昨夜分享提到，香港鬼片總會攝一些道德教誨。
《邪完再邪》正是好例子。
講到尾，無非話你知鬼不一定可怕，好多時人仲可怕，仲有害人終害己這個（其實完全經不起驗證的）所謂真理。
撇除以上道德道理，齣戲癲嘅，好睇到核爆，驚就完全唔驚，亦不含任何核突咸濕場面（反而《魔》就極度核突相當咸濕，但故事近乎冇），但娛樂性強勁——當然，亦難免有些無謂設計。
散場時好亢奮，好想同桂治洪講話「好正吖！」，但當然不可能……好彩行行下遇見「電影朝聖」版主Gary，即刻狂講，總算宣洩了。
問心，興奮過睇《Dune》。
核突相 在 月巴氏 / Work Super Guy Facebook 的最佳解答
