關於 深夜港灣甄楚倩 ，我們在網路上蒐集到這些相關的討論、資訊與評價

［拉闊音度］電影節開幕電影，《七人樂隊》譚家明嘅《別夜》用咗呢首歌，《深夜港灣》，老嘢（四十以上）必識。原曲山口百惠嘅《秋櫻》（我都未出世），戲入面播係甄楚倩嘅版本，啱時代背景，亦可能係佢最出名嘅歌。至少佢在「民主歌聲獻中華」都係露出小蠻腰唱呢首（係好有喜感的，仲有李克勤唱《深深深》）。當然我仲識《今天天氣呵呵呵》同《戀愛傷身》

但我聽嘅，係關淑怡嘅翻唱版（無獨有偶兩個都神神化化）。嗰隻翻唱碟Ex All Time favourite 評價好高，二手炒價都勁，絕對係我心中最重嘅香港專輯之一。時為1995年，我考會考，呢首歌我應該聽咗近千次

所以，我當然好熟歌詞。然後今日睇戲認真聽（一面睇住余香凝個bra，雙重享受，劇透了）（你諗下如果係聽余香凝睇甄楚倩就錯晒）（其實當年都幾得嘅），就發現，喂，啲歌詞唔同喎

搵返歌詞，的確有啲唔同的，仲有啲字根本原本冇。我估九成係關淑怡臨場興起自己加字，監製又見唱得好，就當然照去。

至於邊個版本填得好啲，就等大家「僧推月下門」咁推敲推敲了

拿，同我睇戲嘅女，散場就有呢啲聽了，當然加返句「你好勁呀」就更妙（男人都係鍾意女人讚勁）。不過而家就得返埃汾太聽我講。「所以咪要寫上網」

又，當年嘅中文聆聽，我係拎個C嘅，「證明香港考試制度真係埋沒才華」「好彩大分都A」（其實我事隔廿幾年先發現歌詞唔同，應該拎U）

Anyway，套戲相當好睇的。「唔好掛住睇余香凝個bra」「仲有馬賽著旗袍」「仲有林愷鈴著熱褲」「咁你鍾意睇佢老母都得嘅」（係，有龔慈恩）

正經（雖然上一段都好正經），套戲係好睇的，當然老嘢睇更好，仲會明啲「彩蛋」。

例如洪金寶，之前《七小福》演師傅于占元，而家就拍返，搵洪天明演返佢師傅于占元。

又例如，袁和平拍嘅一段，元華要食漢堡包，就明顯向《摩登如來神掌》致敬，「大俠愛食漢堡包」。雖然係港產片，但套戲在台灣好hit，你問四十以上嘅台仔好多都知

又當然，仲有杜琪峰嘅《遍地黃金》，就呼應返佢自己嘅《碧水寒山奪命金》，以及《奪命金》

牛年比別人知得多。subscribe now.
Patreon.com/ivanliresearch

有許多歌曲伴着我成長，《深夜港灣》於1988年三月份推出，當時我剛剛移居到溫哥華讀書，曲詞的凄美正正配合加拿大冷雨夜的情景，甄楚倩今次親身在我面前唱這首歌，勾起無限回憶之餘，也慶幸今天過得OK，謝謝這份生日的祝福！😍🥰😘❤️

（＊）［曼德拉效應］《同步過冬》係邊年嘅歌？即刻答。

1. 你見我個題咁寫，加上咁問，應該估到有伏了。

2. 有冇人答係2003年沙士？或者2004年沙士後？反正2004年有《04 祝福你》

3. 事實上，我做過不科學嘅小統計，唔少人都以為呢首歌係沙士期嘅間歌。再加埋張栢芝呢身護士造型（嗰時仲未轉行做女警，你懂的）

4. 即使你上網Google，都會見到《同步過冬》相關搜尋係　SARS，沙士，2003

5. 咁，就梗係唔係沙士啦

6. 證據？今日有朋友講起首歌。我一開嚟睇，估下見到邊個？

7. 我見到張國榮。

8. 所以，如果張國榮Fans，一定知道呢首歌係沙士之前的。如果唔知嘅？證明你唔係真Fans。下？你唔知點解同香港人有關？係香港人都會明喎，你唔明證明你唔係真香港人（＊）

9. 點解咁多人會當係沙士？因為好理所當然。慘嘛，勵志嘛，嗰時與皮球大合唱嘛，We are the World又好，滔滔千里心又好，民主歌聲獻中華又好（雖然我到而家都覺得甄楚倩去唱《深夜港灣》好有喜感，又，睇返片，原來冇露腰）。而當時個Zeitgeist就係大愛，甚至唔係左膠，不分左右。你而家想唔想像到　譚校長　同　黃耀明　一齊唱歌？但肯定譚校長唔係今日先係咁，黃耀明亦唔係今日先係咁。

10. 講返，係喎，打氣歌喎。同朋友討論，佢地都記得係經濟不景時嘅歌。我問， 「咁即係邊年」？可能因為我打金融工，姐係呢，冇一年公司唔係話前景充滿挑戰，年年都不明朗。即使2007年都係要積穀防飢，佢老味丫—最老味係，呢句居然最中喎！

11. 到底首歌幾時出的？2001年。

12. 兜咁大個圈，都係話畀你知，根本沙士之前幾年，樓市已經勁跌，股票又勁跌，失業率勁升。2001年已經要出動 《同步過冬》。所以你以為沙士 「令到」股跌樓跌，完全係表錯情（http://bit.ly/2Uc1hrJ）

13. 仲有，認知科學嘅問題。你諗下，對於一件完全「客觀」嘅事實，大家都會有唔同意見，甚至你網上搵到好多文都寫錯（留意，首歌係邊年，係好簡單嘅事實，非黑即白的）。連過去，有歷史，咁簡單嘅問題都會咁。咁你認為，一大班人爭論而家發生，或者未發生嘅嘢，可以一錘定音嘅，係咩人？只有圍爐嘅人。

14. 正係因為大家「記得」沙士好似好慘，又「以為」沙士股樓大跌失業大升，想當然就「覺得」呢首歌係嗰年。事實上股樓大跌失業大升根本唔止沙士。

15. 比多首歌你，黃秋生嘅，男人40無得撈　（http://bit.ly/2ShlieK）

16. 你以而家嘅標準當然小兒科，喂但當年我地好震憾架！當年我地未有Facebook 未有iPhone未有youtube，仲係茹毛飲血鑽木取火的，當年仲係打茄輪會有BB嘅good old days

17. 講返呢首歌，我就好記得，2002年。因為我同教書啲同事一齊去唱K。係架，唱K都有得唱，你睇MV都知，粗口字都唔出得。而我同另一同事點嚟照唱「終於乜都無，嗌句老撚土」時，同行搣時都啤咗我地一眼。

18. 你睇嗰個時代幾咁保守！當年林海峰播錯呢首歌嘅粗口版，搞到上咗頭條。而家我在Facebook Page公然咁寫都冇乜事，世界真係不同。當然而家你在電台都唔可以播粗口歌，正如C-bomb都仲係鬼佬傳媒嘅禁忌，absofuckinglutely不能出街的字（http://bit.ly/2SfK5A3）

19. 好啦，你可以睇下歌詞

20. 「香港經濟仆到　仲快過剃你條毛　金行都閂鋪　老細要走佬　窮到被竇都無」「個市跌到雞飛狗走　你卻叫我等下訓下如何是好　山頂跳樓好　實會似股市　夠曬恐佈」

21. 留意，呢首歌係2002年，同步過冬之後。咩情況，睇到啦

22. 然後依然有人堅持2003年股樓大跌，問我之前計「恒指單月跌6.6%」做乜唔計埋嗰年。

23. 因為嗰年恒指根本冇一個月跌6.6%，成個沙士期間都冇，全年仲升到七彩。

＊「曼德拉效應」根本係不存在嘅東西。唔知咩係「曼德拉效應」，可以Google下，因為係偽科學教壞人兼垃圾我就唔些牙link了。睇完想知點解根本係無中生有嘅，睇呢度：（http://bit.ly/2Sgldbi）

＊＊留意呢度嘅混吉邏輯。拎嚟吹水講下當然得，當pun講下可以，但好多人正經討論都照用呢種邏輯，就好撚大鑊。例子太多。例如基督徒唔講粗口，講粗口嘅就唔係真正基督徒。例如沒有懷才不遇，真係不遇嘅就證明你才華未夠。諗真啲，係廢話嚟的。埃汾有心寫嘅文一定有教育意義。冇嘅，證明佢係求其寫咯。埃汾決心要溝嘅女實溝到，溝唔到嘅證明佢未夠決心咯。

版務：等人打救不如自救嘛，想打救埃汾有機會。而家傾緊啲合作模式，仲未完全有細節，但會有收費了。當然呢度繼續唔收費營運。但聽聞最初話科水好多人話支持嘛，到時睇下幾多個變晒東華總理口爽荷包立。另外都認真，話我知如果你畀月費，希望埃汾可以畀到乜你。梗係要有啲嘢免費版冇啦。