1960s年香港 「船灣淡水湖」主壩建造工程片段。
船灣淡水湖 係香港一個水塘，係全球第一個起喺海嘅水塘，一九六八年起好之時，佢條主壩係全球大壩前列。船灣淡水湖喺大埔東北，起喺船灣海，而南便係赤門。成個水塘歸入船灣郊野公園，環境受到保護。個水塘係儲食水。香港來計，佢面積最大，有廿四公頃，而容量排第二，排喺萬宜水庫。
船灣淡水湖，原本係船灣海東部，喺赤門北面，係畀山同島圍住嘅內海。1960年代香港唔夠食水，而啱起興大水塘嘅谷，又所剩無幾。當時香港水務監督毛瑾，喺船灣海遊船河，就構思起堤，將島同地連埋，就可以圍成水塘。當時政府喺內海起水塘，成為全球第一個起響海嘅水塘。
由於船灣淡水湖，比海平面高好多，原本喺水塘範圍沿岸嘅六鄉村，即小滘、大滘、金竹排、橫嶺背連橫嶺頭、涌尾同涌背，就浸喺水。所以成千名村民，就搬到大埔墟嘅六鄉新村。而白沙頭嘅三門仔村村民，同埋水上人，想維持原有鄉村社群，揀喺近船灣鹽田仔三門仔新村重新安居立戶。
船灣海東部，三面環山，對出有兩島，叫白沙頭同東頭洲。首先，起堤圍塘，起條長堤由大尾𡰪連去白沙頭，是爲主壩。而白沙頭同東頭洲，起短堤一條，而東頭洲到伯公嘴，又起多條短堤。圍塘之後，將鹹水魚捉晒，再抽乾鹹水，就可以儲水。船灣淡水湖1960年11月動工，1968年完成，10月5號正式啟用。首階段耗資四億港元。
船灣淡水湖主壩長二千一百米，另有副壩兩條，各長二百米，家下壩高廿八米。壩用哋全部用沙同大小石分層砌成。水塘面積達一千二百一十五公頃，儲水量則達到一億七千萬立方米。1970年，香港政府再耗資一億五千萬港元，同加高啲堤，1973年完成。自此儲水量增至二億三千萬立方米。
初期有傳食水需求大，水塘嘅鹹水未抽清就注入食水，搞到供水有鹹味。但事實上，初期略帶鹹味，皆因水塘底嘅泥仍有鹽份，抽清晒都一樣會有鹹味
現在香港政府跟廣東省人民政府購買的東江水大量超過每日香港所需，現時〔船灣淡水湖〕的儲水已不再為市區供水。但當發生大規模乾旱時，船灣淡水湖的儲水將會成為重要而珍貴的水源，解燃眉之急。現時水塘的水都會免費提供予大埔一帶離島的鄉村使用。(文字資料維基)
#歷史時空
↓
