聽完陶傑鮑偉聰光明頂有啲感覺
鮑偉聰唔算好貼民情，喺佢眼中佢覺得件事都係有班人眼紅捉鬼大師搵到錢。根本從來都唔係呢樣野，佢唔合格，因為佢連輿論嘅重點都捉唔到
才子陶傑好好多，雖然佢蘋果日報今日篇專欄都捉錯重點，但係後來佢觀察網上輿論之後從善如流，Facebook講返一啲中間小小嘅講法，對批評表示理解，喺光明頂節目都係各打五十大板
鮑偉聰同陶傑都係上一代嘅資深傳媒人，有一定嘅資產實力，係屬於小資產階級。捉鬼大師算係佢哋嘅同行，亦都係朋友，見到階級兄弟俾人攻擊，心入面一定會有啲惴惴不安 - 今次捉鬼大師，下一次會唔會搞到我？
其他人我唔敢講，但係至少我嘅粉絲唔會，這兒我都要抽少少罅隙讚下我嘅支持者、粉絲同讀者，佢哋比較有教養，明事理。我亦可以舉多一個例子，杜汶澤幾個月之前都賣咗樓，亦過千萬，結果只有啲藍絲搞佢，冇其他人攻擊過佢。
重點從來都唔係買樓賺錢呢一樣野，而係你本身個人有啲咩問題。
杜汶澤上年搜羅口罩比醫護，係大是大非嘅時候會出聲，冇捉過一隻鬼，台灣高鐵意外第一個跳出來捐錢。
捉鬼大師呢？佢叫人喺水炮車面前坐低，人哋俾$10佢都嫌少，閙返個捐款者侮辱佢。佢叫人參加初選，支持35 +，結果冚家剷一鑊熟，閙當初叫人唔好參加初選嘅就係鬼。佢推晒成個陣營去死，包括幫佢做主持嘅，都犧牲埋。佢又叫泛民接受委任，你帶領運動行錯方向10年都算，大佬呀，你唔好捉鬼啊。至於你做過政府，本身就係建制系統出身，同新鴻基合作做讀書好，曾經規模大到文匯大公都定時報道，又或者有國安朋友......呢啲從來我都唔會強調，我淨係講你捉鬼同埋搞鳩我咋嘛
自從國際線啦啦隊推拜登上台之後，我嘅讀者就好留意我社交媒體嘅轉變，我大幅度減少所有時事嘅評論，回歸返我嘅專業，都係講返啲金融財經嘢，甚至乎我將成個社交媒體變到非常之商業化。
搵完錢有閒力咪買下贖罪券，間中都會幫下人，啱啱完成咗最新一期嘅自由人獎學金派咗10萬蚊俾中大啲師弟妹。
隔離有個屎忽鬼編輯話想做粵語文學期刊，當時我同佢素未謀面，佢哋話搞咗本野，搵我幫手。本來我理性上好想屌鳩佢哋，喺香港做紙邊撚度會有得做，但係感性上我都係默默地貨金，一蚊稿費唔收佢就基本，係咁幫佢賣廣告仲要每期都包銷佢過百本。最近本野唔掂啊，大家快啲多多支持，我已經主動同對面嗰班靚仔講話加我價。
我已經唔再參與呢啲時事政治好Q耐，我就咁講下，結果被捉鬼麥卡錫主義病毒感染嘅信徒就係咁攻擊我，又話我和其他KOL係鬼，又話我地係分化。好似KOL本小姐咁，我本身都唔識佢，我真係覺得同佢同病相憐，無啦啦比捉鬼大師嗰班痴線粉絲批鬥。佢地仲話而家捉鬼大師俾人鬧證明香港發動緊土改，我心諗，你唔識嘢就返去讀書啦。你賣咗層樓4000幾萬頂多咪小資產階級，土改係鬥地主，你邊忽係地主啊？
至於佢捉過嘅鬼，多到唔想再講......我都算小事，仲有杜汶澤、游蕙禎、梁頌恆、梁天琦、黃台仰，唔單止嗰啲所謂親本土非左膠嘅人，連胡國興法官、坐緊監嘅朱凱迪都俾人話過係鬼，最近呢種捉鬼系統連被控暴動罪坐幾年嘅抗爭犧牲者椰子邱文勁，都比佢地話係鬼。
捉鬼風氣好似麥卡錫主義，係因為佢有廣泛滲透力。如果你係一個普通嘅捉鬼天師，你自己閂埋房門打飛機胡說八道，冇人理你。但係最恐怖，係你感染到你身邊嘅拍檔都陪埋你一齊捉鬼，連帶你嘅聽眾支持者都好似食咗精神鴉片咁，封閉思考，跟大隊一齊捉鬼。結果你發現由2016年班後生仔比佢哋捉鬼之後到今日五年後，個世界都冇改變過。我就咁講兩句，第一時間佢都唔係搵返成件事嘅前因後果，而係好似唸咒語咁，左一句你係鬼，右一句不分化不割蓆。what the fuck
根本都唔使諗到太複雜。五年前班後生仔做乜都俾你話係鬼，去到今時今日，世界冇改變過，我哋做乜，依然都俾你話係鬼。
但係，我哋改變左。既然做乜都俾你話係鬼，咁不如我地就屌撚咗你先，起碼我自己出咗啖氣，唔會好似五年前咁樣傻豬豬挨打，俾你老屈。比人砌生豬肉，你估我好好受？
朱凱迪坐監 在 朱凱迪放棄掙扎等坐監/12瞞逃終於有人認罪！/林卓廷想廿年後 ... 的推薦與評價
朱凱迪 放棄掙扎等坐監/12瞞逃終於有人認罪！/林卓廷想廿年後放監睇兒子大學畢業！/文杰新時代/2021年6月23日片3文杰新時代會員 ... ... <看更多>