https://www.patreon.com/posts/50328825
李亨利可以話係大陸官媒最近嘅風頭躉，因為佢不但係第一個因為涉及勾結外國勢力資助反送中抗爭而被判囚嘅商人，同時亦被作為414香港國家安全日作祭品之用，中共、港共媒體全部大肆吹噓究竟李亨利有幾巴閉，可以持續資助反華活動、同香港多位抗爭領袖結識之餘，又能夠參與美國制裁中國計劃，從中提出意見云云……
雖然涉事人周永康同羅冠聰已矢口否認認識李亨利，又堅持從來無收過後者資助，但公道啲講，我係周羅二人，就算有收都死口唔認有收啦，因為呢個已無關誠信問題，而係如果親口承認的話，李亨利隨時被判多幾十碌，咁人累人累物其實無乜意思。
之但係從過往中共捉貪腐商人嘅慣例黎講，好少會提升到勾結外國勢力資助暴亂、制裁中國層次，我相信李亨利的確係有反共心理從事過某啲活動，但實際上可能只係透過中間人捐錢支持抗爭或國際線游說活動，然後被「楊某某」出賣先奶哂嘢，唔係唔會勾結外國勢力都只坐11碌咁少。
但作為香港國家安全日祭品，共慘黨嫌李亨利仲係唔夠嚮朵，所以先將佢嘅罪行有咁大吹咁大，乜鬼抗爭領袖、外國政要、制裁中國都屈哂響佢身上，務求令呢場祭旗騷搞到有聲有色。
不過我今日想講嘅主題並唔係李亨利本人，而係想順帶講講一單毓民食咗足足五年嘅死貓。話說2016年立法會選舉前夕，蕭若元突然響謎米爆出黃毓民收取政協富商黃坤50萬捐款，然後反毓民媒體花膠台立刻全面開火抹黑，當中陶君行更以「目擊證人」身份，證實黃毓民確實有收黃坤50萬捐款。
結果當時一堆不知就裡嘅蠢撚黃屍，就真係隨意比陶君行及座下一堆垃圾擺弄（包括當時潛伏響花生台做鬼嘅藍屍共諜何志光），無腦跟風向紛紛指責毓民收共產黨錢，間接成為日後於立法會選舉大熱倒灶嘅原因之一。而當時老撚陶一口咬定黃坤係共慘黨派黎嘅鬼主要係兩點：
1. 黃坤有政協身份；
2. 佢響西貢交收現金時，親口同老撚陶講梁振英點樣一表人材，係典型梁振英
然而呢條賤9格嘅廢陶，無提嘅3點卻係：
一、黃坤當時講到明，50萬捐款係單純資助五區公投，而唔係叫毓民收錢投共；事後亦有人指其實捐款並唔止呢次，事後仲有50萬捐咗比公民黨
二、黃坤盛讚梁振英果陣鴿2010年，根據特首選舉都未開始，亦好多人唔知梁振英咁衰格：好撚簡單，而家被視為反共藝人嘅黃秋生，當日咪係梁粉囉；仲有呀，陳景輝、林輝果班左膠，當日就係誤信梁振英係一個會幫基層嘅Lesser Evil，所以先會全力走去搞9唐英年嘅約道7號，呢啲全部都係特首選舉前夕發生嘅時，你陶君行唔撚走去屌雙輝，反過來屌尻2010年嘅黃坤係梁粉！？
三、但要講到陶君行同班花膠共諜最撚仆街嘅卻係，當佢地抹黑黃毓民成功，以為香港民主一天都光哂之後，卻無再向群眾交待，究竟佢地口中果位「投共商人」黃坤，響捐咗錢比毓民之後結果係點──結果佢「落難」台灣後，今時今日已成為綠營支持者。
同1982年曾鼓吹女性賣淫嘅李亨利一樣，黃坤唔係乜嘢正派商人，唔係唔會當時同劉夢熊一樣被告詐騙，結果要搞到棄保潛逃。問題卻係如果佢係共慘黨派黎嘅特使，又駛乜驚比律政司告？君不見董建華、梁振英之流，原來應該要破產、坐監，如今卻被共慘黨捧到發達？
一個受共產黨命令收黃毓民嘅特使，會搞到今時今日流亡台灣支持民進黨？
其實響2016年黃坤之後，中國陸續出現唔同嘅愛國反共商人，當中包括2017年冒起嘅郭文貴、2020年發表新中國聯邦宣言嘅郝海東，再加埋今次被祭旗嘅李亨利，全部都係以前響中國身背要職、或者同中共高層有千絲萬縷關係，今時今日大家都已接受佢地因為不同原因倒轉槍頭反共；
但黃毓民當年卻唔單止因為呢啲抹黑新聞無咗個立法會議席，仲含冤莫白食足五年死貓；至於抹黑者共諜何志光完成任務棄暗投並共；陶君行等垃圾卻逍遙法外，繼續夥同劉細良、徐少驊等捉鬼天屍，老屈梁天琦、青年新政、孫曉嵐、杜汶澤夫婦，以及所有睇唔順眼、意見唔同嘅人係鬼，而班蠢撚黃屍亦好似抹黑事件完全無發生過一樣，繼續課金比佢地作惡。
這就是香港。
延伸閱讀：「香港花生」喪盡香港傳媒道德與良知
https://www.vjmedia.com.hk/articles/2016/06/15/136120/%e3%80%8c%e9%a6%99%e6%b8%af%e8%8a%b1%e7%94%9f%e3%80%8d%e5%96%aa%e7%9b%a1%e9%a6%99%e6%b8%af%e5%82%b3%e5%aa%92%e9%81%93%e5%be%b7%e8%88%87%e8%89%af%e7%9f%a5
李亨利 在 央視起底“雙面人”李亨利:“反中亂港”的背後金主 - YouTube 的推薦與評價
央視近日曝光了“雙面人”李亨利，他資助境外反華分子，多次將黃之鋒、周永康、羅冠聰、張崑陽等人引薦到境外，並與西方反華政客勾結。2009年，李亨利在 ... ... <看更多>