「沉寂在雨暮有多灰暗…晝夜雨點散落遍地。」
塵世裡有一種愛…係當你愈投入就會變得愈沉溺；
即使筋竭力疲抑或歇斯底里，每日握幾多舊壽司、
劏幾多條魚，或多或少都有d感情。所以我地
更加唔好辜負師傅既愛心，一於今晚就係
「壽 司 櫻」跟隨廚師發辦節奏，好好善待
師傅用心製作既料理，咁就絕對對得住每一
條魚，每一款食材同埋師傅既心意。👇
-
📌おまかせ · 銀 - $1280/位
♦️先 付 3 種 盛 -
▪ 京都シルク豆腐、グレービーあわび、
フルーツトマト -
▫ 頭盤一開始就以三種唔同口感既食材，由味道
淡到濃開始食起。第一個「京都·絹豆腐」面頭
淋上和風胡麻醬，加少少蟹肉，食落口感幼嫩，
淡淡既蟹肉香非常清新；中間既「汁煮·鮑魚」
口感爽彈，面頭放左紫蘇花、三文魚籽，
賣相吸引；最後「水果·蕃茄」加左酸汁，
入口酸酸甜甜，認真開胃。
-
♦️刺 身 5 種 盛 -
▪ 薄 り た い -
▪ ツ ブ 貝 -
▪ し ま あ じ -
▫ keep住呢個節奏，輪到「刺身五品」出埸，
第一款「薄切真鯛」面頭四季紅，係一種辣味既
香草，再淋上酸汁，入口彈牙得黎，仲有淡淡
濃香，好特別；而「粒貝」面頭帶少少竹炭鹽，
將鮮味更加突出，口感仲煙煙韌韌，好食；
「深海池魚」則用左紫菜醬調味，食落肥美
鮮甜，每一啖都充滿油香。
-
▪ ぶ り -
▪ くすぶるかつお -
▫ 仲有兩款刺身陸續送上，「鰤魚」肉質軟腍，
面頭灑上柚子胡椒，份外甘香；最後「煙燻
鰹魚」其實即係吞拿魚近親，師傅用煙燻技巧
將成個腥味僻走，食落魚味比其他刺身更加濃厚，
-
♦️和 食 料 理 2 款 -
▪ 日本の沖縄テビチ -
▪ ウニマヨネーズ焼イセエビ -
▫ 輪到和食方面，第一擊「日本沖繩·豬手」
每一舊都切得好均勻，豬皮炆得夠哂軟腍，
每一啖都食到極豐富膠質，加埋鹹鹹甜甜既
醬汁完全滲透落豬手裡面，非常入味；
而「海膽蛋黃醬·燒大蝦」就咁睇賣相都
覺得好邪惡，海膽蛋黃醬惹味得黎唔會蓋過
大蝦既鮮甜，加上蝦肉爽彈多汁，面頭擺左
食用花同埋食用金箔，成個氣派即刻出哂黎！
-
♦️寿 し 5 貫 -
▪ 壽 司 五 件 -
▫ 最後壽司環節，同樣由淡到濃食起，先由
「左口魚」開始，肉質紮實飽滿，鮮甜得黎
有彈性，面頭放上蔥花，唔錯；「金目鯛」
面頭食到粒粒烏魚籽，入口軟滑，油香適中；
「火炙銀鱈魚」經火槍燒過後，有種入口
即化既感覺，加埋三昇漬一齊食，層次更
豐富；「中拖羅」油脂分布均勻，魚香瞬間
係口腔內爆發，好好食；最後先食「北海道
馬糞海膽」濃郁甘甜，要大讚一下師傅手握
技術，成個壽司飯都做得好結實，無得頂！
-
♦️吸 い 物 -
▪ マイタケスープ -
▪ 魚のミルクスープ -
▫ 分別有兩款汁物出埸，前者「舞茸菇·清湯」
湯色清香透徹，湯頭配上切得好精細既舞茸菇，
飲落非常清新健康；後者「魚 奶 湯」明顯既
奶白色，除左飲到濃厚既魚香外，仲加入左
魚片同埋豆腐，清甜到位，正！
-
♦️果 物 -
▪ 静岡ハニーデュー -
▫ 佢地既果物「靜岡·蜜瓜」香甜多汁，解膩一流。
-
📎 寿 司 桜 · Sushi Sakura
📍銅 鑼 灣 登 龍 街28號 永 光 中 心16樓
暮 香 貝 果 在 暮香炭烤土司［大業店］ - Facebook 的推薦與評價
... <看更多>
相關內容