最近，諗翻起舊時讀中學嘅年代，當時阿靴都有留意意甲，仲要係AC米蘭嘅球迷。放學同同學打Winning嘅時候，用A米係必定嘅事。當年鍾意嘅原因好簡單，因為全隊波每個位置都好強。
.
自己最鍾意嘅絕對係A米嘅鑽石中場，雷哥斯達，施多夫，派路，卡卡，諗起都覺得痴線；前鋒又有烏克蘭核彈舒夫真高，以及把握力非常高嘅恩沙基。後防非常穩健，又有尼斯達，馬甸尼，卡富，迪達等球員。去到後期少少，A米更加有基拿甸奴，朗拿甸奴，朗拿度，史譚同埋碧咸等巨星加盟。啫係咁，當年打Winning真係好難唔用AC米蘭。
.
記得後期讀大學時，於學會房間裡面打Winning，總會有個同學同阿靴講：你太依賴伊巴了。而家諗起仲係有聲嘅。事實上，伊巴又高大，又身位好，又跑得快，又射波大力同準，加上一抽中紅箭，又好難唔依賴佢。再者，當年打Winning嘅阿靴踢法出名體力化，啫係專揀啲高大同身位勁嘅球員响大禁區直接扭入去射，雖然真實自己唔會咁踢，不過打機就係要咁，做啲平時做唔到嘅事先開心。
.
回憶還回憶，無諗過上季伊巴重回AC米蘭，亦可能因為咁，以前嘅回憶又翻翻嚟，不過唔同嘅係，現時球隊需要時間重建，A米亦無舊時咁星光熠熠。但係開心嘅係，阿靴見今季A米開季戰績幾唔錯，亦啱啱晌米蘭打吡上，39歲嘅伊巴入兩球，帶領球隊以2:1贏波。
.
年齡從來唔係限制，喱點係伊巴再次以能力話俾大家嘅事情，喱個態度，亦係阿靴一直所相信的。
.
同時也期待，AC米蘭能夠一步一步，重拾昔日嘅皇朝。
.
朗拿甸奴朗拿度 在 到底朗拿度大哨有多強？為什麼會叫外星人？ - YouTube 的推薦與評價
【足壇人物傳】 朗拿度 （下）｜百折不撓、浴火重生、金盃加冕｜森巴球王｜大哨 · 名將傳ep.10 快樂足球的使者— 朗拿甸奴 # 朗拿甸奴 #巴塞隆拿#巴西#AC米蘭 · 「 ... ... <看更多>