「石垣旅行～day1:美崎牛燒肉、入住art hotel、birthday、舟藏之里居酒屋，驚安Donki行街」出到機場大概係日本時間11點3，因為廉航無野食提供，所以肚已經開始餓，拎咗車就出發去食美崎牛燒肉😍聽說美崎牛仲矜貴過石垣牛！
美崎牛燒肉
由機場出發，揸咗大概15分鐘車就到（事前我去佢facebook專頁訂枱）一場黎到，坐低就叫咗最貴嘅8千同6千yen嘅set試，lunch係包埋任添白飯，泡菜，湯～嘩！呢度係真炭燒，特別正，啲牛肉好好食，好好味呀🤩，雖然我地已經食過好多唔同地區嘅和牛，但覺得美崎牛真係好味，肉味濃得黎又溶，我地係好鐘意食好肥嘅肉🤣，但佢唔會得個溶字而無肉味，平時唔好白飯嘅我仲送咗好多白飯一齊食，停唔到口，啲汁又係好好味！簡直念念不忘！就連貝貝一路食都一路好滿意，平時佢都食好少飯😂但佢自己坐喺度都食咗好多，仲食咗好多牛肉！細個已經食咁多好野，大個點算🙊不過呢間真係值得encore!🥰大推～
Art hotel，birthday母嬰店
由餐廳返art hotel都只係兩分鐘車程，住呢間酒店好方便，我安排嘅行程都唔會離酒店好遠，最遠都係揸20分鐘左右，酒店都非常近食飯行街嘅地方，呢間酒店好方便好易搵，房幾大，兩張雙人床可以泊埋一齊，變到超大超大床！我地3個一齊瞓，全晚都可以掂唔到對方，貝貝終於舒服到可以一覺瞓天光！係廁所細啲同埋成日覺得廁所有陣味，房間入面有清新機不過好似無咩用，有泳池（我地無去），有大浴場（男女分開，無得著衫嘅，夜晚我同貝爸輪流去浸，因為怕熱所以無帶貝貝去，浸完直接喺入面沖埋涼先上房，省時又有得嘆下！）
由於早機嘅關係，貝爸同貝貝喺酒店等我執野嘅期間瞓著咗！一瞓仲瞓到差不多5點，無咗半日行程🤭 唯有去birthday行陣再去dinner🤧點知，平時我買開果個牌子嘅冬天衫，已經無乜90-100碼嘅衫買😭，原來bb大個咗，啲款真係會少咗選擇！😞 最好買都係初生階段同7-80碼，最多最靚最齊！今次去birthday係買得最少野嘅一次🙈唯有再等去西松屋睇下有無野啱！
舟藏之里居酒屋
呢間我事先搵visa白金秘書服務(廣東話：800900781)訂枱，只要有visa白金信用卡，查定餐廳電話，提供個人資料，就可以叫秘書幫手訂枱，非常方便！
去到門口已經非常有鄉土風味，係非常傳統嘅木屋，可以坐塌塌米或者坐櫈，如果有特別要求記得訂枱時講，我地有bb，佢又坐唔定，所以佢坐bb櫈會適合啲。野食我地叫咗傳統料理，一set已經好多野食（味道幾好，特別過沖繩菜，魚生都好食，但炸魚唔好食）另外仲追加咗海膽龍蝦🦞（醬汁好好味），石垣牛陶板燒（好差唔駛叫），海葡萄（好味），墨魚汁炒飯（好好味，貝竟然唔怕黑蚊蚊，食咗好多），苦瓜炒蛋（我唔食苦瓜都接受到食咗少少，不過無乜蛋）！我地2大1小，枱面勁多野食，但隔離枱日本人又係2大1小，全晚食得4碟野😂，點解我地咁大食？仲要食得晒。餐廳每晚大約8點會有歌舞表演，貝貝一聽到唱歌就超開心，發現佢好適合坐呢啲居酒屋食飯，完全融入到當地文化😹有得食又有得玩！呢間餐廳整體黎講都唔錯！
驚安Donki （營業：08:00-02:00）
去日本唔行Donki，實在好似無去過日本一樣，行donki最好係收得夜，食完dinner去到慢慢行都得，原來石垣島呢間donki係上年8月先開幕，日本一定大過香港好多好多，慢慢行都可以行粒幾鐘，貝貝有得shopping又係超興奮，成日都要走黎走去捉住佢，又唔肯坐bb車，要落車慢慢行，慢慢揀，佢咩都拎上手話要買😌 不斷擺野入購物車😂我成日都要偷偷地擺低，激死！
明明食咗好多野，但行完街個老豆又話餓😑，但石垣好多餐廳去到21:00就準備關門，只剩返快餐店，最後爸爸食咗個mos burger宵夜成為第一日旅程嘅總結！
下篇會介紹第二日行程，Dolphin fantasy🤩親親海豚之旅～公設市場～石田屋品嚐石垣牛😋
1Y10M9D
——————————————
FB: 貝貝Alice-小寶貝夢遊日記
IG:bowl_lam
記得讚好我地 Page 之餘，仲要 Set 做搶先看呀～
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活
海膽醬donki 在 [問題] 海膽醬的料理? - 看板cookclub - 批踢踢實業坊 的推薦與評價
我有一罐 日本的 海膽醬
但是我不知道 怎樣運用這個醬
該搭配哪些食材比較ok?
第一次接觸這個醬 有點無助 = =
(有點小腥味的醬)
--
※ 發信站: 批踢踢實業坊(ptt.cc)
◆ From: 123.204.110.22
... <看更多>