初做headhunt入行唔知玩法，阿客話要搵個position，我千辛萬苦搵到個最好嘅candidate畀佢，對方收到CV之後話：「得一個？你畀多兩個我先啦，等埋一齊見。」
最好嘅畀咗你喇喎！結果我花多幾日再搵多兩份CV，佢又話：「都係第一個最好，你幫我約佢上嚟見工吖。」
🤷🏻♂️See！你咪又係揀第一個！好多客都係咁，佢算好彩喇，最後真係請到，有啲客揀嚟揀去，最初最好嘅candidate自己都揀咗第二份，蘇州過後無艇搭。
不過人始終都想有得揀，如果情況許可，作為candidate都應該見多幾份工先決定，in多幾間公司可以令你擴闊眼界，有時你已經一心投奔A公司，但有機會都想去B公司同埋C公司見下先扑鎚，有呢種諗法係好正常。買嘢都一樣㗎，我有friend想買曼聯波衫，上官網買就快靚正，佢係要去波衫舖睇下人哋啲祖記、車仔、皇馬，最後咪又係拎起件曼聯去畀錢。每個人都有心頭好，同時又想多啲選擇，有得揀心情係暢快啲嘅。
唔講見工吖，講食嘢，我去親譚仔都會揀三餸，「鐵腳」就例牌係炸醬同埋魚片頭㗎喇，另外一款有時係魚腐，有時係墨丸，有時係牛肉，總之一定要三餸先爽皮啦！只係「鐵腳」以外呢個餸次次都揀好耐，我諗我真係有選擇困難症，而湯底同辣度就睇心情啦！小食就叫到放題咁款🙈土匪雞翼、麻辣豬耳、皮蛋、蒜泥白肉，人是貪心的，咁係難取捨吖嘛😂
最近譚仔雲南米線出咗新小食川風香辣黑柏葉，佢個香辣汁係先麻後辣，口感就因為黑柏葉冇經過漂染而爽口彈牙，惹味開胃好難唔上癮喎大佬！同場仲要加推米線配料黑柏葉，喂呀！又多個餸可以揀，我會揀好耐㗎！呢個黑柏葉以前得青山道一間分店有，而家全線都供應喇，就連飲品都有新嘅茉莉花清茶配糖圓子同埋柚子利賓納，前者配上煙韌嘅糖圓子，清甜解渴；後者就將濃郁嘅黑加侖子味利賓納加入滋潤柚子蜜裡面，勁夾米線。
其實搵工又好，買嘢又好，食嘢都好，有多啲新嘢揀永遠係好事，何況呢啲選擇其實係幸福的煩惱❤️但必須要提提你，川風香辣黑柏葉係每日限量供應，早order早享受，咪學啲客咁揀揀下個candidate走咗，蘇州過後無艇搭呀！至於candidate，我就祝每個打工仔都有好多offer揀，好似譚仔啲選擇咁多！
#川風香辣黑柏葉 #米線配料黑柏葉 #全線限量供應 #茉莉花清茶配糖圓子 #柚子利賓納 #我一定叫到放題咁 #幸福的煩惱 #譚仔 #譚仔雲南米線 #始於1996年 #啖啖譚仔味 #63萬分之一 #63萬份滋味
