【狂慶！購物膠袋棄置量愈嚟愈少！🎉👏🏻】
喺好耐好耐以前嘅2005年，鬼鬼仲未出世，環保署做咗個調查，發現嗰年堆填區嘅購物膠袋棄置量係超過80億個，計計埋埋即係每人每日平均揼咗3個以上嘅膠袋咁多呀！
為咗改善香港人用膠袋嘅情況，環保署喺2009年實施首階段購物膠袋徵費計劃，規定喺連鎖超級市場、便利店同個人護理店拎膠袋要收五毫子，後來喺2015年更加擴大規模，全面實施膠袋徵費，再加上鬼鬼我誕生之後，大大力推動惜物減廢、走塑走即棄等環保訊息，去到2017年，堆填區嘅購物膠袋棄置量減少至44.2億個，足足減少咗接近一半！
有咁樣嘅成績，除咗政策嘅推動，亦都顯示咗我哋香港人減廢嘅決心同力量💪！只要我哋繼續堅持，次次買嘢都自備購物袋，揼少啲慳多啲，唔單止可以減輕堆填區嘅負荷，仲會令香港嘅環境更乾淨更美麗添！
#揼少啲慳多啲
#自備購物袋
#唔使麻煩阿德
#每人每日仲揼緊個幾膠袋
#齊心走塑走即棄
