今日Fb memory 彈咗佢出嚟，望住兩年前影嘅呢幅相，感觸良多。
就等流浪人妻 Mrs Gipsy 坐喺榕樹底講講故仔：
話說以前喺珠寶界撈嘅我，人緣唔錯，總算順風順水。然而，離開香港略過北京，到達埃及嘅頭半年，莫講事業，我基本上係過住被軟禁嘅生活。一日三餐都喺酒店搞掂，每半個月就有司機接我去買餸，買的都唔係急凍就罐頭，因為我嘅許可活動範圍就只有一間超市，喺收銀處俾完錢後，就要跳返上車原路折返……唯一嘅娛樂就係等意佬放工返嚟，同成大班意大利佬吹水，不過內容係乜我真係唔知🤷🏻♀既羨慕又妒忌佢哋成班友喺度講公事，部隧道機點點點，我？講條毛🙄
唔知係咪心想，所以事成。有一日地盤個人事部阿頭同腦細炒大獲，好明顯前者被炒，地盤腦細喺一晚個吹水會見到我呢個閒人喺度每日發毛到出芽，就叫我去試工……
一試，就返唔到轉頭。腦細見我應付嚟自五湖四海嘅八十餘個鬼佬都處之泰然，走埋嚟：「喂，我想兜咗個會計好耐，你得嘅吓！」就係咁我接管埋會計部嘅東東……後來連兩個負責後勤幫班鬼訂機票酒店機場接送的又因故走埋(其實走唔走都一樣，因為呢度嘅人你叫佢做同一樣嘢三次都可以有錯，自己做埋仲冇咁嬲)。呢個時候腦細笑到四萬咁口衝過嚟：「eerrrr....hehehe呢～我知你多嘢做，不過呢…」我真係俾呢個樣佢：「😏what else ? Bring it on !」就係咁，我開始咗一個頂五個嘅非洲職業生涯！
不過咁，以前買鑽石紅藍寶石，依家係要面對地底嘅英泥沙石；所有專有名詞，行內知識，我完全被降le至零。最初成日俾啲鬼佬整蠱我笑我，但我冇放棄，睬佢哋都有味，邊做邊學，每事問，日日都捉住意佬玩十萬個為什麼。經過多月摶老命，終於得到意大利總部嘅賞識，讚香港人果然做到嘢🤭
亦曾有人問：「你要放棄如日方中的事業，不可怕嗎？」
從有到無，放棄自己胸有成竹的事業，不可怕。
故步自封，永遠留戀在自己的舒適圈，才可怕。
再者，
「愛一個人唔係要放棄自己，而係在對方身上發現自己的渴望。」
喺地盤嘅工作經驗，啟發到我其實喺地盤返工都唔一定要揸鎚仔士巴拿。以前讀寶石鑑證要做lab test, 其實工程系都要做土壤lab test 呢。每個隧道工程拍板動工前，都要做哂地質勘察工作確保嗰笪地可以鑽窿。今日我做行政, 可能他日都可以做地盤女強人呢？未來嘅事情冇人知，如果下一站意佬可以去一個有書讀嘅地方，唔知我夠唔夠資格讀個地理學位返嚟呢？
圖為兩年前，當我喺地盤office來回跑馬拉松趕文件嘅時候，腦細又無端端捉我去開會，點知飛衝入會議室之際，嗚啊！原來成班麻甩佬為我準備咗個生日蛋糕🎂(其實成個寫字樓幾乎得我一個女仔，佢哋叫我地盤皇后🙈)，細心到識去我最鍾意嗰間餅店買蛋糕，我堅感動到失心慌！呢個失日蛋糕來得特別有意義，係我喺地盤界立足嘅小小認證，亦為成個寫字樓帶嚟最溫馨嘅一日(平時成日有咆哮聲同意大利文粗口橫飛！)
Old is Gold ! 依家呢單工程再沒有咁大班鬼鬼，地盤附近方圓百里唔好話學校，連草都冇條，何況蛋糕？今日小女牛一，唯有J住圖先！夠鐘放飯喇！約咗意佬食十年如一日嘅雞脾飯盒🍗🍗不過都幾好吖，生日過得平淡，但起碼有得陪住意佬返工，抵到爛啦！Ciao! 👋
#流浪人妻的生日派對
#MrsGipsyBirthdayParty
#生日的快樂
#你快樂所以我快樂
#從對方身上找到自己
流浪人妻的生日派對 在 【生日派對x 新家開箱】... - 林叨囝仔The Lins' Kids | Facebook 的推薦與評價
【生日派對x 新家開箱】 悠悠週歲趴+圓仔7歲趴，總算在結合入厝派對下進入了尾聲 一週慶生三次，到底是為難誰啊 但看到孩子們都開心，一切都值得❤️ 認真說起辦 ... ... <看更多>