@hkpremierleague Well said。好型 無補充。(全文見fb)
相信樓主/Auntie已經好唔得閒 都無謂再落井下石。
記得英超亞洲盃完，好多人衝出嚟拎港超同佢比(樓主都係)：好多人話人哋世界級梗係值呢個價、值入場撐 ，港超邊有得比；有人話氣氛好，嘉年華咁港超學唔到！(嘻😂Freestyle咗一吓 )
係！人哋係英超球隊，多粉理所當然， 呢個我哋控制唔到。
係！人哋有實力，捱貴飛理所當然，呢個我哋都控制唔到。
但係入場支持本地球隊，呢個我哋做到啦掛？ 氣氛我哋可以一齊搞好啦掛？
睇好多你哋嘅comment成日話香港球員乜乜乜、呢隊點點點，話人容易自己做難。
講真，如果唔係做入咗行，我都真係唔會認識到佢哋，唔會知佢哋每一個嘅故事、為理想付出過啲咩。
不過認真：
「你可以說不支持，你可以說無留意，你可以說水準低。但請你不要亂入。」
請你make每一個comment之前，諗吓人哋感受。
請你尊重每一個球員、每一個為球隊球會港隊付出嘅球員。
唔只係利記，所有香港球員、所有代表我哋嘅，都唔應該walk alone。
嗱！今季唔好再鍵戰打嘴炮，唔好再覺得隔離飯香，一齊珍惜下住家飯。
今季 一齊入場撐港超聯！撐港隊！⚽️❤️
(十隊一人揀一隊撐咗佢 我哋一齊入場啦☺️)
#非打手
#圖文完全不符
#大球場嗰片紅
#所有球員都值得擁有
#你值得擁有
#有種責任燒滾氣氛
#忙著追逐天空中的球星
#全文自己搵
#樓主娘親無菇的
#唔好嬲啦
