Bat say hi，所以我哋成餐飯都食得好開心。
我亦推薦個魚乾麻醬拌秋葵，一啲都唔會滑潺潺，爽脆帶點咸香，好滋味呀。當然每次嚟親我都必點四川口水雞、清炒蝦仁、上海小籠包啦！飲品方面都有新搞作，我哋叫嘅檸檬洛神花茶同鮮橙綠茶，都酸甜兼備，開胃又消暑，真心好飲！
甜品方面，呢度嘅酒釀丸子好夠酒香，絕無欺場！而老公就大讚個薑茶湯丸夠辣，薑味好足，而且兩粒湯丸勁大粒又煙韌，芝麻餡嘅甜度剛剛好，食完唔會膩。
呢度嘅位仲要好寛敞，又有BB椅，真係好啱帶小朋友嚟食飯。我上網check 過，除咗旺角 #MOKO，銅鑼灣 #時代廣場、沙田 #新城巿廣場 都有提供 #翡趣兒童餐㗎。
#翡翠拉麵小籠包 #翡趣兒童餐 #新世紀廣場 #兒童餐 #親子好去處 #BB餐 #親子餐廳 #兒童食肆 林家Oppa爸 #openrice
新世紀廣場食肆openrice 在 美食- MOKO 新世紀廣場 的相關結果
Crystal Jade La Mian Xiao Long Bao. location L5 505B. Mon-Sun11:00-22:00. phone 35869498. MINI MELTS HK @MOKO POP. location L1 143C. Mon-Sun12:00-22:00. ... <看更多>