讀者投稿《極度重男輕女奶奶篇》
有騎呢 的重男輕囡的大陸奶奶就有如生活智能低既老公。
前老公一家由內地來港，我識咗前老公一段時間就有咗結婚，前老公係幼子，對上有三個大姐。加上在鄉間老來得子，仲要十一斤重，格外讓99份外疼愛。加上老圍特色，有子就有分燒肉，有丁屋。份外令前6299更加有面。
在我大肚期間，不斷由前大姑，二姑由新界到九龍，送我去法國醫院門診睇婦科。我嘔到P都理得你。到醫院不停要照肚係仔定女。。由三個月照到七個月，終於照到確認係女?比報告99佢又話唔準，唔可信？又話遮住睇唔清。。
心聲:"你老板。。。。。咁你就唔好叫你兩個囡不停每月帶我去照啦~“
到了在屯門醫院檢查因胎大逼住『住生』=住院到生。
由35週住到37，差唔多生得。
『住生』非常悶，每天渡日如年，又唔離開得。。。。
37週半，早上六点，突然穿水，醫護 大圍緊張，立即叫我返上床産檢，已開兩度，陣痛開始。。。。
入產房等生，早場，入到去已見有位巴藉媽等縫。。。。我痛。。。。返完通宵間既前老公成個(綠衣殭屍)咁行到我旁陪診，一身汗的我，隔時又痛，前老公建議用止痛笑氣，比我吸住，點知。。。。
我吸到 天旋地轉，前老公就按住我面罩。。。瞓咗。。。仲有巨大鼻鼾！
搞到我用生仔力一掌將佢 兜巴星佢。。。之後再不停用 咆哮之聲鬧佢。之後，因鼻鼾太勁加上前老公大份，阻礙通道，被逼紅牌離場。
到了我開刀生了B囡，七磅七，何其大粒。我送到產後地獄房途中，前老公一家已在走廊等著，我99立即上前問(袋)定(呂)？
心聲:“少喇叭。。。點x知呀！啱啱瞓醒查“
成班人擁晒入產後房，等姑娘送B B比我睇揭彩！
見到姑娘抱B B入黎拍醒我睇，狂問姑娘(袋)定(吕)？
姑娘媽叉佢「媽媽未睇，比媽媽睇咗先啦！」
姑娘問我仔定女？
我話女
迅間5秒，現場環境，僵化。。。。
9962姑奶。。。。全隊退朝。。。
剩低比人劏咗肚既我。。。。
之後，住五日一男家既人都冇出現。
出院，肚 縫針硬線，六個結，打直開刀，極度難行。
等的士出院，99同前老公行前，已走數仗遠，連尾燈都見唔到，而我就住傷口左一右一咁行似機械人咁。好不辛苦，行到落的士站，見99同前老公企起到等車。上到車99同前老公飛快上坐，而只剩孤單的我就住身上的士。。。
回家，第一餐冇味飯，99話佢順產，未有開刀經驗，唔知煮乜我食，求其滾水立拾比我食就算，閒談間問佢會否同B囡擺酒？
99第一句說話：
「仔我們才擺，囡唔會」
火已迅間升上黃燈。。。。
之後，再問佢同B囡改咩名？
「囡求其啦，我哋仔用鐵板神算，紫薇斗數改架」
迅間。。。。火勢已不能控制。。。。
我立即入房同前老公死過，即撥電話吹鷄國內老爸支援，又打電話比港島老媽來增援，call齊人馬後，立即出廳同99開波。
到最後， 僵持了兩個半鐘，上半場輸一比零，下半場老爸出場協助贏返二比一。順利趕走99到二姑奶家住。
冇人幫拖既日子，我捱住劏肚既痛凑B開奶，換片。前老公每天攤屍，我老爸每天來增援。。。
退一步海闊天高。
