［今日寫啲乜］嫌睇字煩嘅，應該6月我會推埋聲音同影片版。不過係我朋友錄。
今日呢篇都勁。首先講加密貨幣崩盤，但根本冇咩拖冧股市，更唔會拖冧金融系統。我在明報都有講。冇錯多咗機構參興，但金融機構好醒嘅，好似「門徒」咁，賣白粉之嘛，唔通自己食埋一份咩。你睇JP Morgan咪知，啲客想賭咪畀佢地賭。
另外，凡事樂觀，Always bullish，在啲末日論者心中呢，乜都係爆煲。人民幣升就影響出口，人民幣跌就走資，一樣爆煲。油價升就石油危機加大成本公司唔掂，油價跌就頁岩氣公司爆煲拖冧銀行。通脹又話影響盈利，通縮又話冇人肯買嘢。人口升又話唔夠資源冇飯食要打仗，人口跌又話冇動力死路一條。但，任你鳩up一大輪都好—股市都係升多過跌嘅，你可以諗下點解。
另外，亦有講Lionsgate．立即有反應。Amazon亦都應該好快落實買MGM（占士邦，同賭場酒店嗰間冇關），之前就Warner Media合併Discovery，根本就行業整合，對抗NetFlix同迪士尼。咁除咗Lionsgate外仲有乜好買？篇文話你知。
大師冇點你嘅，上個月已經叫買LVMH（同愛馬士），我自己都買埋。咁冇嘅，一個月7-10%咁咯，「你啲網友梗睇唔上眼」。同場加映，我其實2012年已經買過LVMH，如果冇賣就升5倍，而當時都係唔多情願下被迫賣嘅。文入面有講點解。
好股係要渣的。咁你話，事前點知？如果隻嘢爆煲嘅，我早沽咪賣咗。首先不能絶對分到，但大約有個譜，照計你揀中爆煲股嘅機會，點都低過揀中啲正常公司。另外，隻LVMH升5倍喎—夠我Afford另外買中幾隻total loss了
Nvidia嘛，上次呢個FB 出Post又好多Tech能鬧，「做乜要聽過唔識晶片嘅講」。但挑，李嘉誠自己去落石屎扎鐵呀？Elon Musk做首富（一度），啲車房仔砌機仔發晒達未？上星期寫咗Nvidia拆股擺明想入道指，股價即時有反應。星期三出業績，到時再睇。又，隻嘢其實3月見過450蚊，而家650咁滯—唔係舊年3月喎！係今年3月！兩嘢又叫救命震走嘅，邊得嚟買到好股坐到尾？
篇幅所限，其他不講太多。
每日一圖嘅，Cathie Wood隻嘢冇錯高位跌咗唔少，但唔多資金流出的。況且，你少擔心啦，我粗略估計，佢一個月都執4000萬美金管理費，扣埋咩分析員啲人工呀租金呀都好，都係一個月收嘅錢已經成世唔使做。
另外，英國股抵買，以前文都寫過，嚟緊勞蘇基金都應該會買。
至於乳癌嘛，就真係要講。你估到了，Daniel Kahneman。之前呢度寫過，醫生生日嗰日去開刀，病人特別易死。你可以估下點解。今次呢篇，就畀你見到，醫生臨食飯或臨放工前，就傾向唔會叫啲病人驗乳癌的。下次記得排頭位，或者問下醫生死咗飯未。個個都話自己專業判斷唔受呢啲嘢影響，但數字唔呃人
Good Read嘛，反而係大路嘢。一篇針對資本主義嘅六個迷思，兼反駁。另一篇講Bitcoin大屠殺好快嚟到。啲觀點唔算好新鮮，但還算寫得不錯，所以推介畀讀者。
最後一篇過癮啲，純學術討論，真係見到high咗LSD啲，創作力應該高啲。都不難理解，正常人諗嘢有個譜，有邏輯，會應用以前經驗。但LSD就幫你打亂晒，會令你啲嘢亂咁link，可能撞到啲新火花。不過值唔值得咁做，對身體有乜影響，就另一個問題。
都係嗰句，齋睇我呢度講邊過癮？去訂閱吧。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
明 邦 jp 在 明邦化学工業株式会社 - Facebook 的推薦與評價
明邦 化学工業の公式アカウントです。 ... 明邦 #明邦化学 #バーサス #バケットマウス #タックルボックス #MEIHO #VERSUS ... https://meihokagaku.co.jp/?p=10418 ... <看更多>