-Commitment-
師父Gary於IG放閃，一條鎖匙、一束鮮花，盡在不言中。作為咁多年陪伴着佢成長嘅徒弟我大惑不解，講真佢女朋友多如天上繁星，每次佢帶女朋友出嚟同我見面我都要盡力記住佢哋的名字，因為嗌錯名真係好大鑊。而且Gary亦都唔係一個鍾意放閃嘅人，佢從來都唔放閃，所以我有理由相信佢部電話俾人騎劫。上個星期四約咗Gary去莊館飲茶，問一問佢最近發生什麼狀況。
「師父你搞咩？無啦啦放閃唔驚其他女見到啊？係咪你部電話俾人Hack咗？」我問。
「傻啦，我今次認真。I’m Committed. 雖然同你未來阿嫂拍咗幾個月唔夠，但係我哋雙方都認定對方係自己想要嘅人，你知我自己住不嬲自由自在，但係佢令到我一種感覺係......好想將自己屋企鎖匙俾佢，等佢融入我嘅生活，基本上我已經唔想其他女仔去我屋企，想日日放工返屋企就見到佢。有時感覺到咗就真係到咗，愛情真係唔使特登去搵。」Gary說。
認識師父咁多年，第一次聽到佢講一番咁深情嘅說話，心裏面又羨慕又覺得好笑，情場鬼見愁，食盡3C (Candidate, Client, Colleague)嘅師父竟然沉船，邱比特支箭真係利害！不過，其實我都絕對認同佢所講嘅說話：愛情真係唔使特登去搵。由細到大一直覺得好難搵到那一個「THE ONE」，即係茫茫人海入邊搵到一個同你三觀或者性格、嗜好興趣一樣，甚至乎生活都可以夾到嘅人其實真係好難，唔可以好似獵頭，有部署咁樣去獵亦都唔相信用科學嘅方法可以搵到，就算要朋友介紹都好難搵到一個十全十美，仲要每個Criteria都符合對方要求嘅人。所以話緣份真係好奇妙，話嚟就嚟。愛情唔係你昨日用冷面貼熱屁股，今日被囚禁係自己嘅監獄入面，明日迷失自己去經營，愛情係一件好美妙嘅事，你會搵到一個對方見到你笑而自己都會好開心嘅人，起碼你可以做返自己，你唔係為咗得到其他人嘅認同或者祝福先可以勉強抓住愛情的尾巴。你連自己都唔愛、連自己都搵唔番自己，點樣期望人哋可以好好珍惜你？
月光有人撈起有人瞧不起。
「講開Commitment，聽講你因為呢排咁熱血，甩咗100本書的訂單同埋差唔多$400,000生意喎。個陳總咁仆街嘅，一啲都唔Committed。呢啲西客真係執到都要喊三聲。其實我覺得誠信同埋Commitment真係好重要，無論係愛情事業定係做人方面。」Gary説。
返到屋企之後，我開咗支紅酒坐係天台若有所思地想，“Commitment”呢個字其實人人都識讀但係真係唔係人人都識點樣串，當然有啲客甚至乎連呢個字係咩意思都唔知道：出一個Offer用咗27日，叫我幫佢哋Keep個求職者warm，但係中間幾乎電話同埋電郵都唔回覆，到最後求職者真係等唔到接受了另外一個Offer，客戶就會「突然出現」打電話俾個求職者鬧咗佢半個鐘頭；獵頭營營役役幫客戶找到佢哋想要嘅人選，客戶由一開始唔簽T&C（即是獵頭公司和客戶所簽訂的條款）到最後做到Placement，求職者已經簽咗約，客戶會同獵頭公司講佢哋收得太貴，一係調整價錢，需要調減到15%，一係就取消同求職者嘅合約，當成件事冇發生過。但係求職者已經辭咗工，基本上呢個選擇係唔成立，所以迫於無奈獵頭公司都要同客戶簽訂不平等條約，到返咗工之後幾個月，客戶仍然唔肯找數，一路拖一路拖一路拖，到最後影響埋獵頭嘅Commission；除咗客戶之外，求職者有時都可以好過分，同時間見緊幾份工，騎牛搵馬嘅心態，返咗工三個月之內都當自己係Immediate Available，對每一個幫佢搵工嘅獵頭同對客戶都係一個唔Committed嘅心態。
我認為我自己係一個理想主義者，連一向唔想Settle Down做一隻冇腳嘅雀仔的師父都慢慢係愛情上面撰寫佢嘅大結局。我仍然深信大部份香港人都係知道點樣寫Commitment呢個字，識寫就自然知道依個字背後嘅意思，就會身體力行咁樣去做。其實凡事將心比己，互相尊重好多事都會更美好。
Are you committed to yourself?
月光 有人 撈 起 有人 瞧不起 意思 在 容祖兒Joey Yung《心之科學》[Official MV] - YouTube 的推薦與評價
... 越見卑微他的五官也並不完美提前到末期絕非因你下錯棋曾多麽愛亦會膩～ 誰的心似隨意肌情人不愛你還不愛你憑什麼否定你 月光有人撈起有人瞧不起 ～ ... ... <看更多>