關於 早啲撐啦好冇 ，我們在網路上蒐集到這些相關的討論、資訊與評價

來支持下一個張家朗、未來的何詩蓓好嗎？

「品牌從默默無名就看上她」。

已講到自己都煩，創作是關於開創，不是跟風。

現在香港的廣告商，老是跟風，一窩蜂。

還是找天王來拍廣告，還是黎明劉青雲郭富城，要不然就是Mirror /Error，總之你同我一樣，人有我有，完全沒有前瞻性。Mirror和Error都不是問題，但一味Mirror/ Error就是問題了，

創新，要比別人走得前，比別人早看見。

品牌可否看上下一個張家朗、找出未來的何詩蓓？甚至不一定要是獎牌選手，可以是香港希望，體現香港精神，夠了。

「舉重女神」郭婞淳摘下台灣首面金牌，她多謝誰？

//「長期贊助我的運動品牌 Under Armour 也是我逐夢路上最支持我的合作夥伴。

記得2016年從里約回到台灣後，UA主動與我聯繫......，沒想到默默無名的我能有機會代言運動品牌。」從此之後，該品牌就隨郭婞淳一路征戰各種國內外賽事，「讓我從比賽場內帥到場外，甚至連我的團隊家人都一起照顧了。」//

現在，Under Armour 大豐收。

015年因受傷歷經選手生涯中低潮，富邦金控卻選擇在此時開始支持她，「讓我能專心復健備戰，陪伴我走過大大小小的國際賽事，到今日的征戰成功。」她感謝贊助商讓她能在備戰上更無後顧之憂，勇敢追求夢想。

不易走的路，早些給支持，是眼光、是勇氣，是慷慨，是識見。

也要冒些險。

別要等別人成名了才去捧，台下十年功之時，天氣特別陰冷，日子特別苦。

孤單的路，讓香港的運動員，走得舒服些吧。

台灣有情，也見在贊助商的情味。

這種關係，多了欣賞，少了虛榮，包含真心。真正含金。

真好看。

希望香港將來，也有類似的感激、關係和故事。

只有跟紅頂白的城市，好悶，好削，好低級。

很多東西已經夠倒退和低級的了，搵啲地方進步吓好冇？

廣告商你們聽到嗎？

#撐香港運動員
#早啲撐啦好冇
#早撐可能伍家朗已經有牌
#保育現役和下一批年輕運動員
#UnderArmour好嘢
#贏咗就衝出嚟 #之前你喺邊呀

古天樂與祖高域之 求品
👉https://www.patreon.com/posts/54365283
-----------------------------------------
👉🏼https://www.patreon.com/budming
謝謝你的訂閱，讓我不必學習光合作用，可以繼續創/寫作、分享知識，走更遠的路。

我的IG
👉https://www.instagram.com/budmingbudming/

《做生意的四條客路》送1000張「燉湯券」啟示 - 花錢對外做多些宣傳，倒不如益現成客戶。

做生意你要搞清楚， 你係想做新客、舊客、 外區客、街坊客? 咁畫一畫，就有四格。

根據 Harvard Business Review 作者 Amy Gallo， 吸一個新客要比舊客洗多5至25倍嘅成本。 如果你能夠留住舊客Retention Rate 多5%， 平均利潤就可以增加25%至95%。 因此，留住舊客好重要。 我每季集資，舊客嘅錢都係最易集。

但舊客一點唔好嘅，就係佢哋好 price sensitive 價格敏感。 好容易同以前比較，加少少價，佢哋就往往阿吱支阿咗。 唯一最有效賺多啲嘅方法就要不停推出新產品， 咁就冇比較啦。 做點心都係一樣， 叉燒包要加兩蚊， 就不如花精力整個 更「特色叉燒包」，用料貴兩蚊，賣貴四蚊好過。

但點都好，你都要搞清楚你係做緊邊批客， 每批客都需要唔同嘅技倆去做多啲生意。

(1) 吸引外區的新客。你產品要最獨特、有名氣。價錢可以最貴。 咁遠啲人嚟到唔怕洗多啲 ，用傳統/網上/社交媒體結合宣傳推廣 (i.e. 報紙/雜誌/網站/FB/IG/微信等)。 國際知名大品牌都係呢啲，但肺炎無晒外區客，而家個個都叫苦連天。最大鑊!

(2) 做外區的舊客，回頭客。咁出品要真正最好，價錢令人可接受， 唔好勒到人一頸血。靠人客口碑， 一個傳一個。品牌歷史通常較悠久 ，善用 PR 公關， 塑造品牌故事。 要吸呢班客，急都急唔嚟! 太平館、澳洲牛奶公司、九記牛腩就係典型例子。 鬧人都鬧到有性格!

(3) 做街坊的新客。通常主打年輕人生意，較容易接受新事物。 老人家，去嚟去去都係同一地方。產品要定期更新，價錢不可太貴， 街坊消費力始終唔夠遊客區高。用地區性嘅傳統/社交媒體宣傳推廣 (i.e. 地區報/社團/FB/IG鎖定區域等)

(4) 做街坊的舊客，回頭客。產品要最穩定，價錢適中。堂食、外賣配合顧客需求
用傳統客戶 loyalty program 吸引回頭消費 (i.e. 消費券、買一送一等)。 花錢太多落 Mass Media 大眾媒體，反而係揼錢落鹹水海。 不如花錢照顧多啲已經入咗嚟幫襯過第一次嗰個客，記住，根據 Harvard Business Review Amy Gallo 話吸一個新客要比舊客洗多5至25倍嘅成本。 如果你能夠留住已經入來的舊客多5%， 利潤就可以增加25%至95%。

亦都因為咁，我哋就同租客度咗條橋，我哋撐佢，荃灣沙咀道120號鋿晶館，送出1000張《招牌燉湯餐飲券》， 每碗四十幾蚊， 用料十足，精心炮製， 我哋盛滙商舖基金做業主贊助，送1000碗。 送完即止， 新客/舊客/外區/街坊都好，有時間就嚟啦!

#鋿晶館 (點心/燉湯專門店) #送1000張燉湯券
網址: https://s.openrice.com/QrbS0dgCA00~uCaz-Ag
地址: 荃灣沙咀道130號地舖
電話: 23828292

Note: 早市午市下午茶消費後，可獲贈此燉湯消費券。

《林鄭派錢又點? 五大疫市變陣》如果全球口罩戴到下年今日，生意應該點做呢?

錄影時間: 2020年4月9日(星期四)晚上七時旺角

內容摘要:
(1) 遇上無良業主，就做無良租客。
(2) 社運是寒冬期， 肺炎是冰河時期，要適者生存。

新的五大變陣:
(1) 大舖變細舖，堂食變外賣
(2) 賤物鬥窮人
(3) 遊客變本土
(4) 乾貨變濕貨
(5) 線下變線上，親身變視像

最後， 做生意最重要是賺錢。 長貧難扶。不可以依賴政府。必要時「壯士斷臂」，留得青山在，哪怕冇柴燒?

聯絡李根興 Edwin whatsapp (+852) 90361143
。。。。。。。。。。。。。。

旺角核心舖招租(1萬元起) - 旺角通菜街1A-1L號威達商業大廈地下A號舖，建築面積約500呎，門闊約10呎。物業配套完善，附設來去水，三相電，洗手間，適合不同行業進駐。

現在舖位正在招租，首年每月租金HKD10,000 全包 或 租户每月生意營業額 10% - 20%(再商議)，以兩者較高者為準。長租，再傾。(這間舖本來叫租五萬元，已減租至首年三萬元，現再推分成計劃。)

有興趣嘅租戶，歡迎聯絡我哋，多謝。
李小姐 (Vivian Lee) 9311 9274 / 2830 1188
潘先生 (Joe Poon) 9250 6708 / 2830 1138
馬先生 (Mani Ma) 9669 1789/ 2830 1190
譚小姐 (Ashley Tam) 5464 7070/ 2830 1117

也可以直接聯絡我 (李根興 Edwin) whatsapp +852 90361143。
。。。。。。。。。。。

全文內容:
林鄭最新嗰千幾億救市方案， 你鍾唔鍾意都好， 都真係救到好多中小企。 但如果全球口罩戴到下年今日，大家舖頭做生意應該點呢? 大家聽完，唔好憎我。I'm sorry.

(1) 記住，林鄭嘅救市方案，主要係幫你出人工。租金呢? 如果你係遇正一個無良業主，明知道你生意大受影響，佢都唔願意減租嘅話， 我勸你即管都做一個「無良租客」。

我唔係律師，我亦都唔係想教你犯法， 不過我只係「聽朋友講」， 有啲租客會欠租，拖租，或者想交幾成租金就交幾成租金。7折，6折，5折 whatever。業主未必同意，但可能佢條都覺得「大家都係打份工啫」，收到小啲好過完全收唔到。佢告得你嚟，而家法庭肺炎疫情都唔開，請律師，準備文件，排期一大堆得嚟，搞到下年/後年，疫情都過去啦，法官都會可憐你啦。 通常最終都係庭外和解。 錢留咗喺自己身邊先啦。

如果你咁不幸遇到個無良業主，你就做個無良租客啦。Again ... 我聽朋友講咋，不代表我個人立場。 我個人立場係: 業主逆市撐租客，天公地道。

(2) 社運係寒冬期， 躲一躲出返嚟，肺炎係冰河時期，會「死」好多人。 冰河時期唔係強者生存，係適者生存。 越大嘅恐龍，越死。 越細嘅變色龍， 反而仲有一線生機。

大家要變，真係要變。 嚟緊新嘅五大趨勢係:
(1) 大舖變細舖，堂食變外賣。幾千呎舖，坐人嘅，搞活動嘅，會屍橫遍野。你要轉做幾百呎以內嘅舖頭仔， 重新思考你嘅經營模式。
(2) 賤物鬥窮人。 越高檔，越死。 要轉賣啲平嘢，cheap 嘢， 益街坊價。
(3) 遊客變本土。 自由行，一喼喼時代過去啦。 你諗下樓上樓下附近嘅居民， 藍領，白領，OL 會唔會幫襯你。 100個人行過，都冇一個入嚟或者望一眼嘅話，執咗佢啦。 你要做番多啲街坊生意。
(4) 乾貨變濕貨。 賣衫賣褲賣鞋襪賣鐘錶賣珠寶會好難做， 個個帶住口罩，着乜嘢靚衫都冇用。 賣新鮮食品，魚檔/菜檔/水果檔，反而世界冧咗都有需求。 日後最旺呢段嘅彌敦道，don't be surprise 會開咗間魚檔菜檔， 只要夠新鮮，貴無所謂。我今晚成家人聚會，我未必會買隻金勞，但我可能會買條老鼠斑返去孝敬下仲有幸健康嘅父母。
(5) 線下變線上，親身變視像。 如果口罩戴到下年今日，而你盤生意仲要靠人流做生意，我勸你早啲執咗佢。 你一定要配合網上銷售， 甚至乎做多啲 FB Live 去吸引觀眾 impulse buying (衝動性購買)， 例如即時買就有折，兩小時後就原價。 實體鋪只係要畀人客多啲信心能夠搵到你， 日頭靠實體店服務人客，夜晚做多啲網上銷售，雙劍合璧。 用盡你間舖嘅營業時間， 咁先至會把成本效益做到最好 。做生意就係辛苦啦，怕就唔好做喇。

最後， 做生意搞完一大輪嘢都係為咗賺錢。 拯救地球，打救宇宙，負起什麼社會責任都要量力而為。 我唔想同林鄭唱反調，但如果租金，人工真係頂唔順， 夠唔夠都好，長期倚賴政府都唔係辦法。你又唔可以好似以上咁「五大變法」， 等如你係隻恐龍咁， 我就勸你「壯士斷臂」，執咗佢啦! 留得青山在，哪怕冇柴燒呢? 有機會，再投胎做其他動物。

我自己2013年7月都經歷過大裁員， 公司霎時間由有三百幾人，去到淨番六個人。 「放手，放開所有，彼此更自由。 放手，其實我絕非愛得不夠。」 嗰陣時我仲成日唱住呢首歌，係個好困難嘅決定，但當你決定之後，你會發覺其實好多員工都會明白，諒解。當然趁你仲有能力 ，糧要比足， 補償有多無少，唔好欠人。

臨走時，佢可能都會同你講聲「加油呀! 老闆，我係你都會咁啦。」 我自己之後都沉咗三年， 經歷人生低點後，2016年中企返起身，再係一條好漢。

「模糊地正確，好過準確地錯誤」， 肺炎疫情繼續嘅話，你自己嗰行，前景係點呢? 每個人能力，家底，理想都唔同， 林鄭今次真係暫時救番好多中小企， 但「長貧難扶」，記住大家要變。加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

《做生意，點計數?》

又出盡18年功力，同你分析各行各業做生意，點計數?

錄影日期2020年4月7日(星期二)

摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
- 外賣店是 4，2，3，1
- 大型食肆是 4，3.5，1.5，1
- 肉/餐種多 4.5，2.5，2，1
- 菜/餐種少 2.5，2.5，3.5，1.5
- 主攻飲品是 2.5，2.5，3.5，1.5

(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
- 自家品牌/自己生產是 1，2，5，1-2
- 來貨轉售是 6，3，1，~0
- 便利店是 6.4，2，1，0.6
- 大小超市是 8，1，1，~0

(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
- 自助洗衣店是 2，0，6，2
- 地產代理(美聯)是 3(回贈/廣告/經營成本)，5，1.5，0.5
- 夾公仔(台主制)是 1，2，5，2
- 夾公仔(自營店)是 3，3，3，1

總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。

現在肺炎疫情會影響所有數字 ，但困難時間總會過去，大家加油!

聯絡李根興 Edwin whatsapp (+852) 90361143。租舖買舖最歡迎?

。。。。。。。。。。。。

內容全文:

依家全世界都叫減租，但其實租金佔生意額應係幾多呢?

2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。

香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?

第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。

做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。

但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。

外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。

大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。

賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。

賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。

專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。

一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。

(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。

零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。

最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。

但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。

例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。

(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。

一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。

但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。

Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。

夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。

但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。

總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。

當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。

困難嘅日子總會過，大家撐住，加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw