聽講唔少巴打絲打都係新蒲崗返工，今日就整合咗5間必食嘅飯堂，唔知大家有冇食過呢？
Ben哥米線
鍾意食雲南米線嘅人就唔好錯過，佢午市有個套餐可以叫3個餸包埋熱飲。米線都係大大碗，湯底都幾好，好足料！
推薦：午市套餐 （可選擇3個$7餸） $41 包埋熱飲
金沙燒味餐廳
足料大碟夾抵食嘅金沙燒味，叫佢嘅五寶飯大碟到連男同事都食唔哂。
叉燒，燒鴨，切雞，紅腸，咸蛋全部都好足料！餐廳仲有其他茶餐廳都有嘅飯餐，任君選擇。
推薦：秘製五寶飯 $45 包埋熱飲
英記美點小食
曾經上過東張西望嘅英記美點小食仲係米芝蓮街頭小食。最出名就係雲吞同六十年代撈麵，皮薄餡靚嘅雲吞同埋大碟懷舊嘅六十年代撈麵，都係細心之作。
推薦：六十年代撈麵 $30
淨雲吞$26(6粒）
人民力量
係街邊嘅人民力量好似唔多起眼，坐係小巷裡好麻甩好正，炒出嚟碟碟都好正好吸引，快靚正，套餐已包埋冷熱飲品。
推薦：蝦醬炒通菜牛肉飯 $42 包埋冷熱飲
瑞士咖啡室
真係好隱世嘅瑞士咖啡室係小巷裡穿插先會搵到，瑞士雞翼可以話係必食！常餐A好多嘢同好抵食，有火腿奄烈、牛油多士、瑞士雞翼公仔麵（有兩隻全翼）。
推薦：瑞士常餐A $48 包埋熱飲
大家仲有冇其他心水餐廳，歡迎留言Share！
#佬假期
----------------------
更多麻甩地道娛樂資訊
盡在 @佬假期 Lo Holiday
www.loholiday.com
新蒲崗兩餸飯叉燒 在 兩餸飯指南｜新蒲崗｜糧尾恩物｜Man Man饅頭- YouTube 的推薦與評價
兩餸飯 指南｜ 新蒲崗 ｜糧尾恩物｜Man Man饅頭今集manman同大家去 新蒲崗 搵左四間 兩餸飯 偏頭，睇下邊款吸引到你？ 【 本集實測地點】 1． ... <看更多>