講兩句《怒火》
（有劇透，純電影討論）
-
-
-
-
-
兄弟情同正義榥子之下，
《怒火》蘊含住嘅
係對警察系統深刻嘅批判。
-
喺電影嘅結局，比警察包圍，已經無路可逃，由謝霆鋒飾演嘅「奸角」，前警察阿敖問即將被革職嘅警察，由甄子丹飾演嘅邦主，如果當日佢哋嘅任務對調，大家嘅命運會唔會唔同。當日阿敖被安排去執行一個嚴刑迫供嘅任務，結果錯手殺人；邦主任務比較簡單，結果立功。
-
從表面去睇，呢個問題可以睇成阿敖臨終前嘅狂傲，死不悔改，堅持自己無錯。但實際上，呢個問題，意義非凡。
-
無論你係一個點嘅人，聰明定唔聰明，打得定唔打得，心狠手辣，定係濟世為懷，喺一個腐朽得無以復加，靠少數人之力無力回天嘅體制同國家機器之中，人嘅命運都會係一樣，遲早都係一樣。一係選擇滿手鮮血，喺看似係白金升降機，但實質係一失成足千古恨嘅獨木吊橋上舉步維艱；一係選擇孤芳自賞，自以為出淤泥而不染，自以為係正義嘅化身，喺幾面不討好嘅情況下苟涎殘存。
-
但兩者結局其實殊途同歸，前者始終會跌落萬丈深淵，爬得愈高，跌得愈重；後者離唔開被孤立被杯葛，被革職玩殘嘅命運。
-
有問題嘅體制會輾碎一個又一個個體，進入體制，改變體制，又談何容易？
死不悔改 在 #死不悔改 - Explore | Facebook 的推薦與評價
#死不悔改 ; 社團法人中華乾元酆都協會 · August 25 · 41. 38 comments. 18 shares ; TOPick 新聞 · September 20, 2021 · 336. 58 comments. 27 shares ; 白警2.0 · August 15, ... ... <看更多>