關於 李嘉誠基金會派錢 ，我們在網路上蒐集到這些相關的討論、資訊與評價

華富財經/Yahoo財經

和電特別息2.0

//

打疫苗有獎抽，當然唔少得誠哥，長和(0001)、長實(1113)及李嘉誠基金會將聯合捐出500萬元長江集團禮劵，可以用來買樓、去超市、買酒、住酒店及買電器等等，只要係長江集團旗下就用得到。誠哥在這邊廂派五百萬，在另一邊都可能會派錢，講緊嘅係和電(0215)的特別息。

和電在2017年出售固網業務，至2019年終於宣派每股0.8元的特別息，但手上的現金仍亦極之充裕，所以其後每次業績都會炒一轉特別息憧憬。今年2月和電在公佈去年度業績時，講明在2021年中期業績，在支付5G資本開支後，會對盈餘現金作決定，將考慮派發特別息，而中期業績將會在7月27日公佈。

2017年賣完業務後，市場已憧憬會派發特別息，點知在2018年公佈全年業績時，給市場一個驚嚇，話暫時唔派，但就講明下年全年業績時會再考慮，結果管理層都無呃人，在2019年宣派特別息，派完之後公司仍有逾五十億元現金，大家都係等緊佢幾時再派，既然2月時講明中期業績會作考慮，以往績計，講明會考慮的，結果都會派的。


和電現時手持52億元現金，長債約5.6億，而去年的資本開支是5.9億，在2019及2020年度，經營業務所產生的現金流，基本已足夠支付牌照、物業及設備等開支，所以2020年度的派息比率達100%，賺幾多就派幾多，可見手頭鬆動，保守計算，預留兩年的資本開支及還清長債，手頭仍有逾30億盈餘現金，假設只係派25億啦，每股就是0.52元的特別息，即是市值的三分之一，長和及李嘉誠基金會現時合共持有73%和電，即35億股，派五毫息就會袋近廿億了。現時距中期業績還有十天，市場還未拎出嚟炒，值博率就相對高，假如績前真係炒上而升幅較大，食半留半等業績是上策，相反如股價反應平靜，就不妨揸實等派彩喇。

//

大茶飯│和電特別息2.0（青冰） - Yahoo新聞

https://yns.page.link/Qax84

華富財經

李生，你係好嘢！

//

長實(1113)昨天宣佈，向李嘉誠基金會收購基建資產，作價170億，會發3.33億股新股支付，每股為51元，該基建資產將保證向長實在今明兩個年度，每年派不少於9.1億元的股息；公司同時亦宣佈，以每股51元向其他股東作回購要約，最多回購3.33億股，如要約完成時，回購股份未達3.33億股，餘數會在市場上作回購，而價格不會超過51元。在交易及回購完成後，李嘉誠基金會及一致行動人士持股，將由35.99%升至45.02%，以上兩個行動都要在特別股東會表決。明眼人一睇，就知這些行動背後只有一個重點，就是增持股權，所以青冰不會深究個資產究竟係乜喇。



發新股收購資產，再用錢回購股份，看似迂迴，但就避過了一些難題。其他公司向大股東收購資產，通常都係發新股批畀大股東了事，過程都係炒高批股注資三部曲，最後都要過股東會投票一關，小股東好少會留難嘅，但只要你開長實個圖出嚟睇，的確係令人失望，基金及散戶股東應該甚有怨氣，誠哥持約36%股權，即係話要靠64%小股東投票才通過，股價又殘，資產又不是世紀筍嘢，是否夠票通過都成疑問，如果有回購，股東的利益未有攤薄，間接支持股價向上，李澤鉅昨天都話:「股價會靚仔啲」。發完新股再回購，亦可以做到雙重增持之效果，如只有發新股的注資交易，誠哥的持股只會由35.99%增至41.3%，但如果向小股東作回購要約，完成後股權就會由41.3%增至45.02%。



在於誠哥來說，用51元作回購，係非常抵買，按昨天業績顯示的每股NAV，是99.43元，以昨天收市價計，PB只有0.47，以回購價計，PB都係0.51，半價增持真係正喎。而小股東的好處，是可以用51蚊作離場價，以後不用再被長期落後的股價折磨，如果以食息為主，這個資產保證每年派9.1億元，即每股0.2464，長實中期只係派咗0.34元，末期都只有1.46元，相比之下0.2464都不是小數目，而最大的益處就是股價，理論上在投票前都不會太差，股價靚仔，股東投否決的成本才會大，因為否決咗又要跌返落去再磨過。



其實只要注資交易獲通過，誠哥已立不敗之地，如股價升上六、七十蚊，回購要約的51蚊自然收唔到貨，但股價靚仔，皆大歡喜啦，如通過晒之後才不幸插落30蚊，所有股東一定51蚊沽畀你啦，屆時誠哥持股就利益最大化，升至45.02%，即使股價在50蚊浮沉，回購要約收唔齊，餘額都可以繼續以市場日常回購方式，頂住股價。



坊間評論或會將今次單刁同政治扯上關係，青冰的想法就較簡單，長和系在2015年世紀重組，當日長實上市首天的開市價是70元，這五年幾以來派了10.43元股息(包括昨天公佈的)，換言之你當天開市以競價盤70元買入，收埋息持有至今仍然係要輸錢，2015年時的每股NAV係68.17元，最新的數字係99.43元，然後誠哥以51元變相增持及回購，點樣計誠哥都係贏晒，再者，咁豐厚的資產，持股不足四成，都唔係咁安全嘅，還是快些過50%最安心。結論係，無論係誠哥定鉅哥諗到呢招，都要嘆一句，李生，你係好嘢！

//

https://www.quamnet.com/post/KPdS6D8V70OznIGBFC6dQ?type=article&theater

李嘉誠、李澤鉅，罕有見到財技大動作。

1：長實以170億買基金會旗下持有的4個資產
2：由於交易代價係用3.33億股，每股51蚊找數，所以基金會變相增持，由原本36%，增至41.3%。
3：再嚟，長實之後又同樣價錢，用51蚊回購返3.33億股，令持股進一步升至45.03%。
4：新收購返嚟嘅公司，每年要派返9.1億俾長實，而長實又會將呢筆錢全數派返俾股東

結局
長實收入來源增加，小股東每年可以收返多啲股息，長實企業業務發展部總經理馬勵志解釋：未來兩年股息分派不會少於75億元。
李嘉誠、李澤鉅可以極短時間內，由原來36%增持至45%，其實呢一連串招數係勁
話時話，長實今年升吓升吓，今年以來已升18%。
無啦啦咁急增持，係有啲嘢嘅，都係嗰句，身體很誠實。