#泰式酸辣燒牛柳沙律
#自煮日子的常備食材
分享一下全家都係牛魔王嘅常備食材🤭！
呢兩日又網上回購咗兩條紐西蘭牛柳，270蚊一大條有1.4kg左右，切開寸半一件，有成15舊分到7餐食，超值到喊😄😂！
以前成日一兩kg咁買安格斯西冷、牛肩胛塞滿冰箱，最近同老公都唔想食太肥，轉向較瘦嘅牛柳，今次lunch拎一件做咗個「泰式酸辣燒牛柳沙律」，夏日整涼拌菜好開胃，有幾片牛柳𡁻下唔會太寡，牛柳無咩肥膏但夠軟糯，亦夠肉汁同牛味，而且我貪牛柳有千變萬化煮法，除咗厚切寸半去煎，仲可以紮繩玩紅酒燒牛肉✌🏻，中式牛柳，雜菜燴牛肉飯......😋
❤️泰式酸辣燒牛柳沙律❤️
材料：
牛柳100克
自選菜底：沙律菜、粟米仔、蕃茄仔、青瓜片、洋蔥、番茜、合桃碎。
酸辣汁：青檸1個去籽榨汁、蜜糖兩湯匙與80ml開水混合，魚露2-3茶匙、番茜碎、去籽紅椒粒。（或自行調至理想味道）
做法：
牛柳完全解凍、吸乾多餘水份，唔洗醃。鑊中放適量油，油滾起後放入牛柳，中大火先煎一面，灑黑椒碎及香草鹽，約2分鐘後翻轉再煎另一面及同樣灑調味料，最後轉中小火，來回翻2次，放半涼切片即成。
P.S.: 牛柳約寸半厚，整個煎封過程我用了約10分鐘做7成熟。大家可自行因應火力及牛柳厚度調整時間。
#牛魔王食材 #Bella媽食譜 #自煮過日子 ＃紐西蘭原條牛柳
泰式酸辣燒牛柳沙律 在 U Magazine - 【#廚房學神】自製泰式牛肉沙律酸香沙律汁勁 ... 的推薦與評價
廚房學神】自製泰式牛肉沙律酸香沙律汁勁開胃 文字版食譜傳送門：https://bityl.co/8Mil 夏天最啱食呢個清新嘅泰式牛肉沙律，醬汁酸香開胃，配埋煎得香口嘅牛扒， ... ... <看更多>