【《#今際之國的有栖》VS《#SweetHome》，點睇？】
老老實實，兩套劇太同期，又先後登上Netflix第一位、疑似係爽劇、男主角係廢柴但最終成為英雄、末日成個城市冇曬人、最恐怖嘅陰暗面係人而唔係外力，同樣都係由漫畫改篇，你好難唔將兩套劇比較，亦相信呢度好多朋友，都係兩套一齊睇。
嘩屌，睇完《Sweet Home》真係嬲咗，堅嬲果隻；拍套咁嘅題材視覺特技完全support唔到，吹到又荷里活班底又乜又物，效果完全唔掂。當《今際之國》呃到你以為真係封咗涉谷拍時，呢套好似未完成CG咁（其實係咪真係未完成），想點？
特技唔掂以為劇情可以搭救，點知成班角色關係鬆散到唔鬆散，更有大量煩膠恥笑位，喂大佬你真係覺得搵班人困埋喺同一個地方搞嚟搞去就撐十集，仲要係拍拍吓大暴走嘅？原著漫畫唔知係咪都咁？
如果睇到《Sweet Home》最後一集最後五分鐘，果個市中心鏡頭，講佢哋入咗今際之國／彌留之國，我諗成件事仲完美，但點知變咗《未來戰士》？不劇透，唔係你諗果種，但你睇完會明。
Sorry我知對部份讀者嚟講，韓劇同日本片一樣，係神聖不可怒插，呢套我睇完堅嬲，仲要剛剛睇完《今際之國》，兩套對比之下，相形見絀。
《今際之國的有栖》及《Sweet Home》觀後感可看留言連結。
想睇我獨家怒插短評（都費事呢度俾韓迷圍我），請睇Patreon詳細對比後感：https://www.patreon.com/posts/45430756
‼️第7屆晞。觀影記事讀者電影投選現已接受提名，請躍躍參加啦：http://bit.ly/38HwhoQ
