【 #他們的愛情故事 - 有你的婚禮，即使平凡我也願意】
每對情侶拍拖，唔多唔少都會有ff過第時結婚要點，希望結婚場地係花園，婚紗要白色魚尾款嘅，剩係叫最熟嘅親戚朋友，度蜜月要去...次次討論親都起碼講半個鐘，大家理想中嘅婚禮又係點呢？
.
不過楊佑寧同模特兒女友Melinda嘅婚禮就無一般結婚嘅繁瑣儀式，日前兩人去登記結婚，只係著住簡單嘅白色polo裝，帶咗部菲林相機，叫朋友幫佢哋合照留念。無着婚紗禮服，兩公婆攞住紮花拖住手，喺運動場同大街小巷漫步，甜蜜笑容依然閃爆網民！
.
有出席婚禮嘅朋友就話，因為楊佑寧同Melinda都係不拘小節嘅人，雖然幕前總係光鮮亮麗，但其實私底下好隨便（笑），Melinda更係隨便著套衫紮個計就出門，所以亦希望結婚一切從簡，「該到的人都到了」就可以，呢輯菲林相仲會成為兩人嘅婚紗相！
.
其實婚禮儀式從來都只係配角，望住夫婦倆簡簡單單都咁幸福，真係想唱返哥哥首《追》，有了你，即使平凡卻最重要～～ 唔知咁又係咪大家憧憬嘅婚禮呢？
.
P.S. 祝兩人新婚快樂，亦預祝小寶寶健康出世～
.
#平凡亦可 #平淡亦可 #編輯就覺得好浪漫 #隨拍反而更自然 #香港 #結婚 #婚紗相 #戀愛 #放閃 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #復古 #菲林
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
楊佑寧結婚 在 楊祐寧結婚一周年妻放小短片撒狗糧- 娛樂蘋果派 - Facebook 的推薦與評價
... <看更多>